Ngayong Miyerkules, December 27, 2023, gaganapin ang Gabi ng Parangal ng Metro Manila Film Festival (MMFF) 2023 sa New Frontier Theater, sa Quezon City.
Dito iaanunsiyo ang mga mananalo sa iba't ibang kategorya mula sa sampung official entries ngayong MMFF 2023: Becky & Badette, Broken Hearts Club, Family of Two (A Mother And Son Story), Firefly, GomBurZa, Kampon, Mallari, Penduko, Rewind, at When I Met You In Tokyo.
Kasalukuyang ginaganap ang deliberation ng MMFF 2023 Board of Jurors na pinangungunahan ng award-winning at box-office director na si Chito S. Roño bilang chairman at ng award-winning actress na si Lorna Tolentino bilang co-chairman.
Ang members ng Board of Jurors ay kinabibilangan ng award-winning director and screenwriter na si Jose Javier Reyes, movie producer and director Mike Sandejas, award-winning cinematographer Lee Briones Meily, award-winning editor/writer/director Tara Illenberger, award-winning actor Raymond Francisco, Departrment of Finance Undersecretary Atty. Maria Luwalhati Dorotan, MMDA Undersecretary Frisco San Juan, Dean of MLQU School of Graduate Studies Dr. Jaime Ang, at veteran entertainment editor at PEP Troika columnist Jerry Olea.
Base sa reviews at komento ng netizens, inaahasahang maglalaban-laban sa Best Picture ang Firefly, GomBurza, Mallari, Family of Two, at Rewind.
Safe ding i-assume na ang mga direktor ng mga nabanggit na pelikula ang mahigpit na magkatunggali sa Best Director: Zig Dulay (Firefly), Pepe Diokno (GomBurZa), Roderick Cabrido (Mallari), Nuel Crisostomo Naval (Family of Two), at Mae Cruz Alviar (Rewind).
Posible namang ma-nominate bilang Best Actress sina Sharon Cuneta (Family of Two), Marian Rivera (Rewind), Vilma Santos (When I Met You In Tokyo), Beauty Gonzalez (Kampon), Eugene Domingo (Becky & Badette), Pokwang (Becky & Badette), at Alessandra de Ross (Firefly).
Magiging mahigpit din ang labanan sa Best Actor nina Dingdong Dantes (Rewind), Piolo Pascual (Mallari), Alden Richards (Family of Two), Cedric Juan (GomBurZa), Christopher de Leon (When I Met You In Tokyo), Derek Ramsay (Kampon), at Christian Bables (Broken Hearts Club).
Kung hindi iaakyat sa Best Actor category ang bida ng Firefly na si Euwenn Mikaell ay limayado siya bilang Best Child Performer. Posible niyang makalaban sina Erin Espiritu ng Kampon at Jordan Lim ng Rewind.