Alas tres kuwatro ng hapon o 3:04 p.m. ng Agosto 29, 2023, Martes, nang bawian ng buhay sa ICU ng St. Luke’s Medical Center, sa Quezon City, ang hinahangaan at pinagpipitagang broadcast journalist na si Mike Enriquez.
Read: Veteran broadcaster Mike Enriquez dies at 71
Itinuturing ng GMA Integrated News broadcaster na si Joel Reyes Zobel na masuwerte ang sarili dahil napuntahan pa niya si Mike sa ospital matapos itong pumanaw.
“Buti na lang, pinayagan ako ng pamilya niya,” sabi ni Joel nang saglit siyang makausap ng Philippine Entertainment Portal (PEP.ph) pagkatapos ng live guesting nila nina Raffy Tima at Susan Enriquez sa Fast Talk With Boy Abunda ngayong Miyerkules ng hapon, August 30.
Read: Susan Enriquez on late Mike Enriquez: "Madalas kaming napagkakamalang mag-asawa."
Isa si Joel sa malapit na kaibigan ni Mike dahil bukod sa magkasama sila sa trabaho, ninong niya sa kasal ang namayapang broadcast journalist.
Isa si Joel sa unang nakaalam tungkol sa paglisan ni Mike dahil sa tawag sa telepono na natanggap niya mula sa asawa ng yumao na si Baby Enriquez.
Kuwento niya sa Fast Talk With Boy Abunda, “I got a missed call from Tita Baby. I was doing my program in the afternoon, mga 3:15 p.m.
"So, alam ko na may nangyari kasi hindi naman tumatawag si Tita Baby sa akin.
“I never got an update regarding Mike’s condition from Tita Baby. Ang nakakausap ko, si Tita Rose, yung kanyang kapatid.
“I immediately called back. I called her [Baby] back and, yun nga, binanggit niya, ‘Wala na si Mike. He expired at 3:04 p.m.’
“I immediately asked her if I can visit the hospital. Sabi niya, ‘Hindi. Okay lang.’
“I think, si Tita Baby, hindi pa nagsi-sink sa kanya kasi very immediate. So, I decided to go the hospital from GMA."
Pagpapatuloy ni Joel, "And I had the pleasure, the honor, of seeing Mike while he’s in the ICU, bago isara ang body bag. Nakapagpaalam ako at nakapagpasalamat.
“Thank you kay Katrina, yung kanyang pamangkin. Pinayagan akong makapasok
"Ngayon pa lang, actually, nagsi-sink in sa amin na wala na si Mike.”
Read: Mike Enriquez's memorable TV moments
MIKE'S DEDICATION TO HIS WORK
Saksi si Joel sa matinding pagmamahal ni Mike sa kanilang propesyon dahil kahit may mga nararamdaman, patuloy sa paglilingkod ang kanyang kaibigan.
“He’s dedication to work, grabe. One morning, papasok siya, he will do newscast. Kaya lang, nakita namin siya na humahapo niya na siya.
“Sabi ko, 'Ba’t andito ka pa?' 'I still have to do the newscast.'
“'Hindi,' sabi ko, 'magpahinga ka na.' Yun pala, na-diagnose siya na may problema siya sa puso.
"We were able to convince him, 'Don’t do the newscast. We will do it for you.'
"Nagkasunud-sunod na, may problema siya sa baga, may problema sa puso, and nalaman ding may problema siya sa kidney.
"Grabe yung dedication sa trabaho nun. Kahit hirap na pumasok, papasok."
Maraming hindi malilimutang karanasan at kuwento si Joel tungkol kay Mike.
“Marami akong anecdotes ni Mike. Isa sa masasabi ko, Mike is a difficult boss. Ano siya, perfectionist.
"The slightest mistake sa script and he will terrorize you because he’s a sucker for competence. Ayaw niya ng nagkakamali.
"Outside work, si Mike is a very caring friend.
"I remember, we got married in 2003, my wife and I, tapos kinuha ko siya sa Huwes. Dalawa lang silang ninong — si Mike saka yung kaibigan kong mayor.
“After three years, we decided to magpakasal sa simbahan. Kinuha ko uli siyang ninong.
"Sabi niya, ‘Bibigyan na naman kita ng pakimkim?’
"Sabi ko, ‘Puwedeng hindi naman,' but he ended up... he’s a generous person. "
Pagpapatuloy na lahad ni Joel, “Kapag kami ay magpapaalam, 'Sir, magbabakasyon muna kami two to three weeks.' 'Sige, bumalik ka agad.' 'Oo, babalik kami agad.'
"Pero papupuntahin ka niya sa opisina niya, bibigyan ka niya ng pocket money. Ganoon siya ka-generous. Napaka-generous na tao."
Pagbibigay-pugay pa ni Joel sa yumaong broadcaster, “Mike is unique. There will never be a Mike Enriquez in the industry kasi Mike can make comic and news without sacrificing integrity.
"Puwedeng ang balita maging katatawanan na hindi mo naisasakripisyo yung essence ng balita, and only Mike Enriquez can do that.”
Nakatakdang dalhin ang mga labi ni Mike sa Christ The King Church sa Greenmeadows, Quezon City, ngayong gabi.
Related Stories:
- '24 Oras' pays tribute to Mike Enriquez's 54-year broadcasting career
- Mel Tiangco at Vicky Morales, di napigilan ang emosyon sa pagpanaw ni Mike Enriquez
- 'TV Patrol' anchors mourn passing of '24 Oras' anchor Mike Enriquez
- GMA Network pays tribute to veteran broadcaster Mike Enriquez
- Ogie Alcasid, Gary Valenciano, Yasmien Kurdi remember late broadcaster Mike Enriquez
- Announcement ng pagpanaw ni Mike Enriquez, tinutukan ng publiko sa '24 Oras'