Sa pamamagitan ng produksyon ng Visionary Entertainment ay producer na ang aktres na si Inah de Belen at ang kasintahang si Jake Vargas.
Kasalukuyan nilang ginagawa ang pelikulang Pilak na ipapalabas sa mga sinehan sa July ng taong kasalukuyan.
Kuwento ni Inah tungkol sa pagiging film producer nila, “Actually Jake and I, this is our second movie under our production. The first one Sentimo will be released this 2024, actually dubbing na lang yung kulang dun sa movie na iyon.
“Kami ni Inay Elaine kasi matagal na kaming magkaibigan,” pagtukoy ni Inah sa direktor ng Pilak na si Elaine "Alex" Crisostomo, “sabi ko, since andun na kami sa industriya na ’to, napag-isipan namin ni Jake na, ‘Ano bang business ang puwede nating pasukin?’
“Sabi ko, ‘Bakit pa tayo lalayo sa kung ano ang alam natin? So why don’t we start our own production company?’
“And bilang si Elaine, she’s been a concert producer for twenty-two years. But before that, she’s working as an assistant director for Tabing Ilog [1999] and many more shows before that. Sabi ko, ‘Why don’t we make our own production company?’
“Kasi ako as an artista and also as somebody with parents who are actors, I see the quality of the TV shows and yung mga movies na ginagawa nila.”
Mga magulang ni Inah sina Janice de Belen at John Estrada; si John ay kasali rin sa Pilak.
Pagpapatuloy pa ni Inah, “And ako growing up, I watch a lot of movies talaga. Not just mga international movies but mga movies here also.
"So sabi ko, instead of waiting for roles to be given to us na you know, hindi natin masyadong gusto, why don’t we make something that we really want to do and alam natin na ikakaganda ng industry ng Pilipinas.
“And this is not just one movie we are already… we have five movies after this, Pilak, na napag-isipan talaga namin ng magandang story.
“So if maitawid namin ng maganda itong Pilak, this will open a lot of doors for those in the Philippine movie industry, to make more quality films.
“Kasi iyon talaga yung bubuhay ng industry natin, e. And you know, if we want this to be a longtime thing, kailangan rin nating mag-evolve nang mag-evolve nang mag-evolve.
“Because tulad ngayon a lot of people watch films from Netflix. Yung Linlang hindi pa pinapalabas sa TV, sa Amazon Prime pa lang. So you can see already that Filipinos already appreciate films na maganda talaga yung story and hindi yung usual story.”
Mainit ang pagtanggap ng publiko sa Linlang na isang drama-thriller online series kung saan isa sa mga hinangaan sa pag-arte ay ang kapatid ni Inah na si Kaila Estrada na bidang aktres naman sa Pilak.
Pagpapatuloy pa ni Inah, “And it’s true lumawak talaga yung taste ng Filpino audience and tulad ng sinabi ko, we really need to evolve and I think it’s about time to evolve talaga. So kaya din po we started this production company also."
working with john, jake, and kaila
Bukod sa sila ang producer ng Pilak ay artista rin ng pelikula sina Inah at Jake.
Tinanong namin si Inah kung ano ang pakiramdam na kasama niya sa isang pelikula si John na ama niya at si Jake na kasintahan niya.
“I’m actually very excited,” bulalas ni Inah. “When I started na maging artista… I’ve already worked with my mom, and hindi siya drama, ha. Comedy siya and medyo hirap na hirap na ako.
“But like ako, I want to challenge myself as an actress and what could be more challenging than to be with my boyfriend, my dad, and my sister in one movie, ‘no?
“And siyempre hindi ko pa puwedeng sabihin kung ano yung mga eksenang gagawin naming tatlo together—me, my dad and si Jake, pero intense talaga yung eksena na yun.
"So just by reading it [script] sabi ko, ‘Okey, medyo ninenerbiyos ako, ha!’
“Pero iyon nga, if I don’t challenge myself you know, I won’t evolve also as an actress, I won’t grow.
Saad pa ni Inah, “And I think it’s important for us as actors also to know because, iyon nga, we don’t stop learning.
“Even my dad he’s already good and one of the best actors, but he doesn’t stop learning talaga. And I think by working with us also he will keep learning also. So iyon po.
“Yung sister ko, nakatatlong kontrabida roles na siya, medyo, so I also want her, as her sister, for her to grow as an actor also.”
Bukod kina Inah, Jake, Direk Elaine, at Bea Glorioso ng Visionary Entertainment Productions ay kasosyo rin sa Pilak ang GMA actress na si Thea Tolentino at Uno Juan bilang executive producer. Line produced naman ang pelikula ng Entablado Production USA at Ilaw Media.