Tinuldukan na ng rock band na Orange & Lemons at Kapamilya actress na si Francine Diaz ang kanilang hindi pagkakaunawaan.
“All is well,” post ng banda sa Facebook account nito kaugnay ng isyu ngayong Sabado ng hapon, May 4, 2024.
Kaugnay ito ng isyung nangyari sa Governor and Vice Governor's Night sa San Jose, Occidental Mindoro, noong nakaraang Martes, April 30, 2024, kunsaan parehong invited performers ang banda at si Francine.
Read: Francine Diaz, sumingit sa performance ng Orange & Lemons?
Subalit nabahiran ng kontrobersiya ang event nang magkasabay sa entablado ang banda at ang aktres para mag-perform.
Nagdulot ito ng patutsadahan o parinigan di lang sa entablado kundi pati na sa social media. Nakunan ng video ang pangyayari at mabilis na nag-viral.
Nagkasagutan ang kani-kanilang fans. Lumaki ang hidwaan ng kampo ng banda at ng aktres.
Read: Is Francine Diaz alluding to Orange & Lemons in “respect” post?
WHAT WENT WRONG
Nabigyan ng linaw ang pangyayari nang ma-interview ng ABS-CBN News ang mga parties involved sa report nitong Sabado, May 4, 2024.
Nakapanayam ni ABS-CBN entertainment reporter MJ Felipe ang Orange & Lemons vocalist na si Clem Castro, si Francine, pati na rin ang organizer ng event.
Kinumpirma sa report na nagkaroon nga ng two-hour delay ang programa.
Si Francine ang huling magtatanghal sa show bandang ika-9:00 pm-10:00 pm.
Mauuna dapat mag-perform ang Orange & Lemons.
Pero nakiusap ang manager ni Francine na paunahin na siya dahil isang kanta lang naman ang kanyang gagawin.
Binigyan naman sila ng go-signal ng event organizers.
Subalit hindi naabisuhan ang banda sa pagbabagong ito. Nagkaroon ng miscommunication.
Ang sumunod na eksena sa entablado ay nakunan at nag-viral.
ORANGE & LEMONS VOCALIST SPEAKS UP
Sinabi ng band vocalist na si Clem Castro na nagulat na lamang sila kinabukasan nang pinagpiyestehan online ang insidente.
“Gusto kong mag-damage control on the matter, because it’s getting out of hand. It was so fast. Social media was so fast,” anang singer sa ABS-CBN interview.
“We started to see a lot of hate messages, or mention.”
Sinabi ni Clem na nakaramdam sila ng frustration at naging stressful ang mga natatanggap nilang messages.
Nakiusap si Clem na magkaroon ng pulong kasama ang event organizers at kampo ni Francine. Subalit nakalipad na pabalik ng Maynila ang aktres.
Sabi ng vocalist, hindi nakatulong sa insidente ang pagkalat ng videos at mga social media posts na tinawag niyang “mere speculations.”
Hindi raw nakatulong ang mga posts na ito para mailatag nang maayos kung ano ang totoong nangyari.
“Kami lang lahat nakakaalam and we discussed it internally,” ani Clem ukol sa naganap na meeting.
Sabi ni Clem, "We never released any official statement because we didn't want to fuel the fire.
“We don't want more assumptions, more judgments from the masses, music supporters, or fans. We don't want to give more confusions."
ORANGE & LEMONS AND FRANCINE DIAZ KISS AND MAKE UP
Nagkaroon ng dinner meeting ang banda kasama ang kampo ni Francine at event organizers nitong Biyernes, May 3, 20234.
Pag-amin ng vocalist: “There was tension.”
Simula pa lang daw ng meeting, humingi na ng paumanhin si Clem kay Francine.
“There was a lapse of judgment on my part because of that miscommunication that Francine’s camp was requesting.”
Lahat daw ay pagod na at pressured noong gabing iyon. Two hours delayed daw ang show at magulo sa backstage.
“Things got out of hand and out of control,” ani Clem.
"I apologized for my behaviour, I explained my side. They explained their side. And we found the root cause of the problem — it’s miscommunication,” sabi ng vocalist.
Sa panig naman ni Francine, ipinaliwanag niyang walang ibinigay na briefing sa kanila backstage kung paano ang magiging takbo ng programa.
Sumang-ayon siya kay Clem na nagkaroon ng miscommunication.
Tiniyak din ni Francine na nagkaayos na sila ng band vocalist.
Sabi ni Francine: "Pero nag-sorry din po ako kay Sir Clem, kasi at that time, I wasn't thinking properly.
"Wala ako sa right state of mind… I should've acknowledged them. But because of intimidation, hindi ko po alam yung gagawin ko."
Dagdag ng Kapamilya actress: “Hindi ko po intention na mag-disrespect”
Nagkasundo pa nga raw sina Clem at Francine sa possible collaboration in the future.