Hindi man nakabibingi ang palakpakan at hiwayan ng audience para kay Michelle Dee sa preliminary competition, nananatiling buo ang loob ng ating pambato sa Miss Universe 2023 pageant.
Napansin ng Pinoy pageant fans na hindi ganoon kalakas ang palakpak kay Michelle during the prelims noong November 16, 2023 (PH time).
At base sa isang post ni Michelle, alam niya ang insidenteng ito. Nag-react na rin ang actress-beauty queen kaugnay nito.
Sa isang IG Story, ipinost ni Michelle ang screenshot ng kanyang komento.
Sinabi niya na ramdam na niya ang “feeling” sa tuwing sasabak siya sa kumpetisyon.
Humingi rin siya ng dasal para sa grand coronation night. Hindi man daw nakabibingi ang palakpak sa kanya sa venue, alam niyang nasa likod niya ang kanyang mga kababayan.
Buong post ni Michelle: "'That feeling' I wait for every time I compete…. it’s here.
"Will need all of your prayers for tomorrow. #LABANPILIPINAS!
"We may not have the loudest cheers at the venue tomorrow but we’ll always have the STRONGEST AND MOST UNITED BAYANIHAN SPIRIT. [Philippine flags emojis] mahal ko kayo."
Ang venue ng 72nd Miss Universe pageant ay sa El Salvador.
Taun-taon, laging malakas ang palakpak at cheer sa Philippine delegate kahit sa prelims sa Miss Universe pageant.
Subalit nagtanggol ang ilang pageant vloggers ukol dito. Sabi ng isa, kumpara sa iba pang naging venue dati, mas kakaunti ang mga Pilipino sa El Salvador. Isa raw ito sa posibleng dahilan kung bakit hindi ganoon kalakas ang palakpak kay Michelle.
Kapansin-pansin din na mas ibinigay ng El Salvador nationals ang kanilang pag-cheer sa mga kapwa Latina candidates.
MICHELLE DE A DAY BEFORE THE BIG NIGHT
Hindi man naging ganoon kalakas ang cheer ni Michelle sa prelims, lumalabas na naging top performer siya sa gabing iyon.
Base sa latest top picks ng ibang foreign pageant experts, tumaas ang ranking ni Michelle at naniniwala siyang isa siya sa top contenders.
Pero sabi ni Michelle, hindi siya magiging kampante.
"I’m never over-confident. I never wanna say I’m the winner until the crown is on my head," paliwanag ni Michelle sa interview ni Dyan Castillejo ngayong Sabado, November 18.
"Of course, I’m just so happy that all of that hard work is being validated, of course, it’s months on end.
"And my goal was really not to overhype myself, but to let that work speak for itself. And that has been showing. My team is so happy, the Philippines is so happy. At the end of the day, that’s all I want."
Tungkol naman sa finals night, sinabi ni Michelle na hahayaan na niya ang tadhana ang magdesisyon sa kanyang kapalaran.
"I am nervous, but that’s always an amazing thing. I am nervous.
"Essentially, you just want destiny to take its course.
"I trust my training, I trust my preparations, I am sure it’ll be a good night for the Philippines."