Napatili sa kilig ang YouTuber-dancer na si Niana Guerrero nang banggitin niya ang pangalan ng Kapuso actress na si Marian Rivera.
Ito'y matapos siyang tanungin kung sino ang gusto niyang maka-dance showdown sa TikTok.
"Oh my God, si Marian Rivera.
"Oh my gosh, I'm fangirling over her, because her TikToks lately are the best," sagot ni Niana nang makapanayam siya ng PEP.ph (Philippine Entertainment Portal) at iba pang miyembro ng entertainment press sa black carpet ng #PreviewBall2023, nitong nakaraang Biyernes ng gabi, September 8.
Read: Standouts at Preview Ball 2023
Dagdag pa niya, "Her way of dancing is swabe, very-very swabe like the way she does yung TikTok dance na ganon...ang satisfying.
"They're satisfying."
Read: 10 most creative ensembles at the Preview Ball 2023
Kung bibigyan ng pagkakataon, nais daw talaga ni Niana na makasama sa sayawan ang Kapuso star.
Tiwala rin daw siya sa music taste ni Marian kung kaya't anuman ang gustuhin nitong sayawin nila ay gagawin niya.
Aniya, "Honestly, anything she likes. I don't have anything in my head right now.
"But anything that she likes, I will be down to do anything.
"Manifesting baka naman."
@pepalerts @Niana Guerrero fangirls over @Marian Rivera #PreviewBall2023 #PEPAtPreviewBall2023 #EntertainmentNewsPH #NewsPH #PEPNews ? original sound - PEP.ph
MARIAN REACTS
Bukod kay Niana, present din si Marian sa ginanap na #PreviewBall2023.
Ilang minuto lamang matapos makapanayam ng PEP.ph si Niana, rumampa naman sa black carpet ni Marian.
Read: If you've got it, flaunt it! Most revealing looks at Preview Ball 2023
Dito, hiningan siya ng reaksiyon sa naging pahayag ni Niana ukol sa pangarap nitong makapag-showdown sila.
Natatawang bungad ni Marian, "Wow, pero baka kailangan ko muna mag-practice kasi napakahusay nung batang yon.
"Hanggang arte-arte lang ako."
Naikuwento rin ni Marian kung gaano ka-idol ng panganay niyang anak na si Zia si Niana.
Pagbabahagi niya, "Alam niyo, sobrang love siya ni Zia, kahit dati pa.
"Parang nagkita din kami [Niana] last Preview event, binidyo ko siya for Zia, kasi love siya ni Zia sumayaw."
@pepalerts Cute moment betweent @MarianRivera and @Niana Guerrero ???? #PreviewBall2022 #EntertainmentNewsPH #NewsPH #PEPNews ? original sound - PEP.ph
Hindi naman daw imposible na magkasama sila sa sayawan lalo na ngayon na nage-enjoy si Marian gumawa ng dance covers sa TikTok.
Noong August 10 sinimulan ni Marian na mag-upload ng dance cover video sa TikTok.
Ilang oras lamang ang lumipas, agad itong nag-trending at pumalo sa milyun-milyong views.
Read: Netizens impressed by Marian Rivera's dance moves in latest TikTok video
Pag-amin ni Marian, maging siya ay nagulat sa biglaang pag-viral ng kanyang TikTok dance video.
Lahad niya, "Oo, [nagulat ako] kasi ginawa ko yon nag-enjoy lang ako e. Parang sabi ko, 'Sige nga post ko to, try ko lang' tapos natulog na ako.
"Kinabukasan, ang dami kong messages, ang dami kong tawag.
"Sabi ko, 'Anong nangyari?' sabi nila 'Sayaw ka pa,' okay sige hanggang kaya ng sched."
Read: Marian Rivera delights fans with 'Sabay Sabay Tayo' dance on TikTok
Pero ano nga ba ang nag-udyok sa Kapuso Prime Time Queen na pasukin na rin ang pagsasayaw sa TikTok?
Sagot niya, "Ang dami kasing nagsasabi sa akin na bakit hindi raw ako sumayaw kasi nami-miss na nila akong sumayaw.
"Kaya sabi ko, 'Oo nga, why not? Bakit naman hindi?'
"Nagtry lang ako nung "Price Tag", hindi ko naman alam na magugustuhan nila."
@pepalerts @Marian Rivera on her viral TikTok dance videos: “Anong nangyari?” #PreviewBall2023 #PEPAtPreviewBall2023 #EntertainmentNewsPH #NewsPH #PEPNews ? original sound - PEP.ph
NIANA MEETS MARIAN ANEW
Nakunan pa ng video ng PEP.ph ang muling pagkikita nina Marian at Niana sa #PreviewBall2023.
"Idol po kita," bungad ni Niana kay Marian.
Tinukso rin ang dalawa sa posibilidad nilang dance collab.
"Parang kailangan ko munang mag-practice nang ilang buwan bago kami mag-collab," natatawang sambit ni Marian.
Hirit pa ni Niana, "Soon po."
"Malay mo next time," sagot sa kanya ni Marian.
@pepalerts Ready for a @Marian Rivera and @Niana Guerrero collab on TikTok? #PEPAtPreviewBall2023 #PreviewBall2023 #PEPNews #NewsPH #EntertainmentNewsPH ? original sound - PEP.ph