Nagbigay ng pahayag ang pamunuan ng Light Rail Manila Corporation (LRMC) kaugnay ng insidente sa Light Rail Transit (LRT) Line 1 noong August 23, 2023.
Naipit kasi ang daliri ng isang pasahero sa pinto ng tren sa LRT 1-Monumento Station.
Pinindot ng isang pasahero ang emergency button—bagay na ikinagalit umano ng LRMC security personnel.
Nagkaroon umano ng palitan ng sagot sa pagitan ng ilang personnel at mga pasahero, na nangatwirang emergency ang sitwasyon.
Sabi ng nag-post tungkol sa insidente, pinindot ang emergency button dahil “emergency” ang sitwasyon.
Pero imbes na kumustahin ang kalagayan ng naipit, galit pa raw ang mga tauhan ng LRT management.
Read: VIRAL: Delivery rider na nakatanggap ng “Kuya, buntis po ako” message sa customer
THE INCIDENT
Ang nag-post ay isang female uploader na saksi sa mga pangyayari dahil isa rin siya sa mga pasahero.
Umaga raw noon at “siksikan, tulakan, at balyahan”—na kalimitang senaryo pag peak hours.
Post niya (published as is): “Out of nowhere, during closing doors, ‘MAY PASAHERONG NAIPIT ANG DALIRI SA PINTO’ he keeps knocking the door para mabuksan, pero AYAW."
Kumatok din daw sa pinto ang iba pang pasahero para matawag ang pansin ng security guards.
“So someone said, ‘PINDUTIN NYO YUNG PUSH BOTTON PARA MABUKSAN YUNG PINTO. EMERGENCY NAMAN KASI NAIPIT YUNG DALIRI,'" pagpapatuloy ng uploader.
Isang “kuya” ang pumindot sa emergency button at bumukas ang train doors.
“Tapos may dumating ng guard asking ‘SINONG PUMINDOT NG PRESS BUTTON? BUMABA! BABA!’"
Nagpaliwanag daw ang mga pasahero sa guard.
“But Kuya Guard doesn't want to hear explanations. Lumapit na din yung Capt ng train na on duty, also asking bakit pinindot yung red button. Na dapat hindi daw yun pinindot.
“All passengers explain everything again, they also complaining kc nkka abala na sa mga pasahero.”
Himutok ng uploader (published as is), “The sad part is, they don't even bother to ask kung 'Kamusta yung naipit na daliri ng pasahero? If he needs assistance/medics? Lastly, kung ok lang ba sya?”
Nalungkot din daw siya sa kinahinatnan ng “kuyang nagmalasakit” na pumindot ng emergency button.
Ani uploader (published as is), “Pinababa at kukunan dw ng Incident Report. "NAG MALASAKIT NA, NA ABALA PA!"
“So LRT, PARA SAN NGA BA ANG PAG GAMIT NG EMERGENCY BUTTON????????”
Read: Car with 998-kg bull passenger pulled over by police; bull is a ‘local celeb’ in Nebraska City
LRT MANAGEMENT RELEASES STATEMENT
Kahapon, September 4, ipinost ng LRMC via FB ang resulta ng initial investigation, pati na rin ang paliwanag tungkol sa reaksiyon ng mga personnel sa pagpindot ng emergency button.
Nakasaad sa statement (published as is):
“We sincerely apologize for the unfortunate incident that happened at LRT-1 Monumento Station last 23 August 2023 involving a male passenger who was door pinned while boarding a Gen [Generation]-1 train of LRT-1 from the station platform, and another passenger who pressed the emergency button inside the train.
“Based on initial incident review, the affected male passenger boarded the train and held on to the door causing his fingers to be caught between the closing doors.
“We note that among the different generations of LRT-1 trains, the Gen-1 train set was not designed with automatic door sensors.”
Anila, agad daw in-assist ng security personnel ang naipit na pasahero at inalok ng medical assistance, subalit tumanggi ito “and availed of the first-aid treatment at Monumento Station for his minor right thumb injury.”
Sa sumunod na bahagi, ipinaliwanag ng LRMC ang gamit sa emergency button.
“The emergency button inside LRT-1 trains is used to alert the train driver which will bring a train to an emergency stop if an extraordinary situation develops.
“It is part of regular protocols to assess the cause for door activation via emergency button before allowing the train to depart to ensure the safety of LRT-1 passengers.
“The incident took place at around 8:00AM during peak hours on a weekday, with the station experiencing a large volume of passengers, which may have contributed to the misunderstanding between the passengers and LRMC personnel involved.”
Paniniyak pa ng management, patuloy ang imbestigasyon sa pangyayari.
"We would like to assure the riding public that we do not tolerate disrespectful behavior in the team, and we strive to find solutions to keep improving our services everyday.
"We will likewise reiterate and refresh the customer service training of our staff to prevent future similar incidents."