Hindi pa tapos ang actress-turned-politician na si Niña Jose — ngayon ay Niña Jose-Quiambao — sa pagpatol sa kanyang bashers.
Si Niña ang kasalukuyang alkalde ng bayan ng Bayambang sa Pangasinan. Siya ay former housemate sa Pinoy Big Brother: Teen Edition Season 1 at tumawid sa pag-aartista.
Nagsimula ang lahat itong September 3, 2023, nag-post si Niña sa Facebook at sinagot ang pang-aalipusta sa kanya ng mga kabataang “feeling entitled” sa social media.
Ani Niña, kulang sa good manners and right conduct (GMRC) ang mga kabataang ito at nais niyang maituwid ito.
Read: Niña JoseBayambang Mayor Niña Jose calls out “entitled” youth disrespecting her: “I’m sick of it.”
Kasunod nito, naglabas ng memorandum si Niña sa bayan na kanyang nasasakupan.
Ang titulo ng memo: “Importance of good manners, respect and courtesy (GMRC) and etiquette in social media: enhancing partnership with parents”
Nananawagan siya sa educators sa lahat ng paaralan sa kanilang bayan para ituro ang GMRC at etiquette sa mga estudyante; responsible use of social media; at pakikipagtulungan sa mga magulang.
Ipinost ni Niña ang kopya ng memo na ito noong September 4, 2023.
Read:
- True story: Pambihirang pagkakaibigan ng leon at aso
- LRT may statement tungkol sa naipit na pasahero; pagpindot sa emergency button
- Kelan dapat pindutin ang emergency button sa LRT?
Niña IS NOT YET FINISHED
Pero hindi rito nagtatapos ang pagsagot ni Niña sa mga kritiko at bashers niya.
Halatang hindi pa rin tumitigil ang pamba-bash sa kanya sa social media. Kaya naman muli siyang gumawa ng FB post ngayong September 6 para sagutin ang patuloy na batikos sa kanya.
Tinanggap niya ang pagtawag sa kanyang "OA" [overreacting], "pikon," pati na ang "patolera."
Pero katuwiran ni Niña, tao rin siya.
Mensahe niya (published as is) “Yes, I am OA, I Am Pikon, I am Unbecoming, Yes, Yes you are all heard and validated.
“Lahat ng masa sabi nyo na masasama sakin Iconsolidate natin lagay nyo nalang dito sa comment section ng post na to.
“Ok lang naman for me, I am still standing by my actions and if this is the consequence it’s okay. Ano pa ba, Patolera? Bakit ka NagMayor eh Pikon ka pala? lagay nyo lahat dito.
“Yes Im a public official, but I am also a human being, and again like what I said, freedom of speech doesn’t give you any right to disrespect anyone.”
Katuwiran ni Niña, puwede siyang punahin, pero sa maayos sanang paraan.
Dugtong niya, “You can criticize someone respectfully. We, I speak in behalf of public officials (and not just 'politicians') this includes teachers, people in authority, etc deserve respect too.
“Also again, before you say something bad about us make sure may nagawa na kayo sa bayan nyo Hindi yung puro opinion lang etc.”
Ginawa rin niyang ehemplo ang isang kabataang nagpadala umano sa kanya ng private message. Pinuna umano siya ng nag-message, subalit “It wasn’t in a mocking way, it was constructive criticism.”
Marespeto raw ang pagkakahayag ng mensahe.
Ipinagtanggol din ni Niña ang sarili sa mga basher na nilalahat ang mga pulitiko na tiwali.
Aniya, “Also, not all public officials are the same, not all politicians are trapo, that’s the problem with our society today feel na feel nyo genegeneralize nyo lahat ng politicians parepareho… no, Hindi lahat pareho sa iniisip nyo.
“May iilan pa na malinis and may sincere na pagmamahal sa bayan and public service.”
Hindi rin pinalusot ni Niña ang pagpuna sa spacing sa kanyang posts.
Sabi niya, “Pasensya na rin if Hindi tama spacing ng sentences etc etc.. Di ko alam MAsimportante pala yon sa panahon ngayon.”
