Nagbabala ang kampo ni Angelica Poquiz Yulo laban sa mga nagpapakalat ng pekeng posts na na ina-attribute sa ina ng two-time Paris Olympics gold medalist na si Carlos Yulo.
Sa pamamagitan ng kanyang legal counsel na si Atty. Raymond Fortun, naglabas ng opisyal na pahayag si Angelica sa gitna ng mga kumakalat na mga pahayag na nanggaling umano sa kanya at sa mga anak niya na sumisira at bumabahid sa tagumpay ni Carlos.
Read: Nanay ni Carlos Yulo, biktima ng fake Facebook accounts
Saad sa statement na ibinahagi ni Fortun sa kanyang personal Facebook account ngayong Lunes ng gabi, Agosto 5, 2024: "The public is hereby informed that ALL statements made attributed to Mrs. Yulo and/or any of her children that are critical of, disparaging or tend to tarnish the accomplishments of her son, CARLOS EDRIEL YULO are untrue, fake, and mere products of imagination and fantasy by heretofore unknown individuals."
ANGELICA YULO TO SEEK HELP FROM NBI
Kaugnay nito, ayon sa abogado, hihingi ng tulong si Angelica sa National Bureau of Investigation (NBI) upang matukoy ang mga indibidwal na nagpapakalat ng maling impormasyon.
Maghahain din daw sila ng kaukulang reklamo laban sa mga ito dahil sa paglabag sa anti-cybercrime law.
Ipinaaala rin ng kampo ni Angelica na ang sinumang nagbabahagi ng mga pekeng post na ito, maging ang masasakit na komento, ay maaaring kasuhan sa bisa ng anti-cybercrime law. Kaya iminumungkahi nilang burahin ang mga ito.
Saad sa statement: "Mrs Yulo will be seeking the help of the National Bureau of Investigation in identifying these individuals, and will be filing the appropriate charges against them for Violation of RA 10175 (Anti-Cybercrime Law).
"The public is hereby reminded that the sharing of these fake posts, as well as harsh and libelous comments made in said posts, are also actionable under the Anti-Cybercrime Law.
"It is advisable that the public DELETE their comments to avoid prosecution."
Binanggit din sa pahayag na nagbigay ng dalawang panayam ang ina ni Carlos sa mainstream media, pero tanging ang mga komento lamang daw niya tungkol sa relasyon ng kanyang anak sa girlfriend nitong si Chloe San Jose ang lumabas.
"Mrs. Yulo had indeed given two (2) interviews to mainstream media. It is regrettable, albeit expected, that only her comments regarding his relationship with Ms. San Jose were uploaded," saad ni Fortun.
Read: Chloe San Jose reacts to statement of Carlos Yulo's mother about her
ANGELICA ON CARLOS'S OLYMPIC VICTORY
Tiniyak din ng abogado na kaisa si Angelica at ang pamilya nito sa pagbubunyi ng bansa sa natamong tagumpay ni Carlos sa Paris Olympics.
May mensahe rin daw ang ina ni Carlos para sa two-time Olympic gold medalist.
"Finally, Mrs. Yulo and her family wish to assure the public that they share in the jubilation of the entire nation in the achievements of CARLOS EDRIEL and look forward to welcoming him home.
"I hereby quote her own words: 'GOOD FOR HIM KASI ETO NA UNG PINAPANGARAP NYA AT ETO NA UNG PINAKAHIHINTAY NYA AT NAG PAID OFF LAHAT NG PAGHIHIRAP NYA."
Read: Olympic gold medalist Carlos Yulo, may hidwaan sa kanyang sariling ina?
Narrito ang kabuuan ng pahayag ng kampo ni Angelica Yulo:
