Wala na sa restrictive custody ng Philippine National Police (PNP) si dating Police Major Allan De Castro, ang pangunahing suspek sa pagkawala ng beauty queen na si Catherine Camilon.
Read: Prime suspect in Catherine Camilon disappearance faces dismissal
Ayon sa ulat ng GMA News Online ngayong Lunes, January 22, 2024, sinabi ni PNP chief Police General Benjamin Acorda Jr. na pinakawalan na nila si De Castro dahil na-dismiss na ito sa serbisyo.
Aniya, "Since he was dismissed from the service, he is now released from our custody. Kumbaga, wala na siya. But still the criminal case will be pursued by the PNP.”
Kahit nakalabas na si De Castro, patuloy raw nilang imu-monitor ang mga galaw at mga lugar na pupuntahan nito para madali itong mahuli sakaling maglabas na ng warrant of arrest ang husgado.
Noong January 16, tuluyan nang tinanggal sa serbisyo si De Castro dahil sa kanyang pagkakadawit sa pagkawala ni Camilon.
Read: Who is Catherine Camilon?
Inanunsiyo ito ng Police Regional Office 4A (PRO 4A) noong January 18.
Ayon kay PRO 4A chief Police Brigadier General Paul Kenneth Lucas, epektibo ang dismissal kay De Castro noong January 16.
Pahayag ni Lucas sa GMA News Online, “Today, I would like to announce the dismissal of Police Major Allan de Castro from the PNP service effective January 16, 2024, signed by me, following an extensive investigation conducted by our Regional Internal Affairs Service 4A.”
Read: Kidnapping, illegal detention filed vs four suspects in Catherine Camilon disappearance
Isa raw dahilan ng pagtanggal kay De Castro sa serbisyo ay conduct unbecoming of a police officer, gayundin ang diumano’y illicit at extramarital affair nito sa nawawalang beauty queen.
PRESUMED DEAD
Nahaharap din sa reklamong kidnapping at serious illegal detention ang driver-bodyguard ni De Castro na si Jeffrey Magpantay, at dalawa pang John Does kaugnay pa rin sa misteryosong pagkawala ni Catherine.
Ayon naman kay Criminal Investigation and Detection Group (CIDG) 4A deputy chief Police Major Nilo Morallos, lumalabas na “patay” na si Camilon, base sa mga kuwento ng mga saksi.
Saad ni Morallos, "We are hoping for the best, pero we are expecting the worst. Sa flow po ng investigation namin, hindi namin masasabi kung wala na talaga.
"Pero based po doon sa account ng witnesses namin, it appears na, iyon na nga po, patay na nga po."
October 12, 2023 pa napaulat ang tungkol sa pagkawala ng Miss Grand Philippines 2023 candidate at Grade 9 teacher.
Read: Miss Grand Philippines 2023 candidate Catherine Camilon "missing" according to mom, sister
Isinagawa naman kanina ang ikatlong preliminary investigation sa kaso at inasahang haharap na si De Castro sa hukuman.