Siyam na taon nang kasal ang Kapuso Prime Time King at Queen na sina Dingdong Dantes at Marian Rivera sa darating na December 30, 2023.
Masasabing nananatiling matatag ang pagsasama nila, at hands-on parents sila pagdating sa dalawang anak na sina Zia at Sixto.
Nang makausap ng PEP.ph (Philippine Entertainment Portal) si Marian sa mediacon para sa Kleenfant, nahingan namin siya ng reaksiyon sa pinag-uusapan ngayon na mga hiwalayan na showbiz couple.
"Naku! Alam niyo, wala akong karapatan na sumawsaw sa issues ng hiwalayan," mabilis na sagot ni Marian.
Sabay sabi niya, "Pero isa lang, one thing is for sure, kapag may mga naririnig akong ganyan, nalulungkot talaga ‘ko.
"Kasi ako, bilang may asawa, nalulungkot ako kapag may naririnig akong mga ganyan.
"Pero yung forgiveness, sana maayos at maging matatag sila."
Sa pagsasama nina Marian at Dingdong, bilang magkasintahan at kalaunan ay mag-asawa, marami rin namang naging isyu at masasabing pagsubok na dumating sa pagsasama nila.
Paano nila nalalampasan iyon?
Sagot ni Marian, "Simple lang, basta every Sunday, kailangan bigyan namin ng time si Lord.
"Kailangan, heart-to-heart kami diyan. Kasi, kahit anong gawin mong pagwo-workout sa relationship niyo, kung wala kayong guidance sa Itaas, wala talagang lahat.
"Sa Kanya talaga lahat."
Read: Marian Rivera, Dingdong Dantes "first and only choice" as lead stars of Star Cinema's Rewind
RENEWAL OF VOWS?
Sa isang taon ay isang dekada na silang kasal ni Dingdong. Naitanong kay Marian kung naiisip ba nila ni Dingdong na magkaroon ng renewal of vows.
"Tingnan natin," nakangiting sabi ng Kapuso actress.
"Kailangan ba kapag ten years, nagpapakasal ulit?” balik-tanong niya na tila napapaisip.
At saka natatawang dugtong niya, "Araw-araw naman kaming nagre-renewal. Ang lalandi!"
Read: Heart Evangelista appreciates how Marian Rivera initiated their reconciliation
HOW DINGDONG TAKES CARE OF MARIAN
Si Marian na rin ang naglahad na maasikaso at maalaga ang mister niyang si Dingdong, lalo na raw ngayong nagkasama silang muli sa MMFF entry na Rewind.
"Si Dong talaga yung tipo ng tao na—example nito, sobrang busy namin. Palagi kami sa trabaho.
"Siya yung nag-a-adjust talaga. Siya yung palaging to protect and guide you and take care of you.
"Kahit na alam kong pagod din siya, nandiyan lang siya to take care of you."
Dugtong pa ni Marian, "For example, nagsu-shooting kami, may mga time na nagkasakit na talaga ko. But I have no choice, kailangan kong tapusin. Kasi, may deadline, e.
"Talagang siya yung, okay ka lang, nagpadala ng masahista, nagpainom ng gamot. Parang, 'Ah, okay.'
"Alam mo yung kahit anong mangyari, nandiyan talaga siya for you. Susuportahan at aalagaan ka. Thankful ako do’n."