Ramdam ni Gabby Eigenmann ang lubos na pagdadalamhati ni Andi Eigenmann sa pagpanaw ng ina nitong si Jaclyn Jose.
Read: How Gabby Eigenmann helped sister Andi deal with Jaclyn Jose's sudden death
Sina Gabby at Andi ay magkapatid sa ama, si Mark Gil, na pumanaw noong 2014.
Si Jaclyn, Mary Jane Guck sa tunay na buhay, ay pumanaw noong Marso 2, 2024.
Nakapanayam ng PEP.ph (Philippine Entertainment Portal) si Gabby noong March 7, at dito ay tinanong siya kung sa Kamaynilaan o sa Siargao dadalhin ang cremated remains ni Jaclyn.
Sa Siargao nakabase si Andi kasama ang fiance na si Philmar Alipayo at mga anak.
Sagot ni Gabby, "Well, may plans na ganun, pero hindi pa nako-confirm."
Sabay sabi niya, "Yeah, basta may sinabi si Andi na, 'Uwi na tayo, Nanay.'
"Yun ang di ko makakalimutan, and that hit me, hit everyone, especially me.
"So, yung 'Uwi na tayo, Nanay,' daming ibig sabihin nun."
Kumusta si Andi?
Napabuntong-hininga si Gabby, "Of course, day by day you see different people, e. Yung iba-ibang mga nakasalamuha ni Tita Jane sa industriya, e.
"Nung second day ata, ‘Sino pang gusto mong makita?’ tinanong ko siya. May mga binanggit siya.
"Tapos eventually nung the following day, nakita niya, nailabas na niya. Tapos, hindi naman ako nagulat na iiyak siya ulit kanina.
"Pero yeah, any child naman na nawalan ng magulang will always be reminded of… yung pag wala na, konting switch lang ng ano, maaalala pa."
READ: Andi Eigenmann moved to tears by Coco Martin's eulogy for Jaclyn Jose
ON ELLIE'S REACTION TO JACLYN'S PASSING
Ang anak ni Andi at Jake Ejercito na si Ellie ay makikitang kasama ng pamilya na gabi-gabing nasa lamay ni Jaclyn.
Ayon kay Gabbi, ang pagpanaw ni Jaclyn ang unang beses na nakita niyang naging emosyonal ang pamangking si Ellie.
"I hardly see Ellie cry ever since she was a baby," tugon ni Gabby, na bakas ang pighati sa ngiti.
"But during the time nung cremation, isa yun sa pinaka yung ayaw mong makita din.
"Yeah, of course, kasi love na love niya si Naynay, e. Like love na love din siya ni Tita Jane. First apo yan, e.
"And everyone knows that chapter of Andi’s life. That chapter of Tita Jane’s life, when Ellie was born."
Sa poder ni Jaclyn nakatira si Andi noong nabuntis at nanganak ito hanggang sa lumaki si Ellie.
Kaya malapit si Ellie sa lola.
Limang taong tampok ng espekulasyon ang parentage ni Ellie, hanggang sa noong 2016 umamin si Jake na siya ang biological father ng bata.
Read: A PEP LOOKBACK. Andi Eigenmann, Albie Casiño, Jake Ejercito: A five-year secret finally revealed?
Balik sa interbyu ni Gabby, sabi niya: "And it’s a good thing now that it’s, hindi na nga chapter ng isang libro, it’s another book, alam mo yun.
"Na mas maganda na, at mas masarap basahin. Kasi, iba na ang buhay ni Andi. Napakasaya na.
"She has her own family. Yun naman talaga ang gusto niya, e. Once nabuo na yung family niya, Andi had a lot of plans.
"Of course, to bring Tita Jane sa Siargao. Yung mga ganyan, to visit. Madami, yeah."
Read: Alden Richards recalls Jaclyn Jose was unimpressed by his acting when they first met
GABBY ON JACLYN AS A MOTHER
Sa parte ni Gabby, pinaka-meaningful na alaala sa kanya ang pagiging ina ni Jaclyn.
