Hindi pa rin nagpapaawat ang ina ni Sarah Lahbati na si Esther Lahbati.
Sumasagot pa rin si Esther sa ilang komento sa Instagram post ng anak noong araw ng Pasko, December 25, 2023.
Makikita sa post ni Sarah na kasama niya ang mga anak nila ng estranged husband na si Richard Gutierrez, sina Zion at Kai Gutierrez.
Tanging caption ni Sarah sa post ay praying hands at heart emojis.
View this post on Instagram
Isa sa unang ibinunyag ni Esther sa publiko ay “co-parenting” na lamang sina Sarah at Richard sa kanilang dalawang anak.
Ibig sabihin, kumpirmadong hiwalay na ang dalawa at napagkasunduang maghiraman na lamang ng panahon para sa mga anak.
Sa comments section ng post ni Sarah, isang netizen ang naghayag ng pangamba ukol sa diumano’y balak ng kampo ni Richard na ipa-DNA test ang isang anak nila.
Read: Did Annabelle Rama just confirm Richard Gutierrez-Sarah Lahbati breakup?
Ayon sa netizen, “Bilang babae matatanggap ko siguro ung mga mali ng asawa ko pero ung ipa DNA test ung anak ko kc baka hindi daw anak ng asawa ko??? It's too much to bare”
Sagot ni Esther (published as is), “Grabe! bakit kaya galit sya kay Sarah?eh hindi nga pinapayagan si Sarah na walang bidy guard ngayon na lang na yan nakakalabas kasama pa kami.grabe! Sobrang seloso.tapos magpapa DNA?
baka mapahiya sila!”
Wala namang sinagot si Sarah sa mga nagkomentong netizens.
Nasa Bohol ang kanyang pamilya para ipagdiwang ang Bagong Taon.
Read: Sarah Lahbati bonds with sons Zion and Kai in lovely Bohol