Two and a half years na ang relasyon ni Rhian Ramos, 33, kay Tutok to Win Partylist Representative Sam Versoza, 36.
Marami ang naghihintay kung kailan sila magpapakasal, pero hindi pa raw ito ang prayoridad nila ngayon.
Read: Sam Verzosa discloses sign he's waiting for to marry Rhian Ramos
"Uh, plano? Not really. I think, we’re both super duper busy right now. Hahaha!
"And ano, sobrang naka-focus kami sa mga ginagawa namin. Lately, we see each other mabilis na lang. Tapos, back to work."
Natawa si Rhian nang tanungin kung ano ang gagawin niya kung biglang mag-propose si Sam sa kanya. “
"Well, I wouldn’t be dating him naman if I didn’t think na we have a chance to end up there.
"So, yeah. I mean, it is naman something na minsan we talk about it.
"But we’re not making any plans talaga."
Sakaling ikasal daw si Rhian kay Sam ay wala naman daw magiging legal impediment.
Paliwanag ni Rhian, "Uh, no, no, no. Wala namang problema except that we’re busy. Hahaha!
"I think, both of us still really wanna achieve a lot; and I guess, that’s why it is called settling down, di ba?
"It’s like you focus on that when that happens. So, at the moment we are still focusing on other things."
May tatlong anak si Sam sa dating karelasyon.
Hindi raw pinanghihimasukan ni Rhian ang relasyon ng nobyo sa mga anak.
"I don’t want naman, you know, overstep or anything," paliwanag ng aktres.
"And also, I mean, I remember when my parents are dating someone, I was, like, ‘Eeew.’
"So, I don’t want to get into that."
Sa kabila ng pagiging abala nina Rhian at Sam, going strong pa rin ang kanilang relasyon.
Ito ay sa gitna ng napapabalitang celebrity couples na kahit engaged na ay nagkakahiwalay pa rin.
Komento ni Rhian, “I don’t know why , kung bakit nagsabay-sabay lahat. Wala naman akong ano masyadong ma-react.
"Basta wag ako, ganoon! Hahaha!"
Sabay sabi rin ni Rhian, sadyang iba-iba rin talaga ang pinagdadaanan ng bawat tao.
"But I….I don’t know. I just feel like time is changing and people are changing, and people can have different, I mean...,” nabitin na pahayag niya.
Read: Celebrity guests at Lovi Poe and Monty Blencowe's wedding in England
MISS PROBINSYANA
Nakausap namin si Rhian sa media conference ng pelikula niyang Miss Probinsyana, na hinulma ng director na si Jenny Pearl "JP" Bautista-Ninalga.
Kaugnay ng selebrasyon ng International Women’s Month, nagkaroon ng red carpet screening ang Miss Probinsyana sa Metropolitan Theater noong Miyerkules, March 6, 2024.
Proud si Rhian na tinanggap niya ang proyektong ito batay sa tunay na buhay ni Marjorie Aviso, na producer ng pelikula.
"I find this movie very important and timely," ani Rhian.
"Yes, because it’s women’s month, but also because it’s 2024 and we’re already in an age where women are discovering how much they can achieve.
"I think, it’s important to have stories of inspiring women like Miss Marge because whenever a woman achieves something, I feel like I achieve it, too.
"It’s not just for one person's benefit, it's for all of us. That's why it's important and I'm happy this is showing now."
Ipapakita raw sa pelikula kung paano naaabot ang imposible sa tulong ng determinasyon at hard work.
"I feel that women need to fight for each other. Kung paano iyong ginawa ni Ms. Marje, iyon ang nag-pave ng way up at nagbigay ng opportunities to other women.
"Marami ang umasenso dahil nauna na siya," lahad ni Rhian.
Feeling most empowered naman si Rhian kapag umaarte siya sa harap ng kamera.
"It takes me to another place. I know when I'm in the zone and I know if I'm not," ngiti niya.
"And when you get those magic moments, it really feels amazing and that's basically what I'm doing my whole life.
"When I get good feedback also from people in what do, I feel most empowered, too."
Read: Rhian Ramos confirms breakup, reconciliation with boyfriend Sam Verzosa
CAST OF MISS PROBINSYANA
Sina Eligio Ninalga Jr. at JP Ninalga ang sumulat ng script ng Miss Probinsyana. Kasama sa cast sina Lance Raymundo, James Marco, Joshua Zamora, at Camille Rose.
Gayundin sina Jyra De Guzman, Kristine Abbey, Kristal Luistro, Ayah Sarmiento, Rowie Cardona, Drago Cruz Muñoz, Mabel Reyes, Janina Lorelei, Julien Antonuccio, Sarah Ansari, Stephen Anderson, Aaron Hewson at Hamsa Omar.
Ang nationwide screening ng Miss Probinsyana ay nakatakda sa bandang huling linggo ng Abril.