Muling naghayag ng kanyang saloobin si Lea Salonga tungkol sa "fans" na nagtangkang pumasok sa kanyang dressing room sa Broadway Theater sa New York, kung saan kasalukuyang ipinapalabas ang musical na Here Lies Love, upang magpa-picture.
Si Lea ang producer ng show at mayroon din siyang special appearance dito.
Sa programa ng American TV host na si Sara Gore na New York Live kahapon, July 26, 2023, naging panauhin dito si Lea.
Una nilang pinag-usapan ang tungkol sa show at ang merito ng istorya nito na hango sa buhay ni dating First Lady Imelda Marcos.
Bago magtapos ang show, inusisa ni Sara si Lea ang tungkol sa "fans" na sumulpot sa labas ng kanyang dressing room upang magpa-picture sa kanya.
Tinanong ng TV host kung si Lea kung hiwalay ba dapat ang “art” sa “artists.”
Tugon ng Pinay Broadway diva, “There is, there is. We're human beings. First of all, we need to rest, we need to take time for ourselves.
“When we say goodbye, when we make our curtain call, we head back to the room, that’s it.”
Sabi ni Sara, dapat talagang bigyan muna ang artists ng pagkakataong mapag-isa matapos ang isang performance.
Sinang-ayunan ito ni Lea.
Saad niya, “Exactly. I mean, it’s an exhausting thing to do, a show.
“Even if I do sing one song, just one song, there’s a lot that goes into it.
“The preparation that goes into it is the same preparation as when I’m preparing to sing for two and a half hours.
“So, I think, it started a conversation, I think, that has enabled a lot of artists to say, 'I need to protect my own boundaries, too.'”
Matatandaang hindi nagustuhan ni Lea ang pag-barge in ng ilang "fans" sa dressing room niya Broadway Theatre, sa New York, noong July 17.
Hindi kumportable si Lea sa sitwasyon, ngunit maayos niyang ipinaliwanag sa "fans" na kung wala sa guest list ay hindi pinapayagang pumasok sa dressing room niya, para na rin sa kanyang security.
Read: Lea Salonga addresses dressing-room incident with Pinoy fans in Broadway
Ayon naman sa “fan” at uploader ng viral video na si Christopher Carpila, hindi niya pinagsisihan ang pag-upload ng video at nanindigan siyang wala siyang ginawang masama.
Kaya daw hindi siya hihingi ng dispensa sa kanyang nagawa.
Read: Uploader of viral Lea Salonga video says he will not apologize: “Wala akong ginawang masama.”