Humingi ng dispensa ang mga taong nasa likod ng Miss Universe El Salvador Instagram page sa dalawang "finalists" sa katatapos lamang na Miss Universe 2023.
Hindi pinangalanan kung sino ang tinutukoy na "finalists," pero malinaw na ito ay sina Miss Philippines Michelle Dee at Miss Thailand Anntonia Porsild.
Inamin din ng Miss Universe El Salvador ang kanilang pagkakamali.
Nakasaad sa kanilang Instagram post ngayong araw, November 23, 2023: “Our mistake! In the rush to get our posts up during Saturday's live broadcast, we accidentally mixed up the names of two finalists.
“This was a simple error of moving too fast - we heard the same results live at the same time that you all did, no special access over here! We're sorry to both finalists.”
View this post on Instagram
Bago ianunsiyo ang Top 5 sa Miss Universe 2023, naglabas na sa kanilang Instagram page ang @missuniversosv ng listahan ng mga nakapasok sa Top 5.
Ang mga nakapasok sa Top 5 sa listahan nila ay sina Miss Australia Moraya Wilson, Miss Puerto Rico Karla Guilfú, Miss Nicaragua Sheynnis Palacios, Miss Philippines Michelle Dee, at Miss Colombia Camila Avella.
Pero sa mismong announcement ay wala ang pangalan ni Michelle kundi ang nakapasok dito ay si Anntonia.
Ang mga host na sina Maria Menounos, Olivia Culpo, at Jeannie Mai ang nag-announce ng official Top 5 na sina Miss Australia Moraya Wilson, Miss Puerto Rico Karla Guilfú, Miss Nicaragua Sheynnis Palacios, Miss Thailand Anntonia Porsild, at Miss Colombia Camila Avella.
Kaagad namang tinanggal ng Miss Universe El Salavdor page ang nauna nilang art card at in-update base sa in-announce sa live coronation.
Read: Pinoy fans call for Steve Harvey as Michelle Dee fails to enter Miss Universe 2023 Top 5
Nakarating din kay Michelle, na kasalukuyang nasa Mexico, ang paghingi ng paumanhin ng Miss Universe El Salvador Instagram page.
Reaksiyon niya sa kanyang Instagram Broadcast Channel ngayong araw rin: “There should be no room for error but the reality is that we live in an imperfect world.
“My request is not just to be respectful to the delegates but to the supporters that are so passionate about this platform as well.
“But again, EVERYTHING happens for a reason and it’s just a matter of seeing it as a lesson or a blessing. So always act with love, kindness, and respect. All love.
“My thoughts on the viral post earlier today.”
Read: Miss Universe 2023 judge Iris Mittenaere: “To be honest, Michelle was in my Top 5.”