Pormal nang ipinakilala si Bianca Umali bilang isa sa mga bagong Sang'gre sa much-anticipated sequel ng iconic Encantadia Chronicles: Sang'gre ng GMA-7.
Sa 24 Oras nitong Lunes, October 23, 2023, inanunsiyo ang karakter na gagampanan ni Bianca bilang si Terra, ang nawawalang anak ni Sang'gre Danaya.
"Maraming salamat. No other words, paulit-ulit kong sinasabi na I am very thankful, of course, to my supporters.
"Hindi ko hiniling ito, pero ipinagkaloob sa akin. That's why I'm very very thankful.
"Thankful to my network, kasi sa tiwala. I assure them they will not be disappointed.
"I will not fail anyone," naluluhang sambit ni Bianca.
Ngayon pa lang ay puspusan na rin daw ang kanyang paghahanda mula sa pag-eensayo at paggamit ng sandata.
Aniya, "The way I'm preparing for this is as if I'm preparing for a Marvel movie. Ganoon ko po siya pinaghahandan.
"I am preparing my physique for it, I'm preparing my skills for it, and I have been studying everything about Encantadia."
Read: Suzette Doctolero reveals how she conceptualized GMA-7 telefantasya Encantadia
Kuwento pa ng aktres sa entertainment reporter na si Nelson Canlas, noong 2016 pa lamang ay pangarap na niyang mapabilang sa cast ng Encantadia.
Ngunit sa kasamaang palad ay hindi raw siya nakuha dahil sina Kylie Padilla (Amihan), Sanya Lopez (Danaya), Gabbi Garcia (Alena), at Glaiza de Castro (Pirena) ang gumanap noon na mga Sang'gre.
Pagbabalik-tanaw ni Bianca, "I wasn't called for an audition. I think I wasn't consider for at all.
"Na-realize ko, na kaya pala, hindi pala dapat ako nalungkot noong mga oras na yon na akala ko hindi ako kasali, kasi mayroon palang ganito.
"Mayroon palang para sa akin."
Read: ON THIS DAY: Encantadia 2016 premiered on GMA-7
Itinuturing na pangarap na ngayo'y natupad ni Bianca ang pagkakakuha niya sa role na Terra.
Ito rin daw ang brilyante na noon pa man ay gusto niyang mapasakamay.
“[Brilyante ng] lupa talaga, ever since.
"Si Danaya kasi is headstrong and siya yung pinaka-rational sa kanilang apat.
“Kaya noong nalaman ko na brilyante ng lupa yung mapupunta sa akin, I think it’s in the stars, I would like to believe.”
Read: ANATOMY OF A PINOY TELESERYE: The Making of GMA-7's Encantadia, Ika-6 Na Utos
Sa huli, nakangiting inimbitahan ni Bianca ang kanyang mga tagasuporta na abangan at mahalin siya bilang si Terra.
Sabi niya, "Mga Kapuso, muli po, ito po si Bianca Umali.
"Iniimbitahan ko po kayo na sana abangan, panoorin, at mahalin po ninyo ako bilang si Terra sa Sang'gre.
"Ang bagong tagapangalaga ng brilyante ng lupa."
Read: Here's what you need to know about Sang'gre, Encantadia spin-off
Noong July 23, 2023, unang lumutang ang espekulasyong isa si Bianca sa mga gaganap na bagong Sang'gre nang mag-post ng artcard si Direk Mark Reyes, habang ito ay nasa San Diego Comic-Con.
Sa artcard makikita ang Kapuso actress na nakabihis ala-Sang'gre.
Read: How Kapuso lead actress in Sang'gre, Encantadia spin-off gets chosen