Pinuri ni Alden Richards, 32, na posiitibo ang mga pagbabagong nakikita niya ngayon sa Hello, Love, Again leading lady na si Kathryn Bernardo, 28.
Ayon sa Kapuso actor, nag-mature si Kathryn at masaya siya na bahagi siya sa magagandang pagbabago na nangyayari sa kapareha.
Nakapanayam ng PEP.ph (Philippine Entertainment Portal) si Alden sa 40th Star Awards For Movies, na ginanap sa Henry Lee Irwin Theater sa Ateneo de Manila University noong July 21, 2024.
"She's more mature now. She's very much excited to try new things kaya nakakatuwa na sa proseso na yun magkasama kami, of course, while doing this film."
Lumipad papuntang Canada si Alden kagabi, July 27, 2024. Nauna nang dumating doon si Kathryn.
Sa Canada gaganapin ang shooting ng Hello, Love, Again, kung saan nagtatrabaho ang karakter ni Kathryn bilang Joy.
Ayon kay Alden, excited siya sa sequel na ito ng Hello, Love, Goodbye, na kumita ng PHP880 worldwide gross noong 2019.
Ito ang highest grossing Filipino film bago ito napalitan ng 2023 Metro Manila Film Festival entry na Rewind.
"Very excited and looking forward kasi it's been five years since yun ang chance namin para makapag-work uli to retell the story of yung sequel na Hello, Love, Goodbye.
"Nagtatapos lang ako ng few taping days with Pulang Araw para makalipad. Then pagdating dun dire-diretso yun kasama yung Sparkle World Tour na concert."
Read: WHAT PEP KNOWS: Kathryn Bernardo wooed by Alden Richards, Jericho Rosales, Donny Pangilinan?
ALDEN RICHARDS ON MOVIE ACTOR OF THE YEAR AWARD
Tinanghal si Alden bilang Movie Actor Of The Year para sa pelikulang Five Breakups and a Romance.
Ka-tie niya si Dingdong Dantes para sa pelikulang Rewind.
Labis ang pasasalamat ni Alden sa karangalang naipagkaloob sa kanya ng PMPC.
"Very honored na makasama ko si Kuya Dong dito, at the same time thankful ako sa recognition for Five Breakups and a Romance."
Kinabahan ba siya sa mga kapwa-nominado niya?
"Oo naman, di kasi basta-basta ang mga nominees dito sa Movie Actor of The Year.
"Nagpapasalamat ako for this award and, of course, for the members of PMPC."
Read: WHAT PEP KNOWS: Is Dominic Roque courting Kathryn Bernardo?