Inamin ni LA Santos na hanggang ngayon ay nanliligaw pa rin siya kay Kira Balinger.
"Ayun, crush pa rin naman. Alam niya naman yun, ilang beses ko nang sinabi sa kanya," nakangiting pahayag ni LA nang kamustahin ang lagay nila ni Kira.
"Pero ang na-appreciate ko kay Kira is sobrang driven niyang artist at sobrang passionate talaga siya sa trabaho natin.
"Kasi hindi naman talaga madali yung work na ‘to kaya kahit yung mga simpleng bagay na may kaibigan ka lang sa industry or simpleng may nakakausap ka lang is malaking tulong na."
Read: LA Santos's own autism made him feel close to his In Her Mother's Eyes role
Nakausap ng PEP.ph (Philippine Entertainment Portal) si LA sa roundtable interview na ginanap sa Ibis Hotel sa Cubao, Quezon City, noong August 8, 2024.
Ito ay pagkatapos ianunsiyo sa Sinag Maynila Film Festival 2024 media launch na pasok sa full-feature film entries ang Maple Leaf Dreams, ang pelikulang pinagbibidahan nila ni Kira.
Almost 15 days silang nag-shoot sa Canada. Sinamantala ba niya ang panahong iyon para manligaw kay Kira?
Sagot ni LA, "Kahit dito naman sa Pinas [sinamantala] ko na.
"Kaya happy naman kami pareho, tsaka lagi lang akong nandiyan para sa kanya.”
Nakapag-bonding daw sila nang husto sa Canada.
"Noong nasa Canada kami nagsu-shoot, parang pag may time kami or rest day, naggagala naman kami ni Kira dun na parang yun na lang yung pampa-happy namin sa shoot na yun.
"Very memorable naman sa akin kasi parang working vacation.
"Hindi ko naman sasabihing bakasyon siya kasi mahirap yung ginawa namin, pero yung ma-experience lang yung Canada na kasama siya, sobrang ganda."
Read: Bea Alonzo: A leading lady in her lush oasis
ON PERSONAL CONVERSATIONS WITH KIRA BALINGER
Marami rin daw silang napag-usapan tungkol sa kani-kanilang buhay.
Ayon kay LA, “Yung pinaka na-discover ko kay Kira is yung grabe yung bubog niya na pinagdaanan niya sa personal life niya.
"Tsaka grabe yung naging experiences niya rin hindi lang sa personal, pati na rin sa showbiz.
"Yun yung na-appreciate ko sa kanya na kahit sobrang dami nung bubog niya, nadadala niya pa rin yung sarili niya and nagagamit niya yung bubog na yun sa mga performances niya kaya ang galing niya talaga."
Pinapayuhan ba niya si Kira?
"Hindi naman, ako naman po kasi is mas nakikinig lang. Nandiyan lang ako para sa kanya—to listen to her," sagot ng binata.
Kahit mga personal na bagay ay napag-uusapan daw nila bilang magkaibigan.
"Well, normal lang naman siguro yun sa friendship yung magse-share ng mga personal na pinagdadaanan. Tsaka yung mga bubog.
"Kaya po yung the best na nagawa ko para sa kanya is nandiyan lang talaga."
Pareho raw silang single ni Kira.
Madalas pa rin daw silang mag-bonding kahit dito sa Pilipinas. Pero walang sinasabi si LA kung tingin niya ay may pag-asang maging sila.
Bakit kaya sila nagki-click?
Sagot ni LA, "Siguro dahil crush ko siya kaya nagki-click.
"Kaya sobrang nag-click kami sa movie na ‘to and kaya nag-work kasi si Kira very willing to adjust for her partner and she’s very willing to learn new things para sa growth."
Bago ang Maple Leaf Dreams, nakatrabaho ni LA si Kira sa Kapamilya primetime series na Ang Sa'yo Ay Akin at Darna.
Pero dito sa pelikula sila unang nagkatambal.
Ang Maple Leaf Dreams ay idinirek ni Benedict Mique, na siya ring direktor ng Netflix movie na Lolo And The Kid.
Read: LA Santos's own autism made him feel close to his In Her Mother's Eyes role
SINAG MAYNILA FILM FESTIVAL 2024
Ang Sinag Maynila Film Festival ay pinamumunuan ng Solar Pictures ni Wilson Tieng at Center Stage Productions ni Brillante Mendoza.
Si Brillante rin ang director ng film festival na gaganapin mula September 4-8 sa Gateway Cineplex.
Narito ang iba pang full-length film entries sa Sinag Maynila Film Festival 2024:
- “Maple Leaf Dreams” by Benedict Mique starring Kira Balinger and LA Santos
- “What You Did” by Joan Lopez-Flores starring Tony Labrusca, Mary Joy Apostol, Epy Quizon, Mercedes Cabral, and Ana Abad Santos
- “Banjo” by Bryan Wong starring Bryan Wong
- “Her Locket” by JE Tiglao starring Rebecca Chuaunsu
- “Salome” by Gutirrez ‘Teng’ Mangansakan starring Perry Dizon and Tommy Alejandrino
- “The Gospel of the Beast” by Sheron Dayoc starring Janssen Magpusao and Ronnie Lazaro
- “Talahib” by Alvin Yapan starring Joem Bascon, Gillian Vicencio and Kristoff Garcia
Ang mga entries para sa documentary category:
- “Ghosts of Kalantiaw” by Chuck Escasa
- “Ino” by Ranniel Semana
- “Natatanging Palayok” by Ein Gil Randall S. Camuñas
- “Pag-Ibig Ang Mananaig” by Jenina Denise A. Domingo
- “Panatag” by Allan Lazaro
- “Untitled/Unfinished” by Matthew Victor Pastor
- “Way of the Balisong” by Paul Factora
Ang mga entries para sa short films:
- “14 Days” by Nars Santos
- “Ang Maniniyot ni Papa Jisos” by Franky Arrocena
- “As the Moth Flies” ny Gayle Oblea
- “Bisan Abo Wala Bilin” by Kyd Torato
- “Kiyaw” by Jericho Jeriel
- “Ilo” by Serafin Emmanuel P. Catangay
- “Mananguete” bybMery Grace Rama-Mission
- “Ina Bulan” by Melver Ritz L. Gomez
- “Sa Paglupad Ka Banong” by Elvert Bañares
- “Suka & Toyo Can Make Adobo” bu Jude Matanguihan