Isa sa mga dahilan kung bakit simula noong isang taon ay ilang beses na nagpabalik-balik ang Sparkle artist na si Mikee Quintos sa South Korea ay dahil sa itinayo niyang business ka-partner ang kanyang high school classmate na isang Korean, si Yeji Kim.
Ang kanilang business ay ang website na www.tributeph.com na nagbebenta ng Korean products tulad ng mga skin care products na sa Korea pa lang meron.
Nakausap ng PEP.ph (Philippine Entertainment Portal) sina Mikee at Yeji sa launching ng kanilang business na ginanap sa Balara Content Studio kamakailan.
Tanong agad namin, ano ba ang bago sa sa tributeph.com gayong napakarami nang Korean stores, K-mart, at samgyupsalan sa Pilipinas.
Sagot ni Mikee, “tributeph.com is a new little corner on the internet where hidden gems of Korea can be found. So we want to be the newest platform for Korean products that more Filipinos can enjoy."
May hidden gems pa pala na hindi nakararating sa radar ng mga Pinoy?
“Meron pa pong mga hindi nahahanap. I think it's what’s unique about yung kaya naming i-offer together ni Yeji ‘cause she’s really staying in Korea. And as a Korean herself, alam niya kung ano yung maganda na mga produkto,” saad pa ni Mikee.
Ayon naman kay Yeji na marunong mag-Filipino kahit na Korean, “Kasi sometimes what's marketed in the Philippines or foreign countries, sa abroad, is different from what's really famous in Korea. Yeah, so we are trying to…"
Dugtong ni Mikee, “Naririnig niyo yung ‘worth the hype?’ So not all the products na naha-hype are worth the hype. So I think that's what we want to offer here sa tributeph.
"That all of the products that we’re gonna carry will be exclusively curated by the two of us, that ite-test talaga namin, pipiliin talaga namin.”
“Hand-picked, ganun,” sabi naman ni Yeji.
mikee and yeji's friendship
Mula high school hanggang kolehiyo ay sa Manila na nag-aral si Yeji kaya marunong siyang magsalita ng Tagalog at English.
“Parang people say I have the heart of Filipina raw kasi I grew up here in the Philippines.
"I came when I was like, 11 years old or 10? ‘Tapos I graduated college pa and went back to Korea. So parang my whole culture was Philippines and I was like a Filipina when I grew up.”
Sa St. Scholastica noong high school naging magkaklase at magkaibigan sina Mikee at Yeji.
Pagdating ng College, sa DLSU nag-graduate si Yeji habang si Mikee ay malapit nang magtapos sa U.S.T. Pareho rin silang 26 na taon gulang.
"Since high school, we were friends, sabi ni Yeji. "But ‘cause of work and everything, I came back to Korea. We weren't able to see each other.”
“When I went back to Korea, I started working in different corporations, like famous corporations. I ended up in a start-up company. Yeah, and right now, my sister’s running a pottery business, pottery academy."
Sa Yeosu City, South Korea, nakatira si Yeji kunsaan, nakapunta na rin daw si Mikee. Doon din daw ang manufacturing ng pottery business nina Yeji.
Nagtatrabaho rin daw bilang hand-paint artist si Yeji sa pottery business nila. Pagmamalaki ni Mikee nasubukan na niya at ng boyfriend niyang si Paul Salas ang mag-pottery sa academy nina Yeji.
“Na-try namin yun ni Paul nung last visit namin. Nagpunta kami sa academy nila, nag-pottery kami. Masaya, masaya siya," kuwento ni Mikee.
Korean blood, Filipino heart
Dahil sa tagal na nanirahan ni Yeji sa Pilipinas masasabi nga raw na dugong-Koreano man ay pusong-Pilipino naman siya.
Patunay nga raw ang humor ni Yeji, ayon na rin sa kuwento ni Mikee.
"Yung humor niya, alam mo yung natatawa siya sa mga biruan? Yung humor ng Pinoy. Yun yung funny.
Pag-amin nga ni Yeji, “Yeah, that's why when I went back to Korea, Korean humor was not my thing.”
Nag-stick na nga raw kay Yeji ang humor ng Filipino.
Kahit na based na siya sa Korea, pabalik-balik din daw siya sa Pilipinas dahil narito ang karamihang mga kaibigan niya.
“All my friends are in the Philippines. ‘Tapos, yeah… I started working in Korea but basically, I grew up in the Philippines," ani Yeji.
how tributeph.com was born
Nang bumalik si Yeji sa Korea, nagdaan daw ang walong taon bago pa sila muling nagkita nang personal ni Mikee.
Nagkakausap man sila ay sa social media lang at limitado sa pagla-like sa posts konting comments lang daw ang ginagawa nila sa isa't isa.
"Nag-catch up kami nung 2022. Napanood niyo yung Start-Up, di ba? Na yung work talaga dun nung bida sa Sandbox. Na naghe-help sila ng mga start-up companies. So nung nag-reconnect kami nung 2022, yun yung job niya nun.
“So nakaka-help siya ng iba, parang ganun. Dun siya mismo sa parang Sandbox na, partnering with different start-ups.
"So yung knowledge na natutunan niya from working there, 'tapos ako yung natutunan ko from marketing dahil kasama naman yun dito sa showbiz, di ba? Pinut namin yun together to create tributeph. Yun yung naging baby nung lahat.”
k-addict Mikee
Habang nagaganap ang interview, tinanong ni Mikee si Yeji kung ano ang masasabi nito sa pagiging obsessed ng mga Pinoy ngayon sa anything Korean? Na kahit sa kanya mismo raw ay nagre-react si Yeji sa pagiging Army o BTS fan niya.
“I'm getting to like BTS also,” sagot naman ni Yeji.
"See! Hindi pa rin!" reaksyon naman ni Mikee. "Kinukwento niya sa akin, ayaw daw niya maging ganun ka-level ng excitement kasi masa-sad daw siya na ‘pag hindi niya nakuha yung mga idol, yung ganun? Parang ma-affect siya in that deep sense.
“Per sino nga yung crush mo?” tanong pa rin ni Mikee sa kaibigan.
“Cha Eun-woo. He’s really pogi. Cha Eun-woo, you know Cha Eun-woo?” mabilis na sagot ni Yeji. “Pogi nga. Most handsome.”
Kontra naman ni Mikee na umiral ang pagka-Army “The most handsome? I would argue, Jungkook is.”
Usapang fan girl na rin lang, tinanong namin si Mikee kung gaano katindi ba ang pagiging fan niya?
“Army ako. Yun na. Self-explanatory na yun. I’m an Army, bias ko si Jungkook.
"Umabot sa point, yung unang-unang punta ko sa Korea nung 2022, kaya ako nagpunta kasi nagpa-tattoo ako sa artist ni Jungkook. So yung tattoo artist, meron kaming tattoo from the same artist.
“Yun yung reason ko for flying there."
Nagpasama pa raw siya kay Yeji na nakita na rin niya nang personal noon after eight years.
"Sinamahan niya ‘ko kasi yung tattoo artist ni JK [Jungkook] hindi masyado nag-e-English din. Nagta-translator, so nakatulong siya dun. Siya yung nag-translate."
Hindi na rin naman daw masyadong nagulat si Yeji sa pagka-K-addict ni Mikee.
“I'm used to it naman,” sabi ni Yeji. “I know Mikee. I get a good energy from her so I also get excited. That’s what I like the most about this person.”
symbol and mission
Kapansin-pansin ang ibong flamingo bilang bahagi ng logo ng tributeph.com. May paliwanag naman sila dito.
Sabi ni Mikee, “Flamingos are symbol of balance, beauty, and really great potential, di ba?
"Nagba-balance ang mga flamingo. So in life kasi, as our brand, Tribute, we want the products to be like tools or makapag-contribute yung products namin sa pag-balance ng mga lives ng mga Filipina.
"Sa work-life and sa pagbigay ng self-love sa sarili. Yung time na ibibigay nila sa sarili nila, parang tribute na din nila sa sarili nila yun. So dun nag-inspire yung idea.
“Tribute to self,” dugtong naman ni Yeji.
May mission din sila sa itinatag na kumpanya.
Para kay Mikee, “Eventually, we would love to have a physical store offering not just beauty products. Like room decor but everything Korean so that’s the same there.
"So uso na ngayon yung mga physical store na may iba-ibang brands within that store right? So we wanna do something like that but everything Korean."
Sa ngayon, ang mabibili pa lang sa tributeph ay ang kanilang sunscreen at gua sha.
Ang gua sha ay scraping tool na gamit sa mukha at katawan.
“Yes, there are two kinds of gua shas, actually–body and face. ‘Tapos sa sunscreen, we only have this Aqua Calming sunscreen,” lahad ni Mikee.
Sabi naman ni Yeji, may plano na rin silang expansion.
“Of course, there are. Meron na kaming negotiation. We can’t really tell what brand pa, pero meron na kaming haircare na next. Tas meron na ring coffee. Dun ako excited sa kape! Sobrang saya ng coffee. Yun, so abangan niyo po yan.”
May stable career naman sa showbiz at nag-aaral pa rin ng architecture si Mikee, pero pinasok pa rin niya ang pagnenegosyo. Gusto niya ba talaga?
“They say start early, di ba? Para madapa na kung madadapa para matuto,” sagot niya.
“I think it felt right. Mararamdaman mo naman yun, e. When it’s time. So all the clues were there, all the opportunity was already there, who am I to say no to God’s blessing ‘no?
Naisip daw niyang magnegosyo, isang taon bago pa sila magkausap ni Yeji.
“One year before niya in-offer lang. Parang naisip ko, mayroon nang ganung thoughts 'tapos wala pang plans and then one year later dun nag-start yung planning.”