Mainit na pinag-uusapan ngayon sa social media ang pagpapatayo umano ng isang LGBTQIA member sa isang waiter na tumawag sa kanya ng "Sir" sa isang restaurant sa Cebu.
Sa sobrang init ng isyu, kaliwa’t kanan ang videos at posts ng celebrities and influencers na members ng LGBTQIA community para ihayag ang kanilang opinyon at saloobin ukol dito.
Nagsimula ang isyu nang i-post ng isang netizen, si John Calderon, ang nasaksihan niyang pangyayari sa isang restaurant sa mall sa Cebu noong gabi ng July 21, 2024.
Halos dalawang oras daw nakatayo ang resto staff member habang pinagsasabihan ng isang nakaupong customer sa table. Ang customer ay miyembro ng LGBTQIA community.
Dahil naawa raw ang netizen sa eksena, namagitan siya at tinanong kung ano ang nangyari.
Dito niya nalamang pinagsabihan ng halos dalawang oras ang waiter dahil tinawag nitong “Sir” ang customer na LGBTQIA member.
cebu personality IDENTIFIED AS THE CUSTOMER
Di nagtagal, na-identify ang customer—si Jude Bacalso, isang former TV personality, at writer at host sa Cebu.
Nag-post din si Bacalso ukol sa aniya'y “misgendering” issue matapos siyang tawaging “Sir” ng waiter.
Sa buod ng kanyang post, nilinaw nitong hindi niya pinatayo at pinagalitan ang waiter.
Tumayo raw ang waiter sa kanyang harap habang hinihintay nila ang desisyon ng resto management ukol sa isyu.
Kinuha rin daw niya ang pagkakataon para mapangaralan ang waiter ukol sa gender issue.
Humingi rin daw ng paumahin ang restaurant owner sa kanya dahil sa pangyayari. Kilala raw ni Bacalso ang owner na isa ring trans woman.
Pinuna rin ni Bacalso ang tungkol sa “hatemongering post,” patukoy sa FB post ng netizen na si John Calderon dahilan para maging napakainit na isyu.
Read: Baby survives after two days alone in a ditch
Naglabas ng official statement ang restaurant, ang Ulli’s Streets of Asia, at humingi ng paumanhin kay Bacalso. Kukunin daw nila ang pagkakataon para ma-educate ang kanilang staff.
Sa kabila ng pangyayari, hindi nakaligtas mula sa batikos si Bacalso.
Karamihan sa mga nagbigay ng opinyon, partikular ang LGBTQIA members, ay nakaranas ng misgendering pero hindi umano umabot sa pagpapatayo ng waiter ng dalawang oras.
Kabilang sa nag-react ay ang showbiz personalities na sina Ogie Diaz, Iya Minah, at Lars Pacheco. Nanawagan sila sa kanilang mga kabaro na dapat maging maunawain, huwag personalin, at maging patient para ipaunawa sa iba ang tungkol sa gender appropriation.
Read: Princess of Dubai divorces husband via Instagram post
BACALSO ISSUES APOLOGY
Lunes ng gabi, July 22, 2024, naglabas ng public apology si Bacalso kaugnay ng isyu.
Dito niya isiniwalat na nakipag-ayos siya sa restaurant management, pero hindi nakadalo sa pulong ang involved na waiter.
Bahagi ng kanyang post: “Earlier today, I sat down to quietly settle the matter with the restaurant management, one crew and the store supervisor who were present last night.
“The waiter I had a disagreement with was not present. After each one of us aired our sides, I am happy to share that we have agreed to pursue together more inclusive practices in the restaurant.”
Inamin din ni Bacalso sa kanyang post na nagkaroon siya ng pagkukulang at humingi siya ng sorry ukol dito.
“I also realized that in the impassioned pursuit of my advocacy, I could have done with a little measure of kindness, sadly quite absent in the ruckus this has all unnecessarily created when it was made public without our knowledge.
“I made a personal apology to the group present, and requested if I may do so for the concerned waiter. I am also making it very public with this post, as it has become quite public fodder.
“My apologies also to the rest of the staff who are disheartened by the way things have escalated, as well as to the customers present at that time. This is a huge chunk of humble pie that I must ingest, because I have erred.
“May we start here with, as the supervisor pointed out, an uphill path to reconciliation and we hope you will be able to allow us and yourselves to do so unhampered so we may all learn and heal from this.”
