Ngayong Miyerkules, Nobyembre 1, 2023, Araw ng mga Patay, ang paggunita sa alaala ng ating mga mahal sa buhay na pumanaw na.
Sa araw na ito, ginugunita ng entertainment writer at TV host na si Dolly Anne Carvajal ang kanyang yumaong ina, ang Queen of Intrigues na si Lourdes Carvajal, na mas kilala sa screen name na Inday Badiday.
Kilala rin siya bilang "Ate Luds" sa Philippine entertainment industry.
Read: Remembering Inday Badiday, The OG Queen of Philippine Intrigues
Hindi makukumpleto ang kasaysayan ng showbiz kung hindi babanggitin ang pangalan ni Inday at kung hindi bibigyan ng pagpapahalaga ang malaking kontribusyon niya sa industriya, lalo na sa entertainment news.
Siya ang host ng iconic showbiz talk shows na See-True at Eye To Eye.
Pumanaw si Inday dahil sa multiple organ failure sa St. Luke’s Medical Center, Quezon City, noong Setyembre 26, 2003. Siya ay 59.
Si Dolly Anne, na isinilang niya noong Setyembre 22, 1964, ang panganay na anak ni Inday.
“Bittersweet” ang mga alaala ni Dolly Anne tuwing buwan ng Setyembre dahil apat na araw matapos ang ika-39 na kaarawan niya noong 2003, sumakabilang-buhay ang kanyang ina.
Nagdiwang si Dolly Anne ng ika-59 na kaarawan ngayong 2023, at hindi maiwasang pumasok sa kanyang isip na namatay ang nanay niya sa edad na 59.
“It crossed my mind,” rebelasyon ni Dolly Anne sa Philippine Entertainment Portal (PEP.ph).
“[It’s] quite morbid so I just prayed to my mom na sana na walang replay.
“So instead of 59, I say 'I am 50.' I refuse to feel nor act my age.
"But when I watch my two grown-up kids, Bianchi and IC [former child actor IC Mendoza] master the art of adulting, that’s when I realize I’m old, or I would rather say vintage.”
Read: Dolly Anne Carval, boto sa same-sex relationship ng anak na si IC Mendoza
THE DAUGHTER OF QUEEN OF INTRIGUES
Tulad ng pamumuhay noon ng kanyang ina, makulay at sagana sa intriga ang kuwento ng buhay ni Dolly Anne.
Nag-umpisa ito nang isilang siya sa loob ng isang taxi noong hapon ng Setyembre 22, 1964.
Lahad niya, “Ma gave birth to me in a taxicab, na Lotus ang pangalan ng taxi company.
“So, she was choosing among Taxina, Lotus, or MaDalian for my name kaya naging Ma. Dolly Anne ang pangalan ko.
“That pretty much set the tone of our life as mother-daughter. From day one pa lang, kakaibang adventure na.
“Ma had me when she was 20. Dad and her got married September 5, 1964. I was born a few days after.
“Back then, it was taboo for a pregnant woman to get married but iba talaga si Ma. Kahit bago siya naging Inday Badiday, palaban na.
“Ma gave birth to me when she was 20. I gave birth to my eldest Bianchi when I was 20 also.
"Sana yun lang ang same age kami ni Ma. Huwag na yung death at 59. Heaven forbid."
Read: Paolo Contis, ipinagkibit-balikat ang pagli-link sa kanila ni Arra San Agustin
AGELESS INDAY
Pilit na inilihim ni Inday sa publiko ang kanyang tunay na edad hanggang sa kamatayan niya.
“Mom always said she was ageless,” ang sabi ni Dolly Anne nang itanong namin kung bakit malaking isyu sa kanyang ina na huwag malaman ng publiko ang kanyang tunay na edad.
“Even in her tombstone, there’s no year of birth. When she fell ill, kahit pag-admit sa kanya sa hospital, she refused to reveal her age.
“But it’s in Google now, so I hope hindi ako multuhin ni Ma na we mentioned her age.”
