Si Krystyna Pyszková, 23, ng Czech Republic ang tinanghal na Miss World 2024.
Ginanap ang koronasyon ng international beauty pageant na nilahukan ng 112 contestants kahapon, March 9, 2024 sa Jio World Convention Centre, BKC, Mumbai, India.
Si Krystina ang ika-71 na humawak ng naturang korona. Isa siyang model at law student sa kanilang bansa.
Read: FULL TRANSCRIPT: Winning answer of Miss World 2024 Krystyna Pyszkova
Siya rin ang ikalawang Miss World mula sa Czech Republic matapos magwagi ni Tatana Kucharova noong 2006.
Nabigo naman ang pambato ng Pilipinas na si Gwendolyne Fourniol na makapasok sa Top 40.
Read: How is Gwendolyne Fourniol faring at the Miss World 2023 pageant?
Mula sa Top 40, pinili ang Top 12 at pagkatapos ay ang Top 8.
Sa puntong ito ay sumalang ang walong contestants sa question-and-answer portion.
Sa naging tanong tungkol sa issue na nakaaapekto partikular sa kalusugan ng kababaihan, isinagot ni Krystina na dapat mawala na ang stigma at kahihiyan tungkol sa menstruation.
Aniya, ang pagiging babae ay isang “gift” at ang menstrual period ay hindi dapat ituring na taboo subject.
Read: MWO Chair Julia Morley no intention to change Miss World criteria for its candidates
Bukod kay Krystina, nakapasok sa Top 4 sina Yasmina Zeytoun ng Lebanon (first runner-up), Aché Abrahams ng Trinidad and Tobago (second runner-up), at Lesego Chombo ng Botswana (third runner-up).
Ang filmmaker na si Karan Johar at si former Miss World Megan Young ang nag-host ng event.
Read: Miss World 2013 Megan Young, magbabalik bilang host ng Miss World
Pinalitan ni Krystyna si Miss World Karolina Bielawska ng Poland, na hinawakan ang korona mula March 2022.
Humaba ang reign ni Karolina dahil sa scheduling issues at walang ginanap na Miss World pageant noong 2023.