Pumanaw na ang content creator at TikTok sensation na si Sammy Manese nitong Miyerkules, November 29, 2023.
Siya ay 17.
Ang kanyang pagkamatay ay kinumpirma mismo ng kanyang kapatid na si Bea Manese sa pamamagitan ng Facebook.
Mababasa sa post ni Bea kalakip ang litrato ni Sammy, “It is with a heavy heart and great sadness that we announce the untimely demise of our beloved family member Sammy Manese.
“May he be remembered for all the joy and laughter he shared with everyone. We ask for your prayers, respect, and privacy during this time."
Eksklusibo ring nakausap ng PEP.ph (Philippine Entertainment Portal) si Bea via Facebook messenger kung saan ibinahagi niya ang dahilan ng pagkamatay ni Sammy.
Ayon kay Bea, pumanaw si Sammy dahil sa acute respiratory failure.
Nakilala si Sammy dahil sa kaniyang pagsayaw at mga kuwelang videos sa TikTok at YouTube.
Sa kasalukuyan ay mayroon siyang 1.93 million subscribers sa YouTube at 287.4K sa Tiktok.