Ano ang pakiramdam ng isang anak ng Queen of Intrigues? Ano ang positive at negative effect, ang advantage at disadvantage sa kanya?
Saad ni Dolly Ane, “During my elementary days, I used to get affected when classmates would tease me about being her daughter. They called me 'Dolly Badiday' and badgered me if Kuya Germs [German Moeno] or Kuya Ike Lozada was my dad.
“As I always say, being her daughter is my best credential. Even if it’s been twenty years since Ma passed away, people still refer to me as ‘Anak ni Inday Badiday.’ It’s like a badge I wear with pride.
“The tough part is to suffer by comparison. Being the daughter of a showbiz icon gives me little leeway for mistakes.”
Read: Daria Ramirez appeals to ex-husband Joey de Leon for financial help, demands annulment papers
INDAY BADIDAY AS A MOTHER
Paano ilalarawan ni Dolly Anne si Inday Badiday bilang ina?
“She’s very protective, but all-out magmahal," sagot niya.
"During my high school years when William Martinez was my boyfriend, at the height of popularity nila ni Gabby [Concepcion] in the '80s, Ma never allowed me to go out with William unchaperoned.
“Even when he would visit me at home, may bantay ako. During my prom and graduation ball, si William ang date ko pero may alalay na nakaabang sa lobby.”
Ano naman ang karakter ni Dolly Anne na minana niya sa kanyang ina pero ayaw niya sana, at ang pinakamahalagang legacy ng ina sa kanya?
Ayon kay Dolly Anne, “Being too trusting is one trait of hers I wish I didn’t have. There were trusted friends of Ma back in the day who duped her.
“More than the incredible legacy she left in showbiz, it’s her genuine kindness off-cam. By example, Ma taught me how to be a giver.”
Ano ang pinakamatinding intriga noon sa pamilya nila na nakaapekto sa relasyon nilang mag-ina at paano nila ito nalampasan?
Tugon ni Dolly Anne, “When Ma and I had a falling out in the ‘90s ‘coz of the ‘bulong brigade’ who surrounded her back then.
"I left home and stayed in Iloilo because it was too much to bear, but we eventually patched things up.
“Sobrang touched ako when Ma cried in her show, Eye To Eye, asking me to come home. When all else fails, mother-daughter love prevails.”
Read: Miss Grand International founder calls Philippine rep Nikki de Moura "very unprofessional"
View this post on Instagram
SOON A SENIOR CITIZEN
Ipinagdiwang ni Dolly Anne ang ika-59 na kaarawan nito kamakailan sa Powerplant branch ng Greyhound Café, ang Thai franchise restaurant ni Boss Vic del Rosario na father figure niya, dahil palaging nakaalalay sa kanya sa anumang oras na nangangailangan siya ng tulong.
Pagbabahagi niya, “Not all my friends in the biz and PBA were able to make it due to previous commitments.
“Those who came were BFF Buboy [Cesar Montano] & his girlfriend Mareng Kat, John & Priscilla Estrada, Pops Fernandez, Arlene Muhlach, Leo Valdez, Bo Cerrudo, Ronnie Lazaro, China Cojuangco-Gonzalez and her hubby Gino Gonzalez.
"Next year na ako magkakaroon ng big party when I turn 60."
Dolly Anne with John Estrada and Priscilla Meirelles
Dolly Anne with Ricky Davao and his girlfriend
Dolly Anne with Pops Fernandez (extreme left) and friends
Dolly Anne with China Cojuangco-Gonzalez and husband Gino Gonzalez
Dolly Anne with Cesar Montano and Alvin Anson
Hindi inililihim ni Dolly Anne na senior citizen na siya sa susunod na taon, hindi kagaya ng kanyang ina na ayaw ipaalam sa publiko ang totoong edad.
“Unlike my mom, I have no qualms about revealing my age. After COVID, it’s a blessing na umabot ng 60. Though I cringe at the thought of getting a senior discount card.
"Bianchi and IC are my best compensation for growing old," sabi ni Dolly Anne.