Pumanaw ang tinaguriang "Asia's Ambassador of Songs" na si Carmen Pateña nitong Miyerkules, Hulyo 1, 2024.
Siya ay 83.
Read: Remy Monteverde, husband of Mother Lily, dies at 86
Ang kapatid ni Carmen na si David Pateña ang nagkumpirma ng malungkot na balita tungkol sa pagkamatay ng mang-aawit na namayagpag ang singing career noong dekada '60 at '70.
Ibinahagi ni David ang impormasyon sa pamamagitan ng isang Facebook post.
Nakasaad dito: “My sister Carmen Pateña has joined her creator last night. She is 84 years old.
"On her time she is Asia's Ambassador of Songs here and abroad as a performer.
“Ate we will miss you. Every morning, we prayed and sang The Lords Prayer.
"We love you Ate Carmen... you are now in the arms of our Lord Jesus Christ with Nanay & Tatay.
"May you rest in eternal peace."
Cremated na ang mga labi ni Carmen. Nakaburol ito sa J. Paredes Memorial Chapel, Capt. Sayas St., corner M.H. Del Pilar St., Barangay San Vicente 1, Silang, Cavite.
GOLDEN DIVAS
Isa sa mga nakiramay sa pagpanaw ni Carmen ay ang kanyang tukayo at kapwa mang-aawit na si Carmen Soriano.
“May you rest in peace and may our Lord bless and keep you,” mensahe ng pakikiramay ni Carmen Soriano.
Read: GMA-7 names "independent contractors" in Sandro Muhlach incident
Madalas napapanood non si Carmen Pateña sa Seeing Stars with Joe Quirino, ang popular musical-variety show ni Joe Quirino sa IBC 13 noong dekada ’70.
Ang Golden Divas ang isa sa mga pambihirang pagkakataong nagtanghal si Carmen sa isang concert matapos ang matagal na panahon na hindi siya aktibo sa entertainment industry.
Sina Pilita Corrales at Carmen Soriano ang mga kasama ni Carmen Pateña sa Golden Divas na itinanghal sa Music Museum, Greenhills, San Juan City, noong 2008.
