Naglabas na na pahayag ang actress-vlogger na si Ivana Alawi tungkol sa aniya ay mga social media posts na nag-uugnay sa kanya kay Bacolod City Mayor Albee Benitez.
Kamakailan ay may kumalat na video na makikitang nasa isang airport sina Ivana at Mayor Albee.
Read: Ivana Alawi spotted in an airport with Mayor Albee Benitez?
Read: Ivana Alawi on love life: “My heart is happy.”
Dahil sa video, lalong lumaki ang sapantaha ng netizens na totoong may ugnayan nga ang dalawa.
Ang pahayag ay inilabas ni Ivana sa kanyang official Facebook account ngayong araw na ito, February 10, 2024.
Pagsisimula ni Ivana, “There are posts and issues involving my name.
“I tried to stay quiet at dumedma na lang dahil sa paniniwala ko na hindi ako dapat magsalita lalo kapag alam ko na wala akong ginagawang masama.”
Napilitan umano siyang magsalita dahil nadadamay na maging ang mga mahal niya sa buhay.
“But because of the false accusations and hurtful words that are being thrown to my Mom and Mona, kinailangan ko nang linawin ang mga bagay.”
Sambit pa niya, “This will be the first and last time na magsasalita ako tungkol dito.”
Read: Mayor Albee Benitez nali-link sa isang sikat na sexy actress
Read: Misis ni Mayor Albee Benitez itinangging hiwalay na sila
Deklara ni Ivana, “HINDI PO AKO ANG NASASABING girlfriend ni Mayor Albee Benitez.”
Pagbabahagi pa ng actress-vlogger, “I met him when I had work in Bacolod. He was very accommodating and friendly. At hindi lang siya ang politikong nakilala ko at naging kaibigan.”
Nilinaw rin niya ang estado ng kanyang puso ngayon.
Read: Ivana Alawi reveals relationship status: "I am seeing someone."
“I am currently seeing someone who makes me happy.”
Paglalarawan niya rito, “All I can say is that he is a respectable businessman and not a politician.”
Pakiusap ni Ivana, “Sana this helps clear my name and clarify all rumors.
“Maraming salamat.”
Nilagyan niya ng red heart emoji ang dulo ng kanyang pahayag.
Read: Ivana Alawi gifts sister Mona Alawi with brand-new car worth PHP1.6M