Si Senator Jinggoy Estrada ang naghain ng panukala na resolusyon bilang pakikisimpatiya at pakikiramay sa mga naulilang pamilya at kaibigan ni Mike Enriquez.
Si Mike ang batikan at multi-awarded broadcast journalist na pumanaw sa edad na 71 noong August 29, 2023.
Read: Veteran broadcaster Mike Enriquez dies at 71
Pinapurihan ni Estrada sa proposed Senate Resolution No.770 ang mga kontribusyon sa Philippine journalism at broadcast communication ni Enriquez na aniya’y malaking kawalan sa sambayanang Pilipino.
Bahagi ng panukalang resolusyon ni Estrada: "His passing is a great loss to the Filipino nation, as well as the journalism profession and broadcasting industry which are currently under siege from disinformation, fake news, and other adverse impact of the digital media age.
"Enriquez’s trademark voice, distinct style of delivering news, and hard-hitting commentaries have become part of countless Filipino households and shaped the consciousness of the citizens about the pressing social issues and current affairs.
"His outstanding body of work, professionalism and unassailable integrity should serve as inspiration for budding mass media practitioners and the younger generations to pursue excellence and hone their craft with purpose and passion."
Inalala rin ni Estrada ang pagtanggap ni Enriquez ng mga parangal mula sa mga international award-giving body dahil sa serbisyo nito sa publiko bilang mahusay na mamamahayag.
Binawian si Enriquez ng buhay sa St. Luke’s Medical Center, Quezon City dahil sa matagal na pakikipaglaban sa kanyang mga karamdaman.
Nakaburol ang kanyang mga labi sa Christ The King Parish sa Greenmeadows, Quezon City.
Ngayong Sabado, September 2, kasalukuyang nagaganap ang pinahintulutan ng kanyang pamilya na isang araw na public viewing na nagsimula ng 8:30 ng umaga at matatapos sa ganap na ika-tatlo ng hapon.
Nakatakdang ihatid si Mike sa huling hantungan nito sa Loyola Memorial Park, Marikina City, bukas, September 3, 2023.
Read related stories: