Naglabas ng kanyang saloobin si Zombie Tugue tungkol sa pagkakadawit ng pangalan niya sa isyung kinasasangkutan din ni Jose Manalo.
May netizens kasing pinuna ang “blackout” joke ni Jose kay Zombie sa isang episode ng E.A.T., ang noontime show ng TVJ sa TV5.
Read: Nigerian content creator Zombie Tugue, latest addition to Dabarkads
Sina Zombie, Jose, at Wally Bayola ang hosts sa “Sugod Bahay Mga Kapatid” segment ng E.A.T.
Si Zombie, aka Daniel Oke, ay isang Nigerian content creator at bagong addition bilang Dabarkads.
Noong nakaraang linggo, kumalat sa social media ang video clip ng Sugod Bahay segment mula sa July 24 episode ng E.A.T.
Nagbitaw ng joke dito si Jose patungkol sa kulay ng balat ni Zombie.
Biro ni Jose (habang tinuturo si Zombie), “Ito kapag napanalunan mo sa bingo ‘to, yan ang tinatawag na blackout.”
Makikita sa mukha ng ibang co-hosts—sina Paolo Ballesteros, Miles Ocampo, at Allan K—na hindi nila pinaboran ang binitawang biro ni Jose.
Nagkomento naman ang ibang netizens at tinawag na “discrimination” at “racist” ang biro ni Jose.
Pinag-usapan ito ng netizens at nasulat ng ilang news outlets.
Bago ito isulat ng PEP.ph, nagpadala kami ng mensahe kay Zombie para kunan ng reaksiyon, pero hindi siya sumagot.
Nitong August 5, nagsalita na si Zombie ukol sa isyu sa pamamagitan ng isang video sa Facebook.
ZOMBIE: “WAG KAYO MASYADONG MAGIGING SENSITIVE.”
Sinabi ni Zombie na wala siyang nakitang mali sa ginawang biro ni Jose.
Sabi ng bagong TV personality, “He was talking to me, right? Tapos sa pakiramdam ko o sa pagrinig ko, I did not feel o hear anything bad o that affect[ed] me.
“Parang good vibes lang kaming dalawa. Or good vibes lang tayo sa Sugod Bahay. Nagtatawanan lang kaming lahat lagi.”
Ang gusto lang daw nila ay pasiyahin ang kanilang manonood.
Sabi ni Zombie, “Hindi ko napansin na may sinabi na mali. Walang mali diyan, okay?”
Puwera na lamang daw kung siya ang lumantad at nagsabing nasaktan siya sa biro.
“Pero walang mali diyan. It did not hurt me, 'no. Walang mali diyan…” pagtukoy niya sa “blackout” joke ni Jose.
Dagdag pa niya, “Hindi ko alam kung bakit medyo sensitive po yung mga iba't ibang tao sa [buhay ng iba].
“Nagiging pakialamera nila. Wag kayong magiging pakialamera sa mga bagay na hindi para sa yo.
"Mind your business, please. Always mind your business.”
ZOMBIE SAYS THEY ARE A FAMILY
Nilinaw ni Zombie na walang isyu sa kanila ni Jose.
Sabi ng content creator, “Kami sa Sugod Bahay, isang grupo kami. Masaya kami lahat. Parang pamilya kaming lahat.
“Sa mga tao diyan, wag kayo masyado magiging sensitive sa mga jokes namin sa Sugod Bahay. Okay lang kami diyan. Masaya kami.”
Katuwiran pa niya, “Kung ang view mo talaga is always negative, lahat makikita mo it’s gonna be negative.
“Pero kung ang view mo talaga is positive, gusto mo lang ng good vibes, positive vibes, e, di, kapag nanonood ka, lahat ng makikita mo positive din.”
“They’re my boss,” pagtukoy ni Zombie kina Wally at Jose.
“Alam nila kung anong mali, alam nila kung anong tamang joke. They know everything. They’ve been there for years. So, respect them.”
Bilang baguhan, marami raw siyang natututunan sa dalawa.
“Sa mga pakialamera diyan, please mind your business, okay? Masaya kami. Masaya ako.
"Wala kaming problema. Masaya ako at si Kuya Jose masaya din.
“Everything we’re doing is just good vibes.
Nagpatutsada rin ni Zombie sa news outlets na isinulat ang isyu.
“What kind of news is this? What are you doing?” sabi ni Zombie na tumatawa.
“Anong gusto niyo, views lang? You just wanna get views? Para saan yan?” tanong ng content creator, na madalas ding gumagawa ng content para maka-generate ng views.
Giit niya ukol kay Jose, “He did nothing wrong, okay? He did not hurt me.”
Inamin ni Zombie sa isang separate interview na nagsimula man siya bilang content creator, gusto na niya ngayong mag-artista at pasukin ang showbiz.
Bagamat nakikilala na siya bilang content creator ay mas lumaki raw ang following niya nang mapasok sa E.A.T.
Dahil dito, naramdaman ni Zombie na “iba ang sikat”
“Yung nabago din, iba yung sikat. Habang pumasok sa TV, iba. Iba, iba,” sabi niya sa interview ni Julius Babao.
Mas dumami raw ang nakakakilala sa kanya, bata man o matanda.