Tahimik na ng ilang buwan ang buhay ni Raffa Castro matapos ang pag-amin ni Joaquin Domagoso na mayroon silang anak, si Scott Angelo Domagoso, 1.
Read: Joaquin Domagoso on son Scott: “Baby ko si kulot, inaalis n'yang aking lungkot.”
Pero, hindi pinalampas ni Raffa ang mapang-uyam na komento ng isang netizen tungkol sa kanyang red bikini post.
Sabi niya sa caption sa Instagram nitong nakaraang December 27, 2023, “[gift emoji] could be yours”
View this post on Instagram
Marami namang nagkagusto sa kanyang post.
Pero may isang hindi natuwa rito.
Sabi ng netizen, "para kang porn star, sori po."
Kuwinestiyon ni Raffa ang double standard ng netizen.
Aniya, “I wear a bikini & suddenly I’m a porn star? Pls most girls ik have more bikini pics than me but it’s scandalous when I do it LMAOOO”
Huling may balita sa kanila ni Joaquin ay noong April 2023, nang ipagdiwang nila ang unang birthday ng anak na si Scott kasabay ng binyagan nito sa St. Michael The Archangel Parish sa Taguig City.
Read: Joaquin Domagoso, Raffa Castro celebrate son Scott's baptism and first birthday
Mula noon ay naging mailap na ulit sila sa publiko.
Samantala, sa panayam ni Joaquin sa Fast Talk With Boy Abunda noong February 8, 2023, ipinaliwanag ng aktor na pareho nilang desisyon ni Raffa ang hindi muna magpapakasal kahit may baby na sila.
Saad ni Joaquin, "It’s not that we’re deciding or not deciding, that’s the whole beauty about it, e. The moment that you decide and not decide something, mawawala yung question when I do ask or if I do ask."
Consensual daw na matatawag ang desisyon nilang ito.
Paliwanag pa niya, “Because we’re smart, we’re new generation po, and nakakaisip na po kami na parang hindi lang po dahil may anak na po kayo, magpakasal na po kayo.
"You have to really fall in love with each other. You really have to get that marriage there kasi dun talaga mapu-fruit yung anak mo. And you’re not supposed to force it din, e.
"Pero sa amin, it’s not that pinupuntahan na namin yung marriage. Kasi sa amin, papunta na kami dun, kasi yun na po ang buhay ko, e.
"Ako, I want a family. I want a beautiful family."
Read: Joaquin Domagoso clarifies decision not to marry Raffa Castro yet is consensual