Focus muna sa work ang GMA-7 actress na si Bea Alonzo matapos ang kanyang engagement sa longtime boyfriend nito na si Dominic Roque.
Isa nga sa mga pinagkakaabalahan nito ngayon ay ang upcoming teleserye nito na Love Before Sunrise kung saan si Dennis Trillo naman ang kanyang makakapareha.
Read: Bea Alonzo on Dominic Roque's proposal: "It was so raw. It was so real."
Sa panayam ng PEP.ph (Philippine Entertainment Portal) at GMA News kay Bea sa grand launch of OPPO Reno 10 Series 5G sa Manila Hotel nitong Thursday, August 3, 2023, ibinahagi nito na nakapagsimula na silang mag-taping para sa serye.
Ayon kay Bea, lilipad din sila papuntang Canada sa mga sususunod na linggo para kunan ang ilang eksena sa teleserye.
"We're actually kind of halfway there," pagbabalita ni Bea.
"So, medyo madami pa kami ishu-shoot. And I believe we're gonna go to Canada very, very soon to shoot
"So, hopefully within this month. Medyo inaasikaso na yung visa. Sana walang maging problema. Para makaalis na rin kami."
Dagdag ng aktres, "Napakaganda ng mga eksena na isinulat na magaganap sa Canada. So, hopefully wala talagang maging aberya."
Ibinahagi rin ni Bea na magkakaroon siya ng tiyansang makasalamuha ang Kapuso fans sa Canada dahil mayroong ding binabalak na show ang GMA Pinoy TV doon.
Pahayag ng aktres, "I'm very, very excited. Kasi every reason that I can get to go out of the country, I will take it.
"And plus, we might be performing there for our Kapusos in Canada. So baka mag-perform kami for the GMA Pinoy TV fans."
BATTLE OF THE JUDGES
Masaya rin si Bea dahil maganda ang rating ng reality-talent competition na Battle of the Judges, kung saan isa siya sa mga tumatayong "battle judge" at mentor kasama sina Boy Abunda, Annette Gozon-Abrogar, at Jose Manalo.
Ayon kay Bea, bagong experience ang proyektong ito sa kanya kaya naman sinisugurado niyang involved siya sa mga talentong kabilang sa "Bea's Squad."
Pahayag ni Bea, "So, I am very much involved sa mga acts at sa mga numbers ng mga contestants ko within my group sa Bea's Squad.
"So, it's the first time that I'm mentoring. It's a different experience. It's the first time that I'm judging. So, I really take it seriously.
"So, I'm happy I did it because I got to discover a lot about myself and discover so much about my contestants."
Paano nga ba bilang isang mentor si Bea?
Sagot nito, "I'm very supportive, definitely. And I let them have their voice. I listen to what they have to say because anyway, it's their future.
"I need to support them and guide them through all of it because I've had 20 years of experience in show business.
"But siyempre, most of their acts or their talent, hindi ko na naman talento. So, I am here to just listen to them."
Confident si Bea na maayos nitong magagampanan ang kanyang role bilang mentor sa kanyang squad lalo't produkto rin siya ng competitions.
Pero pag-amin ni Bea, marami rin siyang natutunan mula sa kanila.
"From the very beginning, isa akong kontesera before I became an artista. So, I know what it feels like to be a contestant.
"I joined beauty contests before, that's how I was discovered. So, alam ko yung hirap, alam ko yung pakiramdam ng talunan kapag ka... siyempre, not all the time, you will win right?
"Alam ko yung pakiramdam na kailangan mong i-dedicate ang oras at energy at panahon mo para sa isang bagay na that you so love.
"So, habang ginagawa ko tong Battle of the Judges, nare-remind ako of the past, of my roots, where I came from, and why I am doing this.
"So malamang, natutulungan ko sila but lingid sa kaalaman nila, natutulungan din nila ako."
READ MORE:
- Bea Alonzo says John Lloyd Cruz invited to her wedding: "Hindi mawawala yon sa guest list."
- Dominic Roque to Bea Alonzo: “I want to spend my whole life with you, forever.”
- Beatriz Saw pregnant with 3rd child; reunites with One More Chance co-stars Dimples Romana, Bea Alonzo
- Bea Alonzo admits past rift with Alden Richards