Aminado si Martin Nievera na may kaba siya sa kanyang pagbabalik sa Araneta Coliseum.
Makalipas ang mahabang panahon, muling magkakaroon ng major concert si Martin sa Big Dome, ang The King 4Ever, sa ilalim ng produksiyon ni Ogie Alcasid, ang ATeam PH.
Kabilang sa mga concert ni Martin sa Big Dome ay noong nagdiwang siya ng 25th at 30th anniversaries sa showbiz.
Read: Martin Nievera set to repeat Martin 3D: Tatlong Dekada Concert
"Actually every concert, may kaba ako,” bungad ni Martin nang makapanayam siya ng PEP.ph (Philippine Entertainment Portal) at iba pang miyembro ng media.
"Siyempre, hindi ko alam ang capabilities ko at that age, at that concert.
"But now, at this point in my career, 42 years [in the industry], sanay na sanay na ako sa mga theater shows, sa mga intimate na shows.
"But it doesn’t mean that I prefer that over the big ones or ginagawa ko yon dahil wala na kong chance or tiwala sa sarili ko to do a big show."
Kinumbinsi pa raw siya ni Ogie na gawin ang major concert na ito.
Saad ni Martin, "I really didn’t want to do it only because parang feeling ko, I don’t need it. I’ve proven myself already.
"You’ve given me this title na 'Concert King,' happy na ako diyan.
"But you want me to do a big, big show? Medyo nai-stress ako ngayon if I have the same tools that I had the same before."
MARTIN NIEVERA ON HIS "DIVA" DAYS
Kasagsagan ng unang bugso ng kasikatan ni Martin nang una siyang bansagang "Concert King" ng Pilipinas.
Masasabing bata pa siya noon, kaya pag-amin niya, "At that time, it can really get to your head."
Balik-tanaw ni Martin: "Talagang yumabang ako. Talagang mayabang si Martin.
"At hindi dahil sa title. I never paid attention to that title. But I really acted as some diva king before.
"Even my own family would remind me, 'You better shape up kasi you won’t be popular forever.'"
Hindi raw hinayaan ng kanyang pamilya na manatili siyang diva.
"Remember, my rise to whatever fame was very, very fast. So, takot din yung family ko na pati yung downfall ko, magiging mabilis din.
"So, they always make sure that I stay humble.
"So those bad days, those 'bad Martin' days, probably he thought he was really king."
Read: Martin Nievera on having a child with special needs: "There is nothing to be sorry for."
martin nievera ON getting over INSECURITies
Diretsong tinanong ng PEP si Martin kung may pagkakataon sa karera niyang nakaramdam siya ng insecurity sa ibang singers.
"There was a time, yes. Because I thought, I was the best singer in the world. I’m the best," pag-amin niya.
Dumaan din daw siya sa adjustment bago natanggap na may mga baguhan nang sumisikat at mas mapapaboran kesa kanya.
"Then, all these kids came along. It took me a while, especially in ASAP, wala na.
"Yung mga Broadway medley, hindi na mapupunta sa akin yon ngayon.
"Maibibigay yan sa mga Jed Madela, Darren Espanto, all of these kids," mapagkumbabang sabi ni Martin.
Patuloy niya, "Then, I went ask someone, 'Bakit hindi ako kasali riyan? Alam niyo naman na yan ang forte ko. What happened?'
"But you know what, if you really go with the stages that you go through, there’s only one thing in showbiz that is constant and true.
"And that's there’s someone who will always replace you. Someone will always be better than you. Always."
Maaga raw niyang natanggap ang reyalidad na iyon.
"Buti na lang, early in my career, early in my 42 years [in the industry].
"Because ako, nagiging fan ako ng iba. When I see Regine [Velasquez] sing, my jaw drops.
"But Regine is having challenges din. All of us are having challenges, but you still want us in the game. That’s the best part."
Kahit na marami nang baguhan at magagaling na singers, kinukuha pa rin si Martin at mga kaligang sina Regine at Gary Valenciano hindi lang dahil sa kanilang walang kupas na talento kundi dahil sa maayos nilang pakikitungo sa mga katrabaho.
"That’s blessing talaga. That’s God," saad ni Martin sa blessing na mabigyan ng staying power sa showbiz.
"The fact that I’m still here for forty-two years, and you’re still there, asking me questions, you’re still interested, that’s a miracle."
MARTIN NIEVERA'S the king 4ever CONCERT
Sa estado niya ngayon, naasiwa pa raw si Martin noong una niyang malaman na ang titulo ng kanyang latest concert ay The King 4Ever.
"And there’s only one king [God], and that’s why I was against the title. Baka akala ng mga tao feeling ‘to, king talaga ako," saad ni Martin.
Pero napapayag din siya dahil mismong ang direktor ng concert na si Paolo Valenciano ay sinabing walang masama sa title na iyon.
"Everyone loves it, especially Paolo—and that’s the son of Gary Valenciano.
"For them, they feel I’m the king that has started it all. I opened the Ultra [now known as Philippine Sports Arena]. I did shows in big venues when nobody was even daring to do it.
"Most of my shows were sold out. It always looks good, always big, big, big, so I got the title of Concert King."
Hindi naman daw niya hahayaang pumasok ito sa ulo niya, lalo na sa punto ng buhay niya ngayon.
“No, I don’t believe that I’m king. Once I believed, every day will be a struggle for me," diin ni Martin.
"To this day, I believe that what I do is for the audience. You’re my king.
"That’s why I have to perform with the same respect. You’ll never see me tease a Filipino or belittle them.
"I have to respect the audience. I have to perform for you as my king."
Sa huli, iniimbitahan ni Martin na panoorin siya sa September 27 sa Smart Araneta Coliseum.
"Help me celebrate 42 years of my career. I will bring you back to nostalgia.
"I will bring you the '80s vibes with every song I’ve sung for the last 42 years.
"Sana we have enough time for 42 years of music."
Ilan sa guests sa concert ni Martin ay sina Gary Valenciano, Regine Velasquez, Ogie, at Pops Fernandez
Dagdag ni Martin, "Even my son is flying in, Robin from Chicago with my grandson, Ram, just to be part of this great, great show."