Ipinagdiwang ni Michelle Madrigal at ng second husband niyang si Kevin Neal ang kanilang isang buwang anibersaryo mula nang sila ay ikasal.
Ikinasal si Michelle kay Kevin noong July 22, 2024.
Read: Michelle Madrigal now married to American fiance in Texas
MICHELLE MADRIGAL: "Grateful for a partner..."
Sa Instagram ngayong araw, August 23, 2024 (Philippine time), ibinahagi ni Michelle ang ilang larawang kuha sa kanilang pag-iisang dibdib ni Kevin.
Ayon kay Michelle, sa isang buwan nilang pagsasama ay nadiskubre niyang mas lalong gumaan ang buhay niya dahil kay Kevin.
Marunong daw kasi itong makinig, mag-alaga, at magmahal hindi lang sa kanya kundi pati na rin sa anak niyang si Anika.
Pundasyon din ng kanilang pagmamahalan ang pareho nilang paniniwala sa Diyos.
Buong post ni Michelle, "One month of marriage with the man who makes life softer and sweeter. Grateful for a partner who listens, cares, and loves us both—my daughter and me. Together, we honor God and cherish each other, building a love that grows stronger every day. I love you handsome! @kneal5"
Komento ni Kevin sa post ng asawa, "Sharing this journey with you and Anika means everything to me. Happy 1 month, my love (heart emoji)"
Read: Michelle Madrigal opens up about reasons that led to her heartbreaking divorce
MICHELLE MADRIGAL'S PAST RELATIONSHIPS
Kinumpirma ni Michelle na siya ay single ulit noong August 2023.
Ito'y matapos ang ilang buwang haka-haka tungkol sa hiwalayan nila ng American boyfriend niyang si Kyle.
Read: Michelle Madrigal introduces new boyfriend four months after divorce
May 2023, unang umugong ang balitang hiwalay na sina Michelle at Kyle matapos mapansin ng ilang netizens na burado na sa Instagram feed ng aktres ang mga litrato at videos nilang magkasama.
Sa pamamagitan ng Instagram video noong July 31, 2023, tinuldukan ni Michelle ang haka-haka tungkol sa tunay na estado ng kanyang love life.
Sa naturang video, naglalakad si Michelle habang makikita ang mga salitang “I’m 34. Divorced. Single. Mom of 1. Healing & Happy."
Dagdag pa rito ang makahulugang caption niya: "I’m proud of her. She’s courageous, wiser & full of wisdom.
"Don’t underestimate what GOD can do to heal you. You just have to ask and surrender."
Read: Michelle Madrigal confirms she's now "single" months after rumored split with American boyfriend
At noong June 12, 2024, nagpahiwatig si Michelle na siya ay magpapakasal muli.
Sa kanyang Instagram Story noong araw na iyon, nagbahagi si Michelle ng nararamdaman tungkol sa pakikipagrelasyon.
Aniya, kahit anong gawin ng isang tao ay may masasabi pa rin ang iba.
Kaya mas nanaisin na niyang sundin ang gusto ng kanyang puso kesa pakinggan pa ang opinyon ng iba.
Dito na rin inanunsiyo ni Michelle na pakakasalan niya ang lalaking ipinadala sa kanya ng Diyos "during my waiting season."
Read: Michelle Madrigal is marrying again
Divorced na si Michelle sa unang asawang si Troy Woolfolk, kung saan meron silang isang anak na babae, si Anika.
Read: Michelle Madrigal opens up about reasons that led to her heartbreaking divorce