Si Alethea Ambrosio ng Bulacan ang kinoronahang The Miss Philippines sa inaugural edition ng The Filipino Festival na ginanap sa Mall of Asia Arena nitong Martes ng gabi, Oktubre 24, 2023.
Bahagi rin ng The Filipino Festival finals ang koronasyon ng second edition ng Mister Pilipinas Worldwide.
Si Brandon Espiritu, na kinatawan ng Filipino community sa Guam, ang nagwagi bilang Mister Pilipinas Worldwide 2024.
Siya ang magiging kinatawan ng Pilipinas sa Mister Supranational sa 2024.
Ang Empire.PH ang organizer ng The Filipino Festival at may hawak ng franchise ng Miss Supranational, Miss Charm, at Miss Asia Pacific International.
Nakatakda sa Pebrero 2024 ang crowning ceremony ng Empire.PH para sa mga kandidatang ipadadala nila sa iba’t ibang mga international beauty pageant na pipiliin din mula sa runners-up ni Alethea—sina Chantal Schmidt ng Cebu City, Isabelle de los Santos ng Mandaluyong, at Blessa Ericha Figuero ng Northern California.
Ihahayag din ng Empire.PH sa Pebrero 2024 ang mga isasali ng ating bansa sa Mister International, Manhunt International Male Supermodel, at ibang male international pageants sa susunod na taon na pipiliin mula sa co-finalists ni Brandon.
Si Miss Supranational 2023 first runner-up Pauline Amelinckx ang nagputong ng korona ng The Miss Philippines kay Alethea.
Si Pauline ang appointed Miss Supranational Philippines at kauna-unahang The Miss Philippines.
Read: Pauline Amelinckx, kinoronahan bilang kauna-unahang "The Miss Philippines"
Sa farewell walk nito, hindi niya napigilan ang pagluha, lalo na nang tanungin siya tungkol sa aral na natutunan mula sa kanyang pageant journey.
“The lesson that I really learned this year is that winning is not about the crown but it’s about the love that you feel and because [of] everyone here, I feel like a queen,” sagot ni Pauline, na tuluyan nang napaiyak sa kanyang mga sumunod na pananalita.
Umakyat sa entablado ng The Miss Philippines si reigning Miss Supranational Andrea Aguilera ng Ecuador dahil ito ang nag-abot kay Pauline ng parangal na Woman of Substance.
Read: Pauline Amelinckx bags first runner-up in Miss Supranational 2023; Ecuador wins
“Your dedication for never giving up. For working so hard for the community, you deserve it. We, our Supra family, we are so proud of you. We love you so much,” mensahe ni Andrea kay Pauline tungkol sa parangal na ipinagkaloob niya.
Ang nagpasa naman ng sash at trophy kay Brandon bilang Mister Pilipinas Worldwide ay si Mister Supranational Philippines 2023 Johannes Rissler.