Hindi raw matatawaran ang pagmamahal nito sa mga anak na si Andi at Gwen Guck. Si Gwenn ay anak ni Jaclyn sa dating karelasyon na si Kenneth Garimond Ilagan.
Natigilan sandali si Gabby na tila tinimbang na mabuti ang sasabihin bago nagwika, "Not because of her accolades and all that, given na yun, e. Pero puwede mong kalimutan yun, e.
"Hindi mo makakalimutan is how she was as a mother.
"For me, it may not be 100% perfect, or may not be yung… Lahat naman tayo, may ups and downs, e.
"Being a parent is really, really hard. Walang perfect na parent, walang perfect na…
"Hindi lahat ng decision-making, e, laging nasa tama. So yun ang mahirap."
Naniniwala si Gabby na pinakamagandang regalong ibinigay ni Jaclyn sa mga anak ay ang pagpapalaki sa mga ito na independent at matatag sa kabila ng mga pagsubok sa buhay.
Lahad ni Gabby: "Kasi, any parent would want na lahat ng anak nila ay maniwala sa kanila. Gets mo?
"Yung makinig kayo sa lahat ng sasabihin ng magulang, kasi lahat yan, pinagdaanan na nila yan. Oo, totoo!
"But of course, for children to be independent, they have to go through life on their own.
"And that’s one of the sacrifices na naano ni Tita Jane is to try to hold on. Kahit maikli na lang yung tali, alam mo yun."
Alam ni Gabby na mahirap para sa isang ina na hayaan ang mga anak na matutong tumayo sa sariling mga paa.
Si Andi ay piniling manirahan sa Siargao, habang si Gwen ay nag-aaral sa U.S.
Sabi ni Gabby sa pakiramdam ni Jaclyn bilang magulang:
"Yeah, it was hard. Kasi, of course Andi wanted a life. Si Gwen also wanted to have a life.
"Hindi ba yun yung best gift na binigay ni Tita Jane? Kasi they learned how to be independent on their own.
"Yun lang. Yung I would want to remember Tita Jane, you know, as a mother."
STILL NOT SINKING IN
Marso 3, Linggo nadiskubre ang cadaver ni Jaclyn.
Marso 4, Lunes nagpa-mediacon ang daughter ni Jaclyn na si Andi Eigenmann upang ihayag ang sanhi ng kamatayan ng ina.
Katabi ni Andi si Gabby sa nasabing mediacon.
Sandalan ni Andi si Gabby mula noong bata pa siya.
Nag-sink in na ba kay Gabby ang pagpanaw ni Jaclyn?
"Ah, mahirap, e. Mahirap sabihin kung nag-sink na ba ang mga… Hindi, e."
"It could be days pa. For some, it could be weeks. Minsan it’s gonna hit you, even after a month, e.
"Ngayon kasi, the realization is OK, given the body is not here anymore. But everytime you hear her name, it always reminds you of, ‘Teka, oo nga, wala na.’
"Alam mo yung ganun? So, akala ko, OK na ako, e. Kasi, kagaya nun, nag-taping ako yesterday. I had an option na not to tape.
"Kasi nga, medyo mahirap i-absorb din yung nararamdaman ni Andi, e. Sponge ako, e. Sponge ako.
"So, in reality, wala na siyang parents, alam mo yun."
Noong Setyembre 1, 2014 pumanaw ang ama nina Gabby at Andi na si Mark Gil, Ralph Eigenmann sa totoong buhay.
Pagpapatuloy ni Gabby, “Orphan. But I would never make her feel that way. I’ll make sure. Kahit sabihin kong ako, ako, ako. Hindi.
"She will never feel that way naman. Totoo ang sinasabi ko na I’ll make sure of that.
"But in reality, yes!
"So yun yung inaano ko na parang… andami kong iisipin in the next few days, few weeks, few months, few years. Hindi mo masabi."