Kinumpirma ng Intellectual Property Office of the Philippines (IPOPHL) ang pagpapatigil nito sa Dali Everyday Grocery sa pagbebenta ng ilang produkto na “confusingly similar” sa mga popular na household brands ng Nutri-Asia, Inc.
Ang mga reklamong nai-file ng Cruz Marcelo and Tenefrancia Law Firm, na siyang kinatawan ng Nutri-Asia, ay tungkol sa trademark infringement, unfair competition, and copyright infringement.
Base ito sa pagkakahawig umano ng Kulina Ketchup and Chili Sauce at Rajah Puro Vinegar and Soy Sauce sa UFC at Datu Puti products.
Ang in-house brands ng condiments, kape, frozen meat, disinfectant, softdrinks at iba pa na ibinebenta ng Dali sa grocery stores nito ay mas mura kumpara sa mga tanyag na produktong kahalintulad nito.
Sa pahayag ni IPOPHL Deputy Director General Atty. Nathaniel Arevalo sa panayam sa TeleRadyo Serbisyo, ipinaliwanag nito ang basehan ng mga reklamong isinampa ng Nutri-Asia.
Ani Arevalo, “Ang trademark infringement hindi naman kasi kailangang gayang-gaya, pero kung may pagkakahawig…na puwedeng magresulta sa confusion o kamalian o mistake ang public, puwedeng magkaroon ng trademark infringement.”
Inamin din nitong ang “Stop Sale Order” ay upang protektahan ang complainant mula sa “irreparable injury” na maaaring idulot ng patuloy na pagbebenta ng mga nasabing produkto habang dinidinig ng kanilang legal affairs office ang kaso.
Base naman sa ilang sources ng Inquirer.net, may ilan pang kahawig na kaso ang kasalukuyan ding dinidinig laban sa grocery chain, bagamat hindi kumpirmado kung anong mga produkto ito.
Sa mga larawan sa baba, makikita ang pagkakahalintulad ng pakete ng mga Dali products sa mga kilalang products sa market.
Read: Pinay and American ex-bf reconnect on Facebook after 48 years
complaint vs dali led to SHOW-CAUSE ORDER by dti
Patung-patong din ang reklamong kasalukuyang iniimbestigahan ng Department of Trade and Industry (DTI) laban sa Dali.
Sa pahayag ni DTI Assistant Secretary Amanda Nograles sa ABS CBN News.com, nag-isyu ang ahensya ng Show-Cause Order noong May 29, 2024 dahil sa iba’t ibang alegasyon na ipinahatid sa pamamagitan ng consumer rights group, na kalauna’y pinangalanan ng Inquirer.net na Malayang Konsyumer.
Ang kabuuang 13 reklamo ay nag-ugat sa ilang kaso ng mga mamimiling “pinagkamalang shoplifter at manok na siniksikan ng yelo”.
Wala pang bagong update ukol sa mga kasong ito ngunit tiniyak ng DTI ang masusing imbestigasyon sa mga “potential deceptive or unfair practices” upang higit na mapangalagaan ang kapakanan ng mga mamimili.
Read: Celebrity chef posts about encounter with "bastos" customers
DALI HAS TAKEN PH BY STORM
Ayon sa kanilang website, ang Dali ay isang “supermarket type invented in Germany”.
Dinala ito sa Pilipinas ng Hard Discount Philippines Inc. at sinusuportahan ng Asian Development Bank (ADB).
Katunayan, lumagda ng equity investment na nagkakahalaga ng $15 million ang ADB noong March 2023 para sa expansion ng Dali.
Sabi sa isang pahayag ni Suzanne Gaboury, ADB director general for private sector operations, ang kanilang suporta sa Dali ay upang palakasin ang food security at food safety sa bansa.
“Almost half of households in the Philippines are moderately or severely food insecure, and rising inflation is making it more expensive for them to purchase essential household products,” aniya.
Malaking tulong aniya ang pagbebenta ng Dali “essential products at affordable prices” sa pagsiguro ng mas competitive na consumer goods.
Itinatag ang pinakaunang branch ng Dali sa Santa Rosa, Laguna, noong February 2020 at ngayo’y mayroon na itong 630 branches na pawang nasa Luzon.
“We are only going to stay in Luzon for right now. We are probably going to hit about 900 to 950 stores this year,” pahayag ni Anja Grote Westrick, director of Strategic Supply Chain and ESG officer of Hard Discount Philippines Inc.