Kaarawan nina Mercedes Cabral at Jeric Gonzales noong Agosto 10, 2024, Sabado, nang ganapin ang storycon ng pelikulang Fatherland sa Manila Hotel.
Pareho silang kasama sa cast ng pelikula, at dumalo sila roon. Kapwa sila binigyan ng birthday cake, at sabay na kinantahan.
Ano ang birthday wish ni Mercedes?
Read: Cherry Pie Picache, "tinakot" si Mercedes Cabral
Napabuntong-hininga ang aktres, “Birthday wish, wow! Siguro ano lang, sa akin, I hope to get like… siguro proper time of sleep. Enough sleep.
“Kasi feeling ko, iyon yung ano, e, nakakaapekto din talaga ng buong araw ko, e.
“And now, like I… I’m trying to be more on ano, e, parang hindi siya wish talaga, e.
“Pero more on parang promise sa sarili ko na I’m gonna take care of myself more. And kailangan kong mag-start na talagang pangalagaan yung health ko rin.
“So, yun lang, like I want to be stronger, you know, like, more fit.
"So siguro yun, and then birthday wish ko, siguro sa dad ko especially is… sana, huwag siyang magkasakit.
“And more projects! More projects!”
Read: Mercedes Cabral sad for "division" that she sees in MMFF
MERCEDES CABRAL AS LENA IN BATANG QUIAPO
Hindi pa ba sapat na nasa Kapamilya teleserye siyang FPJ’s Batang Quiapo bilang Lena, ang mahaderang “jumper” ni Rigor (John Estrada)?
Hindi ba’t bising-busy na siya roon kaya kinukulang ng tulog? Kulang pa ba iyon?
Napakunot-noo nang bahagya si Mercedes, “Hindi naman. Parang siguro as an actor, kasi siyempre gusto namin, or gusto ko kasi yung nacha-challenge din talaga, and iba’t ibang characters din.
“So siguro, iyon yong gusto ko rin sana para… kasi, kada bagong projects, natututo din ako, e.
“And it’s like non-stop, neverending learning process talaga for me. And lahat ng nakakatrabaho ko na actors, directors — may natututunan ako na bago.
“Siguro kaya gustung-gusto ko ng marami, kasi marami akong natututunan.”
Namataan si Mercedes ng ilang nagbu-buffet sa Manila Hotel noong araw na iyon. Parang gusto raw sabunutan ng mga ito si “Lena”!
“Siguro ano yun, for me, compliment yon… Parang ano siya, e, ibig sabihin, effective yung ginagawa ko,” pagngiti ni Mercedes.
“Kasi naiinis talaga sila sa akin, di ba? Tapos alam ko naman din na siyempre, ibang-iba naman yung personality ko and pagkatao ko kay Lena rin talaga.
“So ako, OK din na nare-recognize. Like, ang tawag sa akin ng mga tao, ‘Lena’ e, hindi Mercedes Cabral.
“Yeah, may mga iba na Mercedes Cabral ang tawag sa akin, but parang karamihan, ‘Lena’ ang itinatawag sa akin.”
Read: Mercedes Cabral emotional over bashing after controversial Facebook post
MERCEDES GAINS RECOGNITION BECAUSE OF LENA
Andami nang nagawa ni Mercedes na arthouse and indie films mula noong 2009. May reputasyon siya bilang mahusay na character actress.
Pero dito lang sa pagiging “Lena” nagkaroon ng matinding “recognition” sa kanya ang mga manonood.
“Yeah, oo. Batang Quiapo yung nagbigay sa akin ng ganitong klaseng recognition,” pag-ayon ni Mercedes.
“So, ngayon ko rin nakikita na, ‘Ay! Andami ring nanonood pala talaga ng Batang Quiapo!’
“And I think, kasi nung nag-start naman ako, parang hindi pa ganun, e. And then nagulat na lang ako, biglang hala! Parang nagiging trending na.
“So ako, I really appreciate that, and I feel grateful. Kasi yung mga tao, nare-recognize yung hard work ko, and yung lahat, hindi lang naman ako.
“Pero kung hindi din dahil sa mga writers namin, sa mga directors namin, sa mga co-actors ko… tulungan siya, e! Collaborative.”
Parang may magic ang dynamics nila nina Rigor (John Estrada) at Marites (Cherry Pie Picache), na pinaigting pa ni Roda (Joel Lamangan).
Malaking tulong ang social media, partikular ang TikTok, Facebook, X at YouTube, para mas pumatok ang mga paandar at payanig nila.
“I know, yeah. Kasi before naman, when I was starting, wala pang… I mean, may social media na but not as big as of now, di ba?
“So I think it’s a factor din talaga, kaya din nagiging trending yung mga…
“Kasi sila yung mga gumagawa na ng mga memes. Sila yung gumagawa ng mga… alam mo yun, pinagtatawanan na nga lang namin yung mga gumagaya din.
“So it’s all because of them, and I think nakakatulong din iyon. Kasi nagiging curious din yung ibang mga tao.
“And iyon yung siguro reason bakit pinapanood ding lalo iyung Batang Quiapo.”
Read: Mercedes Cabral recounts hard climb to success
MERCEDES ON JOHN ESTRADA
Kumusta sila ni John Estrada? Iyong iba kasi, hindi napaghihiwalay sa kamalayan ang characters nila sa teleserye sa kung ano sila sa totoong buhay…
“Very ano naman si John, very professional din. And sa akin, iyon yung parang nakakatuwa,” pahayag ni Mercedes.
“Kasi si John, may pagkapilyo! Palabiro tapos andaming kuwento lagi. And ano, very helpful din siya.
“Like, may mga scenes na nagsa-suggest din siya parang, ‘Chedeng, mas OK kung ganito mo gawin.’ Alam mo yun, na hindi offensive sa co-actor.
“Parang… ano siya, e. Para sa ikagaganda ng eksena talaga. So, ganun yung relationship naman namin ni John.
“Like, OK naman. Kasi kuwentuhan kami in between takes. Nagbibiruan. And then iyon, pinag-uusapan namin kung paano mapaganda yung eksena.”
Ano yung gawi o lagay ni Lena na malayung-malayo sa kanya sa totoong buhay? Tipo ba siyang kakabit o magdya-jumper sa lalaking may sabit?
“Iyon, actually iyon yung challenge siguro as an actor, pag magkaiba yung morals ng character mo sa ikaw,” pagmamatuwid ni Mercedes.
“Parang ang hirap hanapan ng rason, bakit niya ginagawa ito. So bilang aktor, trabaho namin na hanapan talaga, e!
“To justify the actions of this character. So, may mga ginagawa siya na hindi ko rin gusto talaga.
“So I guess, doon ako nahihirapan. Kasi parang… for me personally, hindi ko gagawin yan!
“Paano ko rin gagawin ito? I guess, parang kailangan ko lang mas maging understanding.
“And lawakan lang yung pag-iisip ko para alam mo yun, magawa ko nang maayos and believable din yung ginagawa ni Lena talaga.
“So, as in si Lena, sinasabi ko nga lagi sa set… ‘Itong si Lena, walking red flag ito! Feeling ko, pag nakita ko ito in real life, hindi ko magiging kaibigan iyan!’”
Maliban kina Mercedes at Jeric, nasa cast ng Fatherland sina Allen Dizon, Iñigo Pascual, Cherry Pie Picache, Ara Mina, Angel Aquino, Max Eigenmann, Jim Pebanco, Richard Yap, Rico Barrera, Yasser Marta, Abed Green, Bo Bautista, at Ara Davao.
Ang direktor ay si Joel Lamangan, at ang scriptwriter ay si Roy Iglesias.
Joint venture ito ng BenTria Productions ni Engr. Benjie Austria, at Heaven’s Best Entertainment ni Harlene Bautista.