"Be a better version of myself."
Iyan ang sagot ni Max Collins nang tanungin kung ano ang kanyang New Year's resolution para sa darating na 2024.
Hindi nag-elaborate si Max, pero sinabi niyang "challenging" ang 2023 para sa kanya bagamat marami rin naman siyang natutunang life lessons.
"Challenges build character," sabi ni Max.
"I'm definitely a stronger person because of 2023. It brought trials for me and I came out stronger."
Nakausap ng PEP.ph (Philippine Entertainment Portal) si Max kamakailan sa press conference ng Firefly, ang entry ng GMA Pictures at GMA Public Affairs sa Metro Manila Film Festival (MMFF) 2023 na nagsimula kahapon, December 25, 2023.
Tampok sa pelikula sina Cherry Pie Picache, Yayo Aguila, Ysabel Ortega, Miguel Tanfelix, Euwenn Mikaell, Alessandra de Rossi, at marami pang iba.
Read: Yayo Aguila on ex-husband William Martinez: "Buhay niya, buhay ko, walang pakialaman."
Si Zig Dulay ng Maria Clara at Ibarra fame ang direktor ng Firefly.
Read: "Noli yarn?" How GMA-7's hit teleserye Maria Clara at Ibarra came about
MAX FINDS FIREFLY RELATABLE AS A MOM
Challenging man ang 2023 ay marami pa ring ipinagpapasalamat si Max ngayong taon.
Isa na nga rito ang mapabilang sa Firefly, na masasabing isa sa highlights ng career ni Max for 2023.
Family-oriented ang tema ng pelikula at masterfully ay pinaghalo nito ang elemento ng drama at fantasy para maikuwento nang kaaya-aya ang istorya na isinulat ni Angeli Atienza (Love You Stranger, Sirkus).
Sabi ni Max, "Napakaganda talaga ng story. It's something I'm super excited about. It's something for the whole family."
Bilang isang ina ay naka-relate din daw si Max sa kuwento ng Firefly, dahilan kaya niya ito tinanggap.
"I'm really excited for my son to watch as well," ngiti ni Max.
Si Max ay may anak na lalaki, si Skye Anakin, sa aktor at dating mister na si Pancho Magno.
Read: Max Collins finally opens up about breakup with husband Pancho Magno
Read: Max Collins, masaya sa co-parenting status nila ni Pancho Magno
GROWING AS AN ACTRESS
Naging kaeksena ni Max sa pelikula ang Kapuso actor na si Dingdong Dantes na may papel din sa istorya.
Dati nang nakasama ni Max sa proyekto si Dingdong nang gawin nila ang teleseryeng Pahiram ng Sandali nung 2012.
Ang lead star ng Firefly na si Alessandra ay kabilang din sa Pahiram ng Sandali kaya mistulang reunion ang pelikula para sa tatlo.
Napag-usapan nga raw nila ito ni Dingdong at maging sila ay hindi makapaniwalang isang dekada na nang huli silang magkasama sa trabaho.
"Habang kaeksena ko siya [Dingdong sa Firefly], sabi niya, 'Ang tagal na, 'no?'
"Sabi ko, 'Oo nga, e, ten years na.'
"Sabi niya, 'Ten years na ba?'"
Sa loob ng ilang taon na yun ay masasabi ni Max na malaki na rin ang improvement niya bilang aktres.
Mas lumalim na ang understanding at appreciation niya sa craft ng pag-arte sa harap ng kamera.
"Siyempre, nag-grow up ko bilang isang actor," pahayag ni Max sa entertainment reporters na dumalo sa presscon.
"During that time kasi, takot pa ako and baguhan pa lang ako. So, I was really pressured to work with Dingdong, and now things have changed. I'm an adult now."
Dagdag ni Max, "I guess it's easier to work with yung mga dati mong iniidolo, I mean hanggang ngayon."
Ganun din ang naramdaman ni Max kay Alessandra matapos niyang makasama ulit ito habang ginagawa ang Firefly.
"Di ba before, 'Hi Ma'am,' 'Hello po. Idol ko po kayo,' ganun," biro ni Max habang nakatingin kay Alessandra.
"Ngayon, parang, 'Ano na, bakla?' Iba yung feeling to grow as an artist and to work with the people that you respect in an adult level kumbaga."
Samantala, nadagdagan ang mga sinehan kung saan mapapanood ang Firefly.
Maganda ang feedback ng pelikula sa unang araw ng MMFF sa araw ng Pasko at labis na nakatulong ang word of mouth para mahikayat ang manonood na silipin ito sa sinehan.
Read: Firefly madadagdagan ng mga sinehan dahil sa word of mouth
“Finally! We have SM North EDSA starting tomorrow! Will post updated poster here soon, with additional cinemas in Naga, La Union plus Newport and Ayala 30th," masayang balita ni GMA Pictures Senior Vice-President Nessa Valdellon sa social media.
"Thank you to everyone who watched FIREFLY today ... it's because of you that we JUST got additional cinemas."