Magkatambal sa pelikulang Chances Are, You and I ang Kapusong si Kelvin Miranda at ang Kapamilyang si Kira Balinger.
Ano ang pakiramdam ngayong puwede nang magkapareha o magkatrabaho ang mga artistang nasa magkabilang TV stations?
“Very ano po, refreshing siya,” bulalas ni Kelvin.
“Kasi alam naman po natin before, mataas yung network war, di ba, pero ngayon nagkakaroon na ng pagkakataon na mag-collab, magkatrabaho yung artista sa kabila saka yung artista sa kabila, yung mga ganito, ganun.
“Sa akin po kasi nung nangyari yun, parang iba yung pakiramdam dahil, ‘Ano kaya yung nakasanayan niya dun sa kabila?’
“At nakasanayan ko dito sa bahay namin, na pupuwede naming pagtulungan para mapaganda yung pelikula."
KELVIN MIRANDA ON WORKING WITH STARS FROM DIFFERENT NETWORKS: "REFRESHING"
Nagkakaroon din daw ng ideya tungkol sa work style ng mga networks.
Sa pagpapatuloy ng 25-year-old actor, “Which is kaya siya refreshing kasi may mga, alam niyo yun, the way makitungo sa tao, the way magtrabaho.
“Makikita natin dun yung ano, e, dun ko masasabing refreshing siya, kasi ang dami halos lahat nakatrabaho sa kabila, pero wala namang masamang nangyayari, pero naging refreshing siya.
“Kasi, ‘Ah ganito pala siya magtrabaho’, ‘Ah ganito pala sila, ganito sila, kasi ganito yung nakasanayan nila.’
“Ganun ko siya nakikita, e, hindi ko ma-explain nang husto, pero refreshing talaga."
Nang gawin nila ang pelikula ay hindi pa nangyayari ang mga collaboration projects sa pagitan ng GMA-7 at ABS-CBN. Kaya in a way, sugal din ito sa part ng producers.
Dagdag ni Kelvin, “Kasi alam mo yun, una, ang question is magwo-work ba? Kakagatin kaya ng masa? Or marami bang maiinis or magagalit?
"Ang dami, ang daming tanong pero base dun sa naging resulta nung nagawa namin, is palagay ko naman magugustuhan niyo yung pelikula."
KIRA BALINGER: "I’ve never believed in the network wars."
Sumang-ayon naman si Kira sa mga sinabi ni Kelvin.
Aniya “I share the same sentiments as Kelvin, na sobrang refreshing to work with somebody na you’ve never… that you’ve never like heard of before.
“Kasi siyempre within one network, siyempre, magkakaroon ng chika-chika iyan, di ba, ‘Uy, naka-work ko si ganito, ganyan siya,’ di ba?
“Pero now, again it’s very refreshing to get to work with someone and to get to know them on a level na wala ka talagang alam tungkol sa kanila, like nobody has set an impression for you in your head, kumbaga.
“So iyon, very refreshing at nakakatuwa to work with somebody from the other side, na sobrang dedicated din sa trabaho, na maayos din magtrabaho.
“Kasi siyempre I’ve never believed in the network wars, kasi I mean para po sa akin, we’re all in the same industry for one goal, to give entertainment to people.
“So I never understood why there was a war in the first place, so iyon po, nakakatuwa, refreshing.”
Kaya masaya si Kira na natapos na ang network war?
“Yes, I am po,” pakli ng magandang aktres.
Sa direksyon ni Catherine "CC" O. Camarillo at sa produksiyon ng Pocket Media Productions, Inc. at Happy infinite Productions at released at distributed ng Regal Entertainment, Inc., palabas pa rin sa mga sinehan ang Chances Are, You and I.
Tampok rin dito sina Tart Carlos, Jin Ho Bae, Anne Feo, Gian Magdangal, at Al Tantay.
Nakapanayam ng PEP.ph (Philippine Entertainment Portal) sina Kelvin at Kira noong Lunes, May 13, 2024, sa 38 Valencia Events Place sa Quezon City.