Muling ipinahayag ni Esther Lahbati ang suporta sa anak na si Sarah Lahbati kaugnay ng balitang hiwalay na umano ito sa asawang si Richard Gutierrez.
Wala pang direktang pag-amin mula kina Richard at Sarah na break na nga sila, subalit ang mga pahayag at mga post ng kani-kanilang mga magulang ay indikasyong may hindi pagkakaunawaan sa pagitan ng mag-asawa.
Read: Sarah Lahbati magsalita na kaya tungkol sa rumored breakup nila ni Richard Gutierrez?
Nitong December 22, 2023, Biyernes, nag-post ng series of photos si Esther kuha sa isang restawran kasama si Sarah at mister ni Esther na si Abdel Lahbati.
Kasama rin nila si Sofia Andres at anak nito.
Sa comments section, sinabi ni Esther na poprotektahan at susuportahan niya ang anak.
Komento ni Esther: “We Love you so much Anak. No one can hurt you! I am ready to stand for you. Being a human being i respect everyone's rights.”
“I love you mama,” sagot naman ni Sarah.
Hindi ito ang unang beses na nagpatutsada ang mga magulang ni Sarah sa social media.
Sa isang interview noong December 8 ay sinabi ni Annabelle na nakatira sa kanya ang anak na si Richard at balak na nitong lumipat matapos ang Pasko.
Sinabi ni Annabelle na kasama rin ni Richard ang dalawa nitong anak.
Pigil ang pagsasalita ni Annabelle, na kilalang mas madalas ay todo-todo lang.
Subalit ang kanyang mga pahayag ay nagbigay ng indikasyong posibleng may katotohanan sa paghihiwalay nina Richard at Sarah.
Read: Did Annabelle Rama just confirm Richard Gutierrez-Sarah Lahbati breakup?
May pasaring naman ang Moroccan father ni Sarah sa isang Instagram post noong December 8.
Sa larawan, kasama ni Abdel ang misis, Si Sarah, at ang dalawang anak nina Sarah at Richard.
“Enjoying every moment with family. The convoy keeps going and don’t mind dogs barking [flexed biceps emoji],” ang siyang caption ni Abdel.
Pakiwari ng netizens ay pasaring ito kay Annabelle.
Read: Who is Sarah Lahbati’s father alluding to in “dogs barking” post?
Isa namang patutsada ang nanggaling kay Annabelle sa post nito noong December 10.
Ipinost nito ang kuwento tungkol sa pelikulang Gone Girl.
Makahulugang caption ni Annabelle: "Devil Woman, makamandag, manipulative, BEST LIAR. Please watch Gone Girl sa netflix, makita nyo ang leading lady ni Ben Affleck. I watched it 3 times. Hulaan nyo kung sino ang tinutukoy kung babae na DEVIL WOMAN”
Read: Who is Annabelle Rama alluding to in “Devil Woman, makamandag, manipulative, BEST LIAR” post?
Sinabi rin ni Annabelle sa isang recent interview na trabaho nang trabaho ang anak niyang si Richard samantalang “yung isa nagwawaldas ng pera.”
Mano pa, suspetsa ng netizens ay si Sarah ang pinasaringan ni Annabelle.
Isang laughing emoji naman ang reaction ni Sarah nang sabihan siya ng netizen ng: “waldas pa more.”
Read: Sarah Lahbati reacts to “waldas pa more” comment of netizen