Inanunsiyo ng aktor na si Andrew Schimmer na buntis na ang kanyang partner na si Dimps Schimmer.
Sa pamamagitan ng Facebook kahapon, August 11, 2024, ibinahagi ni Andrew ang larawan ng isang pregnancy test kit kung saan naglalaman ito ng positibong resulta.
Ibig sabihin, nagdadalantao na ang kanyang partner.
Caption ng aktor, "my God, totoo nato
"thank you lord
"grabeng blessing po nito,
"we're all superrrr happy! woohooo!
"bebe boy lezzgaw!"
Sa hiwalay na post, ibinahagi rin ni Dimps ang tatlong pregnancy test kits na ginamit upang niya makumpirma ang kanyang pagdadalantao.
Ipinakita niya ito sa kanyang ina.
Sabi ni Dimps sa caption, "Mommy ayan na... ang hiling mo.... matutupad na"
Read: Andrew Schimmer remembers late partner on Mother’s Day
ANDREW SCHIMMER, PARTNER LOVELIFE
December 22, 2023, ipinaalam ni Andrew sa publiko na may bago na siyang karelasyon.
Ito ay halos eksaktong isang taon matapos pumanaw ang dating partner ng aktor na si Jho Rovero.
Pumanaw si Jho dahil sa iba’t ibang kumplikasyon noong December 20, 2022.
Read: Andrew Schimmer’s partner Jho Rovero dies
Sa kanyang Facebook account ginawa ni Andrew ang girlfriend reveal.
Ayon sa aktor, ang bagong karelasyon niya umano ang bumuo muli sa kanyang katauhan.
Hinaplos at inalis daw nito ang lahat ng sakit na kanyang naramdaman at dahilan upang muli niyang mahalin ang mundo.
Saad ni Andrew, "I never thought this day would come...
“You restored me... Slowly put me back together.
“You took away all the pain...and gave me something,
“That made me love the world again.”
Ayon pa kay Andrew, nasa gitna siya ng unos bago dumating sa buhay ang babaeng kasama niya sa litrato.
At mula noon, nanumbalik daw muli ang kanyang sigla at muling nagliwanag ang kanyang mundo.
Aniya, “I was in total chaos and darkness before you found me...
“You brought back the strength in my heart,
“And lightened up my darkness from within...”
Alam din daw ni Andrew na baka sa tingin ng iba ay masyadong mabilis ang lahat ng pangyayari.
Pero ipinangako niyang si Dimps ang gusto niyang makasama habambuhay.
Pagtatapos niya, “I know for some people this is too rush,
“But if you will allow me...
“I want to spend the rest of my life with you...
“Loving you and taking care of you and our children is now my next mission in life.
“You gave me something really really great... 'HOPE.'"
Read: Andrew Schimmer reveals new girlfriend one year after partner’s death
May mga anak na si Andrew sa pumanaw na si Jho, gayundin si Dimps sa dating karelasyon.