Nakalipat na kamakailan sa kanyang bagong bahay ang Kapuso actress na si Carla Abellana.
Sa panayam sa kanya ng GMA Integrated News last February 8, 2024, sinabi niyang ang kanyang fur babies ang kasama niya sa bagong bahay.
Tinawag niya ang kanyang bagong investment bilang dream house.
Ani Carla, “Dream yun, e. Life-long dream. Life-long plan. Na-envision ko lang siya one day.
“Sabi ko, paano nangyari yun? Hindi ko rin alam. Parang it's all a blur, but of course I give all the credit to God.”
Read: Carla Abellana shares favorite spots in her new home
Read: Is Carla Abellana ready to meet estranged husband Tom Rodriguez?
At dahil sa kanyang paglipat sa bagong bahay ay nag-declutter siya at nagbenta ng mga lumang gamit online gaya ng mga sapatos at bag.
Nakasanayan na umano ni Carla na ibenta ang mga lumang gamit na puwede pang pakinabangan ng iba.
May mga sumuporta sa kanyang ginawang pagbebenta, pero may mga bumatikos din sa aktres dahil hindi umano fair ang presyo sa quality ng items.
Nang matanong si Carla tungkol dito, ang mariin niyang sagot, “Hindi yun totoo, grabe kayo!”
Paliwanag niya, “I would sell something na much less naman than how much I got it for, di ba? Lalo na dahil yung condition niya depende rin doon.”
Read: Carla Abellana shocked by P600K credit card charge: “Lord, how will I pay for the $11,087.33?”
Mensahe niya sa mga gustong bumili ng kanyang items, “Well, choice naman nila iyon if they're interested; if they want to buy it or not.”
Napag-usapan din ang tungkol sa estado ng love life ni Carla lalo ngayong papalapit na ang Valentine’s Day.
Nang tanungin kung may mga nanliligaw sa kanya, ani Carla, “Meron naman noon...
“Pero ngayon parang di na gaano, o parang I don't know where they are.”
At kung sakaling makikipag-date siya, “I wouldn't say naman na I'm not open to it pero parang ayaw ko pa siyang masyadong isipin.
“Not that I'm blocking myself.”
Read: Kris Aquino rallies on amid health battle; plays matchmaker to Carla Abellana
At kung makikipag-date man siya, “Ayoko ng blind date. Hindi ako comfortable sa blind date.”
Samantala, inamin naman ni Carla na hindi siya nakikitsika sa co-star sa Widow’s War na si Bea Alonzo tungkol sa pinagdadaanan nito ngayon.
Read: Carla Abellana fangirls over Widows' War co-star Bea Alonzo
“Hindi ako yung parang someone na parang itatanong yun, or tatanungin siya o magpi-fish ako.
“Hindi naman.”
Paliwanag niya, “That's a very sensitive private matter. So that's her personal life.
“Of course, I pray for her. I only wish she's okay.”
Read: Unraveling main cast of GMA-7 prime-time series Widows' War