Ikinatuwa ni Miss Universe Philippines 2023 Michelle Dee ang balitang sa wakas ay maigagawad na sa kanya ng Miss Universe Philippines (MUPH) organization ang prize money niya.
Ito ay buhat sa napagwagian niyang Voice for Change award sa ginanap na Miss Universe 2023 sa El Salvador noong November 19, 2023.
Ito ay nagkakahalaga ng US$12,000 o katumbas ng PHP660,000 sa palitang PHP55 to $1.
Ang MUPH ang nagproseso ng prize money na galing sa Miss Universe Organization.
Read: Michelle Dee strong contender in Voice for Change category of Miss Universe 2023
MICHELLE DEE: "Purpose over everything.”
Sa kanyang Instagram Story, ibinahagi ng Kapuso actress ang nakakatuwang balita mula sa MUPH.
Ini-screenshot niya ito at ibinahagi sa kanyang mga followers.
Sabi niya sa caption, "EXCITED FOR EVERYTHING THIS AWARD CAN SET INTO MOTION WITH @AUTISMPHILS !!"
Dagdag niya, "THANK YOU @THEMISSUNIVERSEPH FOR THE SUPPORT AND FOR ALSO CHAMPIONING BEHIND CREATING AN #AUTISMOKPHILIPPINES"
Sa Instagram account naman ng Miss Universe Philippines, nagkomento din si Michelle ukol sa balita.
Saad niya, "Purpose over everything.
"We’re one step closer to an #AutismOKPhilippines (heart emojis) Thank you for the support @themissuniverseph @jonasempire.ph !!"
Sa kanya naman Instagram Broadcast Channel, ibinahagi din niya sa kanyang mga fans ang announcement ng Miss Universe Philippines.
Marami namang followers ang sumaya dahil matapos siyang maglabas ng hinaing ay igagawad na nga ang kanyang prize money.
Read: Michelle Dee reuses symbolic evening gown for final walk
THE ISSUE
Matatandaang kahapon, September 16, 2024, nagparinig si Michelle sa Instagram na hindi pa rin niya natanggap ang perang napanalunan sa Miss Universe 2023 finals.
Malaking bagay daw sana ito sa autism society na kanyang sinusuportahan.
Halos isang taon na rin kasi ang kanyang hinihintay.
Bahagi ng pasaring ni Michelle, "At present, i'm still waiting for the release of the VFC award and i'm hoping that they do before the next set of winners. Definitely excited to learn more about the advocacies the delegates are championing for though. All love."
Agad namang nakarating ito sa organisasyon.
Ngayong araw, September 17, 2024, inanunsiyo ng MUPH organization n matatanggap na ng autism society na sinusuportahan ni Michelle ang nasabing pera.
Nagkaraoon daw kasi ng problema sa "communication process" sa MUP at hindi sa MUO.
Sabi pa nila, "We are all very excited about Michelle Marquez Dee’s plans next week. Thank you, Queen!
"MEA CULPA. The delay was caused by the comms process of MUPH and NOT Miss Universe Organization."
Read: Michelle Dee will finally receive Voice for Change prize money