Mabilis na humingi ng paumanhin ang Kapamilya actress na si Francine Diaz dahil sa mali niyang pagbasa sa pangalan ng K-pop boy group na Tomorrow X Together (TXT).
Si Francine ang nag-present ng award sa TXT bilang winner ng Global K-pop Leader sa 1st Asia Star Entertainer Awards (ASEA) na ginanap sa Yokohama, Japan, nitong April 10, 2024.
Sa halip na "Tomorrow by Together" ay binasa ito ni Francine na "Tomorrow Times Together."
Agad na pinag-usapan online ang insidente, kunsaan marami sa Pinoy fans ng TXT ang "naaliw" sa maling pagbasa ni Francine sa pangalan ng sikat na K-pop group.
Mababasang tweet ng isang netizen (published as is), "Madam Francine hindi kami aware, nagbago na pala name ng TXT haha pero aliw ka diyan."
May ilan pang netizens na binansagang "Multiplication Queen" si Francine at "lucky charm" ng TXT.
Bukod kasi sa Global K-pop Leader ay naiuwi ng grupo ang tatlo pang top awards sa ASEA — ang Artist of the Year, Best Performance Group, at The Platinum.
Saad ng isang fan, "ooooh Francine was on to something cause the moment she said Tomorrow TIMES Together the awards just kept multiplying tonight!"
Sabi pa ng isa, "Francine, bakit naman nag-multiply ka diyan HAHAHAHA ang cute."
"I believe Francine Diaz manifested TXT to make hakot awards when she said 'tomorrow TIMES together' because the trophies keep on multiplying," dagdag pa ng isa.
Read: Seo In Guk says Francine Diaz is a "really good" singer
FRANCINE APOLOGIZES
Sa Instagram Live nitong Huwebes, April 11, personal na humingi ng paumanhin si Francine sa TXT.
Aniya, "Sorry na po, hindi po ako na-inform [sa tamang basa sa Tomorrow X Together].
"I’m very sorry for that very big mistake.
"Pagpasensiyahan niyo na po ako dahil hindi na po ako ganon ka-updated sa mga nangyayari ngayon sa K-pop world.
"Alam niyo naman ako, dalawang grupo lang ang ini-istan ko.
"But now, alam ko na, na-educate na po ako na Tomorrow by Together [ang basa]."
Pagmamalaki pa ni Francine, kahit nagkamali siya ay naging mabuti raw sa kanya ang TXT.
Kuwento ng Kapamilya actress, "In fairness, sobrang babait nila. Kasabay ko sila bumaba sa stairs, pinapauna nila ako maglakad.
"In-offer-an nila ako ng upuan. Napakabait nila.
"Sana nga mas puwedeng makipag-usap sa kanila, pero alam niyo na mahigpit talaga.
"Pero kahit na mahigpit, sobrang babait talaga nila."
Read: Francine Diaz’s way of dealing with “tao na may attitude” is admirable
Sa huli, humingi rin ng paumanhin si Francine sa fans ng TXT, kalakip ang pasasalamat niya sa mga nakaintindi sa kanyang pagkakamali.
Mensahe niya, "Sa mga fans, hindi ko alam kung anong tawag sa fans ng Tomorrow X Together, but thank you kasi tinake niyo in a positive way.
"Thank you hindi niyo po ginawang big deal."
Ang grupong Tomorrow X Together ay binubuo nina Yeonjun, Soobin, Beomgyu, Hueningkai, at Taehyun.
Nag-debut sila bilang grupo sa ilalim ng pangangalaga ng Hybe Corporation (dating Big Hit Entertainment), na siya ring may hawak sa K-pop sensation na BTS, noong March 4, 2019.
ASEA WINNERS
Narito ang kumpletong listahan ng mga nanalo sa 1st Asia Star Entertainer Awards (ASEA):
Daesang (Grand Prize): Stray Kids
Artist of the Year: TXT
Album of the Year: Stray Kids (5-STAR)
Song of the Year: BTS’s Jungkook (“Seven”)
The Platinum Award: TXT
Best Group: Stray Kids, NiziU
Best Solo: TWICE's Jihyo, Lim Young Woong
Best Band: DAY6
Global K-Pop Leader: TXT
Best Performance (Group): TXT
Best Performance (Solo): SHINee’s Taemin
Best Performance (Japan): INI
Best Stage: THE BOYZ
Best Stage (Japan): JO1
Platinum Worldwide: TREASURE
Best New Artist: NCT WISH, TWS, ZEROBASEONE
Best Conceptual Artist (Group): THE BOYZ
Best Conceptual Artist (Solo): SHINee’s Taemin
Best Star: STAYC, THE BOYZ
Best Star (Japan): NiziU, THE RAMPAGE from EXILE TRIBE
Best Touring Artist: TREASURE
Best Virtual Artist: PLAVE
Best Hip-Hop: TREASURE
Best Rock Ballad: DAY6’s Young K
Best Trot: Young Tak
Hot Trend: ATBO, Creepy Nuts
Hot Icon: Billlie, FANTASY BOYS
Fan Choice Artist: Lim Young Woong
Fan Choice Rookie: Jeong Dong Won (JD1)
Read: MAMA 2023: BTS members, SEVENTEEN, Stray Kids, New Jeans, IVE lead nominees