Para kay Christopher de Leon, nagkulang ang lahat sa pagkilala at pagbibigay-pugay sa isang premyadong aktres katulad ni Jaclyn Jose.
Nanghihinayang ang batikang aktor na di nabigyan ng karapat-dapat na pagkilala si Jaclyn nang manalo ito bilang Best Actress sa 2016 Cannes Film Festival kung saan ang namayapang aktres ang kauna-unahang Filipina na nagkamit ng napakataas na parangal.
Nakapanayam ng PEP.ph (Philippine Entertainment Portal) si Christopher sa pangalawang araw ng burol ni Jaclyn sa Arlington Memorial Chapels, Araneta Avenue, Quezon City nung nakaraang March 5.
"You know what, huli na tayong lahat para talagang i-declare sa lahat sa buong Pilipinas na she's the best actress and still the best actress sa Pilipinas, sa buong mundo in short.
“When she won the Cannes Film Festival, she won against Meryl Streep, Cate Blanchet, magagaling ang mga katapat niya but hindi natin na-recognize nang maiigi.
“Ako ha, I called the attention of some producers, maybe networks, hindi siya natawag, hindi siya binigyan ng halaga.
“Siguro binigyan ng halaga pero kulang, e. Dapat binigyan natin siya for a while kahit sandali lang.
“Di naman kailangan na ilagay sa tamang pedestal, tamang lugar, pero pagpapahalaga na she's the first to ever win sa Cannes Film Festival.
"Di bale na ang Oscars. Ang Oscars kasi, ang daming ano iyan, e.
“Ang daming lobbying iyan and all that, di ba?
“In Cannes, totoo iyan. Di ka na magla-lobby, kailangan mo lang to be there, to mingle and makipagchikahan sa mga jurors, yung mga taga Cannes.
“She won it, she won the Best Actress award, so dapat binigyan siya ng magagandang roles, binigyan siya ng halaga, binigyan siya ng leading roles, kaming lahat sana.
“Nag-rejoice tayo, sana binigyan siya ng parangal ng every award-giving body. Di nagamit, di siya nabigyan ng magagandang roles, after that di pinahalagahan ng industriya."
JACLYN LEVELED UP HER ACTING PERFORMANCES AFTER CANNES WIN
Pagkukuwento ni Christopher, ang pagkapanalo ni Jaclyn sa Cannes Film Festival ang alam niyang nagbibigay ng kaligayahan at inspirasyon dito para patuloy na magtrabaho at pagbutihan ang pag-arte.
"Alam mo, isa sa nagpapaligaya sa kanya yung assurance of being there, being here when she sees her Cannes Film Festival trophy.
“Yun lang, ‘wow, i was able to do it! I'm one of the best in the world.’
“Yun ang aking lamentation, bakit ngayon pa?
"When you see Batang Quiapo, ang galing! Super! Everytime I watch it, ang galing ni Jane, super galing!
“Buti na lang nakuha siya ni Coco, ng Dreamscape, magpasalamat tayo sa Dreamscape at nabigyan siya ng magandang role.
“Ibang-iba yung role niya sa Batang Quiapo and we're happy about that, but ito nga yung nangyari.
“Supposed to be nga, magkikita pa kami, magkakabanggaan pa yung character ni Ramon and Chief Espina and Tanggol. Magkakaroon ng clash, I don't know what will happen.”
JACLYN WAS SANDY ANDOLONG’S CLOSE CONFIDANTE
Ang asawang si Sandy Andolong ang isa sa malapit na kaibigan ni Jaclyn sa industriya. Ayon nga sa multi-awarded actor, isa sila sa pinagbubuhusan ng sama ng loob ng premyadong aktres at kasa-kasama nila sa tuwing inaatake ito ng kalungkutan.
"Sandy is a very, very close friend of Jane, they’re very close. Maraming nangyari , she would always confide, they talk. Nung narinig ko na humagulgol si Sandy, kinabahan ako akala ko kung ano ang nangyari.
“Yun nga, she's explaining to me kung paano namatay. She fell pa nga and all that, she was alone. Friday pa lang nangyari na yun, nakita Saturday or Sunday. We were praying. Yeah, maybe she had her time.
"We're good friends actually, may mga pangyayari na di ko na masasabi sa inyo. Yeah, we were there when she was in desperate times. She will go to our place in Lobo Batangas, sila dun nila Sandy tapos heto nga ang nangyari."
Sinariwa din ng aktor ang mga proyektong pinagsamahan nila ni Jaclyn.
"Suddenly, I remembered one of our first roles. She did a role that was sort of my girlfriend in Magdusa Ka. I think that's one of her first roles and then naging asawa ko siya sa isang teleserye.
“She was so nice and cooperative, sabi ko ‘magaling ito.’ After nun nagkaroon ako ng teleserye nga na naging asawa ko siya. "