Pansamantalang makakalaya ang aktor na si Ricardo Cepeda matapos ang isang taong pagkakakulong dahil sa kasong estafa.
Oktubre 7, 2023 nang arestuhin at dakpin si Ricardo ng pulisya.
Mula sa Camp Karingal, Quezon City ay dinetina si Ricardo sa Cagayan Provincial Jail sa Tuguegarao.
Read: Ricardo Cepeda "wrongfully accused," says stepson; still detained at Camp Karingal
Kahapon, Setyembre 18, 2024, Miyerkules, nakatanggap ang PEP.ph (Philippine Entertainment Portal) ng impormasyon tungkol sa pagpiyansa ni Ricardo.
Pinirmahan ni Executive Judge Gemma Bucayu-Madrid ang resolusyon kahapon din.
Bahagi ng nakasaad dito: "Having posted cash bond duly approved by this Court, the Warden of the Cagayan Provincial Jail, Tuguegarao City, Cagayan, where the accused is ordered to RELEASE the accused on provisional liberty unless held for some other lawful cause."
Hindi nakasaad kung magkano ang kabuuang halaga ng piyansa ni Ricardo para sa pansamantala nitong kalayaan.
Ngayong Huwebes ng umaga, September 19, isinapubliko ng longtime partner ni Ricardo na si Marina Benipayo ang paglaya ng aktor sa pamamagitan ng Facebook post.
Mensahe ng actress-model: "May uuwi na, finally!!!!
"Thank you, God for your continuing guidance, never mo kami pinabayaan despite the challenge.
"Thankful for the strength you have given us throughout.
"Thank you everyone also for your prayers."
Kalakip nito ang isang nakakatuwang video habang nagsasayaw sina Marina at Ricardo sa saliw ng kantang "Don't Be Cruel" ni Elvis Presley.
May nakasulat ditong "he's finally going home!"
Read: Ricardo Cepeda speaks up about syndicated estafa case: “Hindi ko alam na sinama nila ako.”
RICARDO CEPEDA ESTAFA CASE
Nakasuhan si Ricardo ng syndicated estafa matapos madawit sa isang "investment scheme."
Noong October 2023, umalma ang stepson ni Ricardo na si Joshua de Sequerra, na nagsabing "wrongfully accused" ang aktor.
Ayon kay Sequerra, si Ricardo ay "product endorser" ng isang "sales company" na nangakong magbigay ng monthly profit mula sa isang investment scheme.
Pero tumalbog ang postdated checks na ibinayad ng kumpanya sa mga sumaling investors.
Si Sequerra ay anak ng partner ni Ricardo na si Marina Benipayo.
Sa hiwalay na pahayag ni Marina, dinepensahan din niya si Ricardo at sinabing wala itong kinalaman sa investment scheme ng di pinangalanang sales company na nagbebenta ng herbal products.
Brand ambassador lamang daw si Ricardo, at wala sa hinagap nitong manloloko ang kumpanyang nirepresenta.
Noong August 29, 2024, patuloy na umaasa si Marina na makalaya si Ricardo.
Sabi niya sa kanyang Faceboost post: "#11months Praying this challenge will be over soon. God made us strong, kaya natin ito. I miss you, Richard."
Read: Marina Benipayo on hate comments after partner Ricardo Cepeda's arrest: “Hindi niyo kami kilala.”