Streaming na sa Netflx umpisa Hulyo 19, 2024, Biyernes, ang pelikulang Moro nina Piolo Pascual, Baron Geisler, at Laurice Guillen, sa direksiyon ni Brillante Mendoza.
Read: Piolo Pascual tags himself "Most Promising Old Actor" for saying "yes" to all offers
“I’m so overwhelmed!” bulalas ni Piolo matapos ang invitational screening ng Moro nitong Hulyo 14, Linggo ng gabi, sa Victoria Sports Tower, EDSA, Quezon City.
“You know, it’s like what Direk Laurice said. It’s her first time to work with me, so first time for me to be actually in this kind of production.
“Napakagaling ni Direk Brillante. Maraming-maraming salamat, Direk! It was such a privilege to be in a film na masasabi mo, it speaks about a universal language which is love.
“Yun lang yung maipagmamalaki ng pelikulang ito, na napakasarap maging parte ng ganitong klaseng proyekto. Maraming salamat, Direk!”
Nasa cast din ng Moro sina Christopher de Leon, Joel Torre, Beauty Gonzalez, Nikki Valdez, Ina Feleo, Alvin Anson, Dido de la Paz, at Rolando Inocencio.
MESSAGE OF MORO
Mag-i-streaming sa Asia-Pacific region ang Moro. Ano ang mensaheng ibig iparating ng pelikula?
“Ang sa akin po kasi, it’s a social commentary. I mean, I was… grabe yung in your face na approach ni Direk Brillante para makita natin yung effect na it’s kind of microscopic in a sense,” tugon ni Piolo.
“Kasi hindi na tayo kailangang lumaki para makita natin yung sakit na pinagdadaanan ng tao.
“So, sa akin, yun yung gem nung pelikula, para makita mo talaga yung struggle ng isang nanay sa ipinaglalaban ng dalawang anak.
“Napaka-clear naman nun. So, yun yung dinepict ni Direk. Yun ang take home para sa akin, na parang kailangan mong ma-realize yung pain na pinagdadaanan ng tao, be it a film or a docu.
“Napakasakit. So, para panoorin mo ang isang pelikulang ganito, kailangan mong mag-invest ng emotion.
“Kasi, atin ito, e. Pelikula natin ito bilang Pilipino. So, anlaki ng investment.
“Hindi ko alam kung paano siya ibebenta abroad. Pero para sa akin, ito yung dine-depict ng real emotions ng isang magulang para sa mga anak niya.”
Ang setting ng kuwento ay Maguindanao.
Magkapatid sina Jasim (karakter ni Piolo) at Abdel (karakter ni Piolo). May hidwaan sila sa kaugnay sa kanilang lupa.
May masamang pangitain sa panaginip ang kanilang ina (Laurice Guillen).
Read: Piolo Pascual admits being drunk in FAMAS best actor speech
CONFRONTATION SCENE BETWEEN PIOLO AND BARON
Maraming pinagkakaabalahan si Piolo, kaya ipinaubaya niya ang mas malaking papel kay Baron. Napaka-intense ng kanilang confrontation scene.
“Paano namin hindi na-outshine yung isa’t isa? Baron and I grew up… I mean, we’ve been friends since we were in our teens, I should say,” lahad ni Piolo.
“Or teenager ka, hindi na ako teenager nun. Ha! Ha! Ha! Ha! We have the same respect for the…
“I mean, ang takot ko lang kay Baron, baka ilublob niya ako sa ilog tapos hindi ako makahinga.
“Baron is very committed. He’s a commited actor. When we do something, we do it wholeheartedly. We don’t leave anything behind.
“So I have so much respect for this guy. Pag ginawa niya ang isang bagay, gagawin niya more than you ask for.”
May regrets ba siya na nag-switch sila ni Baron ng role?
Napakunot-noo si Piolo, “Bakit? You know what, watching this film is like… pag team player ka, pag kasama ka sa pelikula, no matter how small or big your role is, ang sarap nung pakiramdam na kasama ka sa isang mensahe.
“Mensahe. Yung pelikula is a message to our audience. So regardless if your role is small or big, just to depict a certain character for people to relate with, it’s important.
“Wala talaga sa laki at liit ng role yon.”
Read: Piolo Pascual, na-challenge sa triple-character role niya sa Mallari
REALIZATIONS AFTER DOING MORO
Ano ang natanto niya sa paggawa ng pelikulang Moro?
Humugot ng malalim na buntong-hininga si Piolo, “It speaks about a certain universe which is unity. As what I’ve said from the beginning, it’s microscopic.
“Hindi naman ito about religion or culture. But it’s about love, it’s about love for the family, it’s about a mother’s love.
“And it’s all that matters for us to stay united, no matter the differences, culture or religion or whatever.
“Yun lang ang pinakanirespeto ko kay Direk Brillante. Na ipinakita niya kung ano ang ginagawa, kung ano yung cause and effect ng pagmamahal.
“At yung conflict ng religion at war. So it’s a reminder. Yun lang yung take away ko sa pelikula.
“For us to be aware of the consequences that we have to take because of our choices in life.”
IS PIOLO CHOOSY ABOUT HIS ROLES?
Malaman ang karakter na ginampanan ni Piolo sa recent movies niyang Mallari at GomBurZa na parehong kalahok sa 49th MMFF, at umariba nang mag-streaming sa Netflix.
Sadya bang choosy na si Piolo sa pagpili ng role o movie project?
Read: Mallari ni Piolo Pascual, No. 1 Movie sa Netflix
“I wish I could say that. You know, in all honesty, I’m so blessed, I’m so privileged to be working with people like Direk Brillante, Direk Laurice, Baron for that matter, Mallari, GomBurZa,” pagmamatuwid ng Ultimate Heartthrob.
“I wish I could say pinili ko talaga siya pero luma-landing lang po talaga sa lap natin yung mga ganitong proyekto.
“I’m just really humbled by the opportunities that come my way. And at this point, I’m a sucker for good stories. I would always say that.
“I love good stories. If there’s something that I’d like to take on, I’d find a way para magawa yung isang istorya.
“Because I love watching films. I’m a film lover. And I have so much respect for cinema.
“So being part of this film, wow, it’s such a blessing. Hindi ako namimili ng proyekto basta maganda.”