Patuloy pa rin ang palaisipan tungkol sa kung ano ba ang nangyari sa pagitan ni Heart Evangelista at sa dating glam team nitong sina Justin Louise Soriano at Jeck Aguilar.
Muling nabuhay ang isyu nitong mga nakaraaang araw, matapos hindi makalipad sina Justin at Jeck, pati na rin ang assistant nitong si Khino Ocenar at ang talent handler na si Cheska Summer, papuntang Dubai para kay Pia Wurzbach.
Read: WHAT PEP KNOWS: Pia Wurtzbach glam team "no hold departure order"; bumped off from two flights
Kasunod nito, naging usap-usapan sa social media ang Instagram post ng Kapuso actress-fashion icon nitong January 26, 2024.
Makikita sa post ang libro ng American pastor-writer na si Louie Giglio na may titulong Don’t Give the Enemy a Seat at Your Table na nakalagay sa kanyang luxury bag.
Iniuugnay ng netizens ang nasabing post sa dating glam team ni Heart.
Caption ni Heart sa kanyang post: "Not Today [no-entry sign emoji]."
Read: Heart Evangelista’s "Don't Give The Enemy A Seat At Your Table" post intrigues netizens
Nakadagdag din upang muling mabuhay ang isyu ang naging pahayag ni Heart sa kanyang latest vlog sa YouTube na inu-upload niya noong January 25, 2024.
Kinunan ang vlog na ito noon pang November 2023, nang nagpunta si Heart sa Singapore para dumalo sa iba't ibang events.
Sa isang bahagi ng mahigit isang oras na vlog, hindi napigilang maging emosyunal ni Heart nang mag-open up ito tungkol sa mga dating kasama na nagsabing "toxic" siya.
Hindi nabanggit ni Heart ang dating glam team ngunit hinuha ng netizens, ang mga ito ang pinatutungkulan ng aktres sa kanyang statement lalo't alam ng karamihan na nagkaroon ng sigalot sa pagitan nila.
Ilan sa mga kausap ni Heart sa bahaging ito ng vlog ay ang makeup-artist/hairstylist na si Ghil Sayo at ang Sparkle GMA Artist Center assistant manager na si Ira Lesaca
Kasama rin dito ang dating managing editor ng Cosmopolitan Philippines na si Retty Contreras, na nakatrabaho rin ni Heart para sa librong Styled With Heart para sa Summit Media, at isang videographer na nagngangalang Julius.
Kuwento ng Kapuso star, "Whenever I get problems, like personal problems, I couldn't even be in a bad mood because they would make me feel like I'm so [toxic]...
"I mean, they would really make me feel like I'm so toxic.
"And so ngayon, kahit I try to be happy, I try... even if I have my own problems, I try to not be selfish... But I'm only human and I'm really tired.
"You know, I'm really tired of overthinking, I'm tired of thinking about what other people, you know? What other people... I hate it.
"And at the same time, you feel like you're a bad person so you deserve it.
"Because you feel, like, because you're problematic, you're toxic to everybody, yung ganun."
Dagdag ni Heart, hindi nito maintindihan kung saan o ano ang pinaghugutan ng mga ito para sabihan siyang "toxic" lalo't mas bubbly siya noon. Ganun daw ang naging coping mechanism niya habang may iniinda pang ibang personal problems.
Aniya, "I mean, I'm trying to entertain na nga din kasi yun yung way ko of getting over it.
"Overcompensating ako kasi alam ko, may problem ako personally. So ako, 'Anong gusto niyong gawin ngayon?'
"Mas bubbly pa ako before, kasi pina-fight ko yung mga personal problems ko."
Patuloy pa ni Heart, "I mean, I know my problem wasn't really a good problem.
"I really was going through tough times at the time. But di naman... it had nothing to do with them naman."
In-assure naman ni Retty si Heart valid ang kanyang nararamdaman tungkol sa mga nangyari, ngunit ipinaalala nitong wala na ang mga ito sa buhay ng aktres.
Pero ayon kay Heart, malaking bubog ang naiwan sa kanya, dahilan upang mag-iba rin ang personalidad niya at pananaw sa buhay.
Aniya, "But because parang they paint you like you're such a bad person, so parang you're extra, like, you know, parang you have to be extra perfect to people around you.
"And I mean, it's so bad. That's why, parang, even if it's... Before, of course, I was triggered because they made me think na competition ganyan, competition ganito.
"I would be triggered about that because they would feed that to me.
"But now that I'm alone, it's really not about other people, you know?
"It's about, like, they really destroyed my inner joy and my... how bubbly I was, how I was so carefree, you know?
"And I'm still struggling because parang I wish I wouldn't have to see them.
"But parang dinumihan nila yung part ng area kung saan ako nagtatrabaho, nandiyan sila. Na parang, of course, I'll get over it..."
Nakadagdag din sa sama ng loob ni Heart nang tanggalin na umano ng mga dati nitong kasama sa Instagram ang mga pinagsamahan nilang trabaho.
"You know what he did? He took out all of our collaborations together. Like, what did I do to you? You were the one that... parang ganon ba ako kasama?
"Yung parang, so pati ako, napapa-question ako, '[Expletive], masama yata akong tao.' Pati ba naman yun, galit na galit ka? Ano bang ginawa ko?"
Patuloy ni Heart, "Meron pala akong natitirang yung damage nila sa akin. Yun yung nandun ako.
"It's not anymore about them, and what they do now. It's the damage that they have [done]."
Pinaalala ni Retty kay Heart ang katotohanang nagbabago ang mga tao, at walang masama kung magbago rin siya.
Sabi ni Retty kay Heart, "People change. People evolve. You also have the right to change at the moment."
Paalala naman ni Julius kay Heart na meron siyang "power to choose" pagdating sa mga taong pumapaligid sa kanya.
Sabi ni Julius, "They're part of your nightmares that happened. Pero you also have the power to choose if you want to think about it or you want to think about the people here."
Dagdag pa ni Julius, ang "pagpapatawad" ay kung minsan ay hindi para sa taong nakaalitan nito, kundi para sa sarili nitong peace of mind.
"Forgiveness is not really forgiveness. It's for you. It's for you to be free."
Pagpapakatotoo naman ni Heart, "Wala pa ako dun."
READ MORE:
- Heart Evangelista, Jericho Rosales reunion sparks kilig overload online
- Kris Bernal fangirls over ex-couple Heart Evangelista, Jericho Rosales
- Heart Evangelista auctions off limited-edition plate for Italian brand; raises P550,000 for beneficiary
- Heart Evangelista appreciates how Marian Rivera initiated their reconciliation