Inihayag ni Sharon Cuneta, 57, na hindi dadalo ang mister niyang si Kiko Pangilinan, 60, sa concert ng Megastar kasama ang ex-husband nitong si Gabby Concepcion, 58.
"Hindi, yun na ang dinecide naming family. My kids and my husband will not watch," saad ni Sharon.
Ang mga anak ni Sharon kay Kiko ay sina Frankie at Miel. May adopted son din sila na si Miguel.
Anak naman nina Sharon at Gabby si KC Concepcion.
Paliwanag ng actress-singer, "Kasi, ayoko namang masaktan sila. At saka siyempre, ayokong parang mailang din kami ni Gabby.
"Kasi, after all, we’re talking about our history and everything in the past. This is for our audience.
"And I don’t think na kailangan pang makita ng asawa at mga anak ko yon, except KC, of course."
Sinabi ito ni Sharon sa presscon ng concert nila ni Gabby na Dear Heart The Concert, na ginanap noong September 15, 2023.
Read: Gabby Concepcion ribs Sharon Cuneta: "Concepcion nung araw ito, e."
Nilinaw ni Sharon na hindi man dadalo si Kiko, walang problema rito ang pagsasama at pagbabalik-tambalan ng Megastar at ni Gabby sa concert scene.
"Ay, he’s one of the coolest," paglalarawan ni Sharon kay Kiko.
"You know, when I did a love scene with Richard in Minsan Minahal Kita and some people were saying, 'Uy, sobra na,'" tukoy ni Sharon sa pelikula nila ni Richard Gomez noong 2000.
Dagdag pa niya, "My husband would tell me, 'Nakakatuwa, e, I have no problem with it, I don’t know what their problem is,' ganon siya."
Kaya hindi rin daw isyu kay Kiko ang proyekto nina Sharon at Gabby.
"So, bago natuloy ‘to, sabi niya, 'Sana naman matuloy na yan. Kasi, laging hindi natutuloy. So, sana matuloy na yan.'
"Ganon siya. He’s very supportive. He’s very secured.
"Maybe because he knows that I love him very much. And I never failed to show him that."
Nagbigay ng patikim na kilig sina Sharon at Gabby nang sandaling magkrus ang landas nila sa mediacon noong September 10.
Huling pagkikita nila ay sa Gabay Guro grand gathering apat na taon na ang nakararaan.
Nang tanungin si Sharon tungkol sa chemistry nila ni Gabby, sinabi niyang sa tingin niya ay masisilayan iyon sa Dear Heart The Concert.
"I think, if I may say so to myself, it has never gone away. Chemistry is something you cannot act out," saad ng Megastar.
Saka ito napaisip at tinanong ang media kung ano ang naramdaman ng mga ito sa biglaang pagkikita nila ni Gabby sa ginanap na back-to-back mediacon nila.
“Anong feeling niyo noong nakita kami sa stage kanina? Ganon lang yon.
"And it’s been so long that our followers have missed us together. So, I think, kahit tumayo lang kami, may effect," paliwanag ni Sharon.
Dagdag pa niya, "So, if you think about it, when we sing the songs that our followers have grown up with, songs from our movies, songs that they can identify with us, kahit hindi sa movies namin, it will mean something.
"I think, chemistry cannot be created. Chemistry is neither there or not. And we’ve always had that no matter what.”
Magaganap ang Dear Heart The Concert Gabby sa October 6, sa SM MOA Arena. Mayroon din silang gagawing special show sa Okada Manila at Cebu.
Kung si Sharon ang tatanungin, ano ang gusto niyang maalala ng mga tao sa reunion concert nila ni Gabby?
"Kahit maulit pa or magkaroon pa ng mga kasunod, they will never be the same as the first time, this first time in a long time.
"I want you to take home with you, guys, those who will be watching, if you follow us or watched our movies when we were younger, if you grew up with us, and if in any way, we have touched you in our movies, even in our relationship when we were younger...
"I want you to feel those feelings again. If we have inspired you in any way, I want you to remember how and what.
"Anything that we have given you na hindi namin alam when you were following us, I hope, you’ll find it again in Dear Heart and take it with you and use it.
"Maybe when you dream or inspire you with something else.”
Paglalarawan pa niya sa kanilang concert, “It’s always the beginning of what was the end. And I hope, the beginning of more happy days to come.”
Kung sakali raw maging big hit ang Dear Heart concert, may posibilidad na magkaroon ito ng concert tour.
"If anything goes well, we might take it abroad. If this does not go well, I will go on tour!" natawang hirit ni Sharon.
Read: Sharon Cuneta on reunion with Gabby Concepcion: “Matagal na akong prepared.”
ON GETTING TO KNOW GABBY IN THE CONCERT
Isa sa inaabangan sa concert ay ang magiging dynamics nina Sharon at Gabby dahil matagal na rin silang walang komunikasyon.
Sabi ni Sharon, "Parang I don’t know him na. It’s been so long.
"Siyempre, yung kilala kong Gabby, yung minahal ko noon, siyempre, iba na siya. Marami na siyang minahal.
"Pero, okay lang naman. KKB na kami, Kanya-Kanyang Buhay. And I’ve been married 27 and a half years, happily."
Ano ang sikreto sa lasting marriage?
"Ang advice ko diyan for a strong, happy marriage, hiwalayan niyo minsan-minsan,” natawang biro ni Sharon.
Sabay bawi niya, "But no, Kiko and I, maayos na maayos ang pamilya namin.
"And it’s also my wish for Gabby and his children, because of course, Kace is the number one ate. Panganay naming lahat."
Naitanong din kay Sharon kung may gusto siyang i-request kay Gabby sa concert nila.
"Naku, nakakatakot mag-request, baka hindi naman ibigay!” natawang sabi ni Sharon.
"Ano lang, let's just have fun and let’s entertain our audience. Kapag na-develop ka, okay lang,” sabay sinundan na biro lang.
"Let’s enjoy it and have fun. Do not be pressured. Remember, they’re there because they love us."
Read: Sharon Cuneta, nilinaw ang tamang billing nila ni Gabby Concepcion sa pelikula at concert
Watch: Full video of Gabby Concepcion and Sharon Cuneta's back-to-back mediacon