Ilang araw bago itinanggi ni Cristy Fermin ngayong Miyerkules ng hapon, Pebrero 21, 2024, na wala siyang binanggit na pangalan tungkol sa diumano’y mga politikong nasasangkot sa paghihiwalay nina Bea Alonzo at Dominic Roque, nauna nang nagpaunlak ng panayam sina Dapitan City Mayor Bullet Jalosjos at former Quezon City Congressman Bong Suntay.
Sa panayam nila sa news reporter na si Jay Ruiz, sinabi nina Jalosjos at Suntay na matagal na nilang kaibigan si Dominic.
Mariin at natatawa rin nilang itinanggi ang malisyosong tsismis na "benefactors" o "sugar daddy" sila ng ex-fiancé ni Bea.
Read: Bea Alonzo and Dominic Roque: A Relationship Timeline
Ikinuwento ni Jalosjos na mahigit isang dekada na ang pagkakaibigan nila ni Dominic dahil kapwa sila mahilig sa motorsiklo. Humantong pa raw ito sa pagtatayo ng mga negosyo.
Lahad ng Dapitan City mayor, “We started doing businesses, nagtutulungan kami, kaya nakapagtatakang umabot sa ganito, na even ang genders namin ang pinagkakaguluhan ngayon ng marami at nagtatanong kung talagang lalaki ba kami.
“Nakakatawa lang yung isyu. Actually, pinagtatawanan lang namin.
"It’s a good time also to clarify things, yung totoo lang ang gusto nating i-clarify para malaman din.”
Nilinaw ni Jalosjos na pinarerentahan niya kay Dominic ang kanyang condominium unit. Wala raw katotohanang ibinahay niya ang aktor.
Ani Jalosjos, “ Ang pangit naman pakinggan, sugar daddy.
"Clarify ko lang. Yung condo, totoo, akin talaga yon.
"I’ve had it for quite some time, congressman pa lang ako. Pre-selling pa nga, nakuha ko yon.
“Ginawa kong Airbnb but because of the pandemic, pinagbawalan kami i-open for Airbnb.
"And siyempre, as a friend, as a barkada, Dom asked me if I wanted to have it rented.
“Hindi ko naman ginagamit. I stay in Dapitan City now and I live in Alabang.
"Siyempre, ipapa-rent natin sa barkada natin for a good price."
Patuloy niya, “Natawa lang ako kung bakit tumalon yung isyu from business to ibinahay na.
"Sana naman, itong mga nagkakalat, yung claiming that they are mga batikang journalist, sana naman, ingat-ingat din, kasi they have a responsibility to the people.
“Dapat fact-finding, hindi yung nalaman nila nasa pangalan ko yung condo, sugar daddy na ako bigla.
"Hindi ba puwedeng i-rent, hindi ba puwedeng ibinebenta? Tumalon kaagad, e.
“Ang problema, sinakyan, e. Gina-gaslight nila yung isyu.
"At naaawa rin kami kay Dom kasi siyempre affected na nga yung tao sa break-up, ili-link pa kami sa kanya.
"So, kami, pinagtatawanan lang talaga namin. But at some point, kailangan talaga tumigil.
"And I think these peope have to also be reprimanded. Kailangan may consquences, may batas tayo.”
Read: Mga politikong pinagbibintangang "sugar daddy" ni Dominic Roque, nagsalita na
MOTORCYCLE CLUB
Kinumpirma ni Bong Suntay ang pahayag ni Jalosjos na matagal na silang magkakaibigan ni Dominic.
Mga miyembro rin sila ng Euromonkeys, ang grupo ng mga mahihilig sa motorsiklo na kinabibilangan din ng mga celebrity na sina Dingdong Dantes, Richard Gutierrez, at Kim Atienza.
View this post on Instagram
“Matagal na kaming magkakabarkada,” sabi ni Suntay.
“We started with similar passions for riding motorcycles, cars at masasaya kaming magkakasama.
“In fact, yung passion na yon led to the formation of a group, yung tinatawag naming Euromonkeys, which is a group — Mayor Bullet, myself, si Dominic, si Dingdong Dantes, si Richard Gutierrez, Kim Atienza.
“Alam mo, sa barkadahan, andiyan din yung pagnanais mo, diyan din kayo magtutulungan.
"In fact, siguro itong isyu kung saan nadamay yung pangalan ni Mayor Bullet at yung pangalan ko, e, dahil sa pagnanais naming matulungan yung mga kaibigan namin.
“It’s very easy to find the truth kung talagang itong mga sinasabi nating mga batikang reporters, journalists.
"Kung gusto nilang malaman kung ano yung totoo, madaling-madaling-madali naman. Pero siyempre, kung ang purpose, e, pang-iintriga, it doesn’t matter kung ano yung totoo.”
View this post on Instagram
GASOLINE STATION FOR DOMINIC?
Si Suntay ang may-ari ng Cleanfuel. Siya ang nagtuwid sa walang katotohanang tsismis na binigyan niya ng gasoline station si Dominic.
Ayon kay Suntay, kinuha niyang brand ambassador ng kanyang kompanya si Dominic dahil bukod sa magkaibigan sila, mabait ang aktor.
“Wala din naman katotohanan na binigyan siya ng gasoline [station],” reaksiyon ni Suntay.
View this post on Instagram
May kaugnayan ito sa paglilinaw ni Cristy Fermin sa radio program nito ngayong hapon dahil ipinalabas ng veteran TV host at columnist ang footage na magpapatunay umanong wala siyang sinabing benefactor ni Dominic ang dating kongresista ng ika-apat na distrito ng Quezon City.
Ito ang bahagi ng pahayag ni Fermin sa inilabas niyang video ng nakaraang kabanata ng kanyang YouTube program:
“Yung kay Ginoong Bong Suntay, ang alam ko kasi, di ba, ang kuwento, binigyan daw ng gasolinahan itong si Dominic Roque kaya pinagbintangan na isa siya sa mga tinutukoy na dahilan ng hiwalayang Bea-Dominic.
"Pero ang alam ko kasi nag-endorso siya. Kinuha siyang modelo kaya siya nagkaroon ng gasolinahan.
“Lalo naman kay G. Bong Suntay, hindi po namin siya kilala nang personal. Hindi po namin alam kung ano ang kanilang negosyo ni Dominic. Wala po kaming alam diyan.”
Mananatiling bukas ang Philippine Entertainment Portal (PEP.ph) sa panig ng lahat ng nabanggit sa isyung ito.