Diretsahang sinabihan ni Kris Aquino ang ex-boyfriend na si Batangas Vice Governor Mark Leviste na itigil na nito ang pagpapadala ng mensahe sa kanya.
Sa kanyang Instagram Stories ngayong araw, September 1, 2023, ibinahagi ni Kris ang tatlong screenshots ng mensahe niya kay Mark.
Sa unang mensahe, may inilagay siya ritong caption na "My TRUTH."
Sinabihan niya si Mark kung hindi ba ito napapagod dahil dalawang linggo na niyang hindi sinagot ang mga mensahe nito.
Nawalan na raw ng gana si Kris na magtanong kung ano ang mga kaganapan sa buhay ni Mark, gayundin ang ibalita rito ang mga kaganapan sa kanyang buhay.
Mensahe ni Kris, “Marc, aren’t you tired of the unanswered messages? It took me 2 weeks and a half to feel that I no longer really feel the need to keep communication lines open with you.
“Whatever is going on in my life or in yours, parang nawala na the desire for me to know what’s happening with you or for me to keep you informed.”
Sa ikalawang screenshot, sinabi ni Kris na walang nakapag-impluwensiya sa kanya sa mga nais niyang mangyari sa kanilang dalawa.
Bumalik na rin daw ang gana niya sa pagbabasa ng mga libro.
Idagdag pa raw ang pagtitiis niya sa sakit ng kanyang katawan.
Saad ni Kris, “I haven’t been influenced by anyone – It’s just that I’ve fallen back to my pattern of reading a new book every 2-3 days, reading NYT, and the magazines I like, and coping with the hardships my body must endure.”
Sabi naman ni Kris sa ikatlong screenshot, nais niyang maging “polite” dahil mahirap talaga ang sitwasyon nilang milya-milya ang layo—nasa Amerika si Kris at nasa Pilipinas si Mark.
Nagpasalamat si Kris kay Mark sa pangangumusta nito sa kanya, pero mas gusgutuhin daw niyang huwag na nitong gawin.
Aniya, “I want to remain polite, but this is really what happens when we are so far from each other – people really do grow apart.
“Thank you for keeping in touch BUT I’d really prefer if you don’t. It’s really a lot more peaceful now.
“And that's always been my prayer. Serenity & peace.”
Nilagyan pa niya ito ng caption na, “The End.”
Hindi na-edit ni Kris ang kanyang screenshot dahil makikita rito ang sagot ni Mark ngunit putol ito.
Bahagi ng mensahe ng bise-gobernador, “I don’t know exactly how to respond to your message but in my heart and in my head, I…”
June 2023 unang inamin ni Mark ang relasyon nila ni Kris.
Read: Mark Leviste confirms relationship with Kris Aquino: "Hindi lang happy, full of love, love, love."
July 10, 2023 naman isinapubliko ni Kris ang hiwalayan nila ni Mark.