Ibayong pag-iingat ang ipinapayo sa publiko kasunod ng mga ulat ng pagnanakaw sa San Juan City ng dalawang suspek.
Isa sa dalawang suspek ay rider ng isang motorcycle taxi operator.
Ayon sa reports, inaresto ng San Juan City Police noong June 20, 2024 ang dalawang suspek matapos nakawan ang isang babae sa loob mismo ng kanyang bahay noong June 15.
Read: Promil kids all grown up: Gifted children many years later
Base sa CCTV, makikita na ang biktima ay nagparada ng kanyang kotse sa tapat ng kanilang gate, ulat ng Manila Bulletin.
Pagkatapos ay nilapitan ito ng isang lalaking naka-helmet.
Akala raw ng biktima ay tagaroon ang lalaki at pauusugin ang kanyang naka-park na kotse.
Pagpasok sa gate ng babae ay sumunod sa loob ang suspek at hinablot nito ang bag ng biktima na naglalaman umano ng PHP20,000.
Tumakbo agad ang suspek tangay ang bag at sumakay sa naghihintay nitong kasama na nakamotorsiklo.
Kita sa CCTV na nakasuot ang lalaki ng Move It uniform.
Nakipagtulungan ang motorcycle ride-hailing firm sa Philippine National Police (PNP) para matukoy kung rider nga nila ang isa sa suspek, ulat ng GMA News.
“When we received reports that an alleged Move It rider was involved in a crime, we immediately communicated with the PNP and worked to validate if the individual using a Move It uniform was one of our riders,” pahayag ni Move It General Manager Wayne Jacinto sa kanyang statement.
Idinagdag nitong natuklasan nilang nagsisilbi rin ang rider para sa isa pang motor taxi company.
Bukod sa June 15 incident, natuklasan ng PNP na ninakawan din ng dalawang suspek ang isang babae sa isa pang barangay sa San Juan Coty noong June 19.
Natukoy rin ng PNP na may previous criminal records ang mga suspek.
Read: Dad jailed for death of young son he force-fed with chilli
RIDE-HAILING APP VOWS TO COOPERATE WITH THE AUTHORITIES
Sa statement ni Jacinto, sinabi nitong sila ay “aware that there is always a possibility that unscrupulous individuals could join Move It or use our uniforms, with the end in view of concealing their intention to commit crimes.”
Tiniyak ni Jacinto na pananagutin nila ang sinuman sa kanilang riders na mapatutunayang sangkot sa anumang maling gawain.
Saad ni Jacito, “We assure the public that if Move It riders are indeed involved in any wrongdoing, we will be transparent about it, and we will utilize the technology in our app to trace the guilty parties so that they can be held accountable for their crimes.”
Dagdag niya, “We will also work to ascertain if Move It is being maliciously singled out in cases like these, as similar incidents in the past have involved suspects pretending to be Move It riders.”
Bukod sa PNP, sinabi ng Move It na handa rin silang makipagtulungan sa Land Transportation Franchising and Regulatory Board para sa karagdagang “precautions” na maaari nilang ipatulad at ng iba pang ride-hailing apps, “to keep commuters and the public safe from thieves utilizing this particular criminal methodology